පුවත්
ෆේස්බුක් සටහනක් දැමූ ගුරුවරියක් ගැන විමර්ශනයක්
ගුරුවරුන් සඳහා පුහුණු සැසි සතිඅන්ත දිනවල හෝ පාසල් නිවාඩු කාලයේ පැවැත්වීමට නියෝග කිරීමට විරෝධය දක්වමින් ෆේස්බුක් හි සිදු කළ පළ කිරීමක් හේතුවෙන් ගුරුවරියකගෙන් ප්‍රකාශයක් ලබා ගැනීමට මධ්‍යම පළාත් අධ්‍යාපන දෙපාර්තමේන්තුව පියවර ගෙන තිබේ.
සතියේ දිනවල ගුරුවරුන් සඳහා පුහුණු සැසි පැවැත්වීම මැයෙන් මධ්‍යම පළාත් හිටපු අධ්‍යාපන ලේකම්වරයා විසින් නිකුත් කළ ලිපියක් සහ ඒ සම්බන්ධයෙන් ලංකා ගුරු සංගමය නිකුත් කළ ලිපියක් පිළිබඳව තිළිණි ෂැල්වින් මහත්මිය අගෝස්තු 14 වන දින ෆේස් බුක් සටහනක් පළ කර තිබුණි.
ඒ අනුව, තිලිණි ෂැල්වින් මහත්මියට එරෙහිව සිදු කෙරෙන මූලික විමර්ශනයකට අදාළව ප්‍රකාශයක් ලබා ගැනීම සඳහා ඊයේ (09) දින ඇයව මධ්‍යම පළාත් අධ්‍යාපන දෙපාර්තමේන්තුවට කැඳවා තිබේ.
මේ සම්බන්ධයෙන් නිවේදනයක් නිකුත් කරමින් ලංකා ගුරු සංගමය අවධාරණය කළේ වෘත්තීය සමිති ක්‍රියාකාරිනියක ලෙස අදහස් දැක්වීම හේතු කොටගෙන එම ගුරුවරියට එරෙහිව මූලික විමර්ශනයක් සඳහා ප්‍රකාශ ලබා ගැනීම ඇගේ භාෂණයේ නිදහස බරපතල ලෙස උල්ලංඝණය කිරීමක් බවය.
ලංකා ගුරු සංගමය පවසන්නේ, මධ්‍යම පළාත් හිටපු අධ්‍යාපන ලේකම් විසින් මධ්‍යම පළාතේ ගුරුවරු සම්බන්ධයෙන් ආයතන සංග්‍රහයේ Xඓඓ පරිච්ඡේදයේ 24 වන්තියෙහි සඳහන් විධිවිධාන උල්ලංඝණය වන ආකාරයෙන් අනීතික නියෝගයක් නිකුත් කිරීම හා ඒ සම්බන්ධයෙන් ලංකා ගුරු සංගමය කරන ලද මැදිහත්වීම පිළිබඳව ඇය අදාළ සමාජ මාධ්‍ය අදහස් දැක්වීම කර තිබු බවය.
ලංකා ගුරු සංගමය මගින් එම නියෝගය අනීතික බව පෙන්වාදීමෙන් අනතුරුව එච්. එම්. එම්. යූ. බී. හේරත් මධ්‍යම පළාත් හිටපු අධ්‍යාපන ලේකම්වරයා විසින් එම අනීතික නියෝගය අත්හිටුවන බවද ලංකා ගුරු සංගමය පෙන්වා දෙයි.
එවැනි පසුබිමක එම නියෝගය සම්බන්ධයෙන් කළ අදහස් දැක්වීම මත තිලිණි ෂැල්වින් ගුරු මහත්මියට එරෙහිව විමර්ශනයක් සිදු කිරීම කනගාටුදායක තත්වයක් බවත් එම විමර්ශනය වහා නතර කරන ලෙසත් ලංකා ගුරු සංගමය ඉල්ලා සිටියි.
මේ සම්බන්ධයෙන් ලංකා ගුරු සංගමය නිකුත් කළ නිවේදනය පහතින්,
ශ්‍රී ලංකාව තුළ සිදුව තිබෙන දේශපාලනික පරිවර්තනය පිළිබඳ පණිවිඩය ජාත්‍යන්තරයට ගෙන යාම හා ජාත්‍යන්තරය හමුවේ ශ්‍රී ලංකාවේ ප්‍රතිරූපය ඔසවා තැබීම තානාපතිවරුන් සතු වගකීමක් බව ජනාධිපති අනුර කුමාර දිසානායක මහතා ප්‍රකාශ කළේය.
