රාමසාන් උපවාස සමය සඳහා සවුදි අරාබියෙන් ප්‍රදානයක් වශයෙන් ලබා දී තිබෙන රටඉඳි තොගයට ද ශ්‍රී ලංකා රේගුව මඟින් බදු අය කර ඇතැයි අද (28) අනාවරණය විය.
ඒ අද පැවැති කැබිනට් තීරණ දැනුම් දීමේ මාධ්‍ය හමුවේදීය.
මෙට්‍රික් ටොන් 50ක් වන මෙම ප්‍රදානය ලබාදීමේදී රේගුවෙන් රුපියල් මිලියන 33ක බදු අයකර ඇතිදැයි මාධ්‍යවේදියෙකු නැගූ පැණයට පිළිතුරු දුන් කැබිනට් ප්‍රකාශක – අමාත්‍ය නලින්ද ජයතිස්ස මහතා පැවසුවේ රටඉඳි සඳහා ඇති බදු රාමසාන් උපවාස සමයේදී රජය විසින් ලිහිල් කරන බවත් ඊට අදාළව කැබිනට් තීරණයක් ගෙන ඇති බවත්ය.
කෙසේවෙතත්, මෙම තොගය ගෙන්වා ඇත්තේ එම තීරණය ප්‍රකාශයට පත් කිරීමට පෙර බැවින් ඊට බදු අය කර ඇති බවත්, ඊට අවශ්‍ය සහනය ලබාදීම සඳහා මේ වනවිටත් රජය අවධානය යොමු කර ඇති බවත්, අමාත්‍යවරයා වැඩිදුරටත් පැවසීය.
සබැඳි පුවත් :
