සමගි ජන බලවේගයේ විරෝධතා පා ගමන විසුරුවා හැරීම සඳහා කොළඹ නගර සභාව ආසන්නයේදී ජල හා කඳුළු ගෑස් ප්‍රහාරයක් එල්ලකර තිබේ.
මේ අතර, විරෝධතා පා ගමන හේතුවෙන් කොළඹ මහ නගර සභාව ආශ්‍රිත ප්‍රධාන මාර්ග රැසක මේ වනවිට දැඩි රථවාහන තදබදයක් ඇතිවී තිබෙන බවද වාර්තා වේ.
මෙම විරෝධතා රැළියට එරෙහිව අද දිනයේදී අධිකරණ නියෝග තුනක් ලබාදී තිබුණු අතර, එම නියෝග මගින් විරෝධතාකරුවන් හට කොළඹ නගරයේ ඇතුල් විය නොහැකි ප්‍රදේශ රැසක් නම් කර තිබුණි.
කෙසේවෙතත්, අදාල විරෝධතාකරුවන්ට සිය භාෂණයේ නිදහස භාවිත කිරීම උදෙසා කිසිදු බාධාවක් සිදුනොකරමින් ඔවුන්ගේ මතයන් ප්‍රකාශ කිරීම සඳහා අධිකරණය බලප්‍රදේශයට අයත් පී.ඩී සිරිසේන ක්‍රීඩාංගණය හා හයිඩ්පාක් පිටිය සුරක්ෂිත ලෙස ඔවුන් වෙනුවෙන් වෙන් කොට තැබීමටත් එම පිටි තුළ විරෝධතා දැක්වීමට බාධාවක් සිදුනොවුන ඇති බවත් ඒ සඳහා අවසර ලබාදෙන බවත් මාළිඟාකන්ද මහෙස්ත්‍රාත්වරිය නියෝග කර තිබුණි.
සබැඳි පුවත් :
