Connect with us

පුවත්

ව්‍යවස්ථා සංශෝධනයක් අතළඟ; ජනපති සමාව දීම පහසුකරයි!

Published

on

නව ආණ්ඩුක්‍රම ව්‍යවස්ථා සංශෝධනයක් සම්බන්ධ යෝජනාවක් ඉදිරි අමාත්‍ය මණ්ඩල රැස්වීමට ඉදිරිපත් කිරීමට සූදානම්වන බව වාර්තා වේ.

ඒ මරණීය දණ්ඩය හිමි වූ වරදකරුවන්ට සමාව දීමේ ක්‍රමවේදය වෙනස් කිරීම සඳහාය.

දැනට ක්‍රියාත්මක වන විධිවිධානය අනුව මරණීය දණ්ඩනයට නියම වූ තැනැත්තකුට සමාව දීම සඳහා ජනාධිපතිවරයා තීරණය කළහොත් ඊට අදාළව එම නඩුව විභාග කළ මහාධිකාරණ විනිසුරුවරයා, නීතිපතිවරයා හා අධිකරණ අමාත්‍යවරයාගේ ලිඛිත නිර්දේශ ලබාගෙන අදාළ නිදහස් කිරීම සිදු කිරීමට ජනාධිපතිවරයාට ව්‍යවස්ථානුකූලව බලය පවරා තිබේ.

කෙසේවුවද, යෝජිත නව සංශෝධනය අනුව මරණීය දණ්ඩනයට නියමවූවකුට සමාව ලබාදීමේදී එම නඩුව විභාග කළ විනිසුරුවරයාගෙන් වාර්තාවක් ලබාගැනීමේ විධිවිධානය ඉවත් කිරීමට නියමිතය.

ඒ වෙනුවට නීතිපතිවරයාගේ සහ අධිකරණ ඇමැතිවරයාගේ නිර්දේශය මත පමණක් මරණ දඬුවම ලැබූවකුට සමාව දීමේ බලය ජනාධිපතිවරයාට පැවරීමට සැලැසුම්කර තිබේ.

නව සංශෝධනය කල්ගත වීමෙන් පසුව මුලින් නඩුව විභාග කරන ලද විනිසුරුවරුන් සොයා වාර්තා ලබාගැනීමේ දුෂ්කරතාව නිසා මේ තීරණය ගෙන ඇතැයි ද පැවසේ.

අධිකරණ අමාත්‍යවරයා ලිඛිතව මේ සම්බන්ධයෙන් දැනුවත් කරමින් ඒ සම්බන්ධ යෝජනාව කැබිනට්ටුවට ඉදිරිපත් කිරීමට සැලැසුම් කර ඇතැයි වාර්තා වේ.

පුවත්

අල්ලස් කොමිසමෙන් රනිල්ට දින දෙයි

Published

on

By

හිටපු ජනාධිපති රනිල් වික්‍රමසිංහ මහතාට එළැඹෙන 25 වැනිදා අල්ලස් කොමිසම හමුවේ පෙනී සිටින එම කොමිසම දන්වා තිබේ.

ඒ පාර්ලිමේන්තු මන්ත්‍රී චාමර සම්පත් දසනායක මහතා සම්බන්ධව සිදුකළ ප්‍රකාශයක් සම්බන්ධව ප්‍රකාශයක් ලබා ගැනීම සඳහාය.

ඒ අනුව එළැඹෙන 25 වැනිදා පෙරවරු 09.30ට අල්ලස් කොමිසම හමුවේ පෙනී සිටින ලෙස හිටපු ජනාධිපති රනිල් වික්‍රමසිංහ මහතාට අල්ලස් කොමිසම දැනුම් දී තිබේ.

සබැඳි පුවත් :

අල්ලස් කොමිසමට කැඳවීම ගැන රනිල්ගෙන් නිවේදනයක්

Continue Reading

පුවත්

දේශබන්දුට අධිකරණයෙන් නියෝගයක්

Published

on

By

අධිකරණයෙන් ඇප ලබා පිටව යාමේදී අධිකරණ නියෝග කඩවන ආකාරයෙන් ක්‍රියාකිරීම සම්බන්ධයෙන් එළඹෙන අප්‍රේල් 25වනදා මාතර මහෙස්ත්‍රාත් අධිකරණය හමුවේ පෙනී සිටින ලෙස රාජකාරී අත්හිටුවා ඇති පොලිස්පති දේශබන්දු තෙන්නකෝන් මහතාට සහ ඔහුව අධිකරණයෙන් පිටතට රැගෙනයාමට භාවිත කළ මෝටර් රථයේ හිමිකරුට නියෝග කර තිබේ.

මාතර මහෙස්ත්‍රාත්වරයා විසින් එම නියෝගය ලබාදී තිබේ.

ඒ ඉකුත් අප්‍රේල් මස 10වනදා දේශබන්දු තෙන්නකෝන් ඇප ලබා මාතර මහේස්ත්‍රාත් අධිකරණ සංකීර්ණයෙන් පිටව යාමේදී අධිකරණ නියෝග කඩ කර ඇති බවට නීතිපතිවරයා මෝසමක් මගින් අද (21) අධිකරණයට කළ කරුණු දැක්වීමෙන් අනතුරුවයි.

Continue Reading

පුවත්

මුළු ආණ්ඩුවක් එක්ක තනි මම රැම්බෝ වගේ (වීඩියෝ)

Published

on

By

මුළු ආණ්ඩුවක් සමඟම තමන් තනිව, සුප්‍රකට හොලිවුඩ් වීරයෙකු වන රැම්බෝ මෙන් සටනක නිරතව සිටින බව හිටපු අමාත්‍ය උදය ගම්මන්පිල මහතා පවසයි.

පිල්ලෙයාන් රැදවුම්භාරයට ගනිමින්, ඉන් පසුව, පිල්ලෙයාන් හෙළිදරව්වක් සිද්ධ කලා යැයි කියමින් යම් කිසි පාර්ශ්වයක් අත්අඩංගුවට ගැනීමට රජය දියත් කර තිබුණු කුමන්ත්‍රණය, තමන් උපායශීලීව පිල්ලෙයාන් හමුවීමට යාම නිසා කඩාකප්පල් වූ බව ගම්මන්පිල මහතා විසින් පෙන්වා දෙනු ලබයි.

විශේෂ මාධ්‍ය හමුවක් පවත්වමින් ඒ මහතා මේ බව කියා සිටියේය.

Continue Reading

Trending

Copyright © 2023 Sri Lanka Mirror. All Rights Reserved