ජනාධිපති අනුර කුමාර දිසානායක මහතා මෙම අදහස් පළ කළේ විදෙස් රටවල් කිහිපයක් සඳහා ශ්‍රී ලංකා තානාපතිවරුන් ලෙස පත්ව යන නව දූත මණ්ඩල ප්‍රධානීන් සමඟ ජනාධිපති කාර්යාලයේ අද (15) පැවති සාකච්ඡාවේදීය.
විදේශගත ශ්‍රී ලාංකිකයින්ට සේවා සැපයීමේදී ඒ සඳහා මූලිකත්වය දෙමින් විශේෂ අවධානයකින් කටයුතු කරන ලෙසත්, කිසිදු භේදයකින් තොරව සාධාරණව කටයුතු කරන ලෙසත් ජනාධිපතිවරයා නව රාජ්‍යතාන්ත්‍රිකයන්ට උපදෙස් ලබා දුන්නේය.
ශ්‍රී ලංකා තානාපති කාර්යාලය ශ්‍රී ලාංකිකයන්ගේ තැනක් ලෙස ඔවුන්ට හැඟෙන පරිදි කටයුතු කළ යුතු බව පෙන්වා දුන් ජනාධිපතිවරයා, රට වෙනුවෙන් තම සේවය කාර්යක්ෂමව සිදු කිරීමට කටයුතු කරන ලෙසද කියා සිටියේය.
ඍජු විදේශ ආයෝජන ආකර්ෂණය කර ගැනීම සඳහා මෙන්ම ශ්‍රී ලංකාවේ සිටින ව්‍යවසායකයින්ට විදේශ වෙළෙඳපොළ අවස්ථා සොයා ගැනීමට අවශ්‍ය සම්බන්ධීකරණය රාජතාන්ත්‍රික සේවාවේ කොටසක් බවද ජනාධිපති අනුර කුමාර දිසානායක මහතා ප්‍රකාශ කළේය.
ඒ අනුව, මෙරට ආර්ථිකය නඟාසිටුවීම සඳහා සෘජු විදේශ ආයෝජන හා සංචාරකයින් කැඳවා ගෙන ඒම තානාපතිවරයාට පැවරෙන ප්‍රධාන වගකීමක් බවත් ඒ සඳහා අවශ්‍ය සහයෝගය ලබා දීමට රජය සූදානම් බවත් ජනාධිපති අනුර කුමාර දිසානායක මහතා සඳහන් කළේය.
ශ්‍රී ලංකාවේ සිදු වූ ඇතැම් සිදුවීම් නිසා පසුගිය කාලයේ තානාපතිවරුන් අපහසුතාවට පත්ව ඇති බවත් වත්මන් ආණ්ඩුව තානාපතිවරුන්ගේ ගෞරවයට හානි වන දෑ නොකරන බවත් කී ජනාධිපතිවරයා තානාපතිවරුන් වෙනුවෙන් ආණ්ඩුව ඕනෑම අවස්ථාවක පෙනී සිටින බවද සඳහන් කළේය.
නව දූත මණ්ඩල ප්‍රධානීන් ලෙස ඉන්දියාවේ ශ්‍රී ලංකා මහකොමසාරිස් ලෙස පී.එම්. කොලොන්නෙ, පකිස්ථානයේ ශ්‍රී ලංකා මහකොමසාරිස් ලෙස රියර් අද්මිරල් ෆ්‍රෙඩ් සෙනෙවිරත්න, එක්සත් රාජධානියේ ශ්‍රී ලංකා මහකොමසාරිස් ලෙස එස්.ඩී.එන්.යු. සේනාධීර, අමෙරිකානු නිව්යෝක් එක්සත් ජාතීන්ගේ නිත්‍ය නියෝජිත ලෙස ජයන්ත ජයසූරිය, කියුබාවේ ශ්‍රී ලංකා තානාපති ලෙස ආර්.එම්. මහින්ද රත්නායක, ජපානයේ ශ්‍රී ලංකා තානාපති ලෙස මහාචාර්ය පී. ජනක් කුමාරසිංහ, එක්සත් අරාබි එමීර් රාජ්‍යයේ ශ්‍රී ලංකා තානාපති ලෙස මහාචාර්ය අරූෂා කුරේ යන මහත්ම මහත්මීහු මෙලෙස පත්වීම් ලැබ සිටිති.
විදේශ කටයුතු අමාත්‍යාංශයේ ලේකම් අරුණි රණරාජා, ජනාධිපති ජ්‍යෙෂ්ඨ අතිරේක ලේකම් රෝෂන් ගමගේ යන මහත්ම මහත්මීහුද මෙම අවස්ථාවට එක් වූහ.
ලුණු ආනයනයට කැබිනට් අනුමැතිය
සැප වාහන වෙන්දේසියෙන් මිලියන 200 ඉක්මවූ මුදලක් (Update)
