වසර දාහතරකට පෙර පුද්ගලයකු පැහැරගෙන ගොස් අතුරුදන් කිරීම සම්බන්ධයෙන් විමර්ශනයකට නාවික හමුදා කපිතාන්වරයකු අපරාධ පරීක්ෂණ දෙපාර්තමේන්තුවේ සමූහ මංකොල්ල විමර්ශන අංශය පෙරේදා (18) අත්අඩංගුවට ගෙන ඇත.
මෙම නාවික හමුදා නිලධාරියා ඊළාම් යුද සමයේ නාවික හමුදා බුද්ධි නිලධාරියකු ලෙසින් සුවිශේෂී මෙහෙවරක් කළ අයකු බව නාවික හමුදාව පවසයි.
2010 ජූලි 26 දා කටුපොත පදිංචි ශාන්ත සමරවීර නමැති අයකුව අත්අඩංගුවට ගෙන සිරකර තබාගෙන අතුරුදන් කළ බව කියන චෝදනාවට මොහුව අත්අඩංගුවට ගෙන ඇත.
එම සිදුවීම වන කාල සීමාවේ අලව්ව පොලිසියේ අපරාධ අංශ ස්ථානාධිපති ලෙස සිටි ප්‍රධාන පොලිස් පරීක්ෂකවරයකුවද මෙම විමර්ශනවලට අදාළ පසුගිය වසරේ අත්අඩංගුවට ගෙන තිබිණි.
ඉන් පසුව ඉකුත් ජුනි මාසයේ අලව්ව පොලිසියේ එම කාලසීමාවේ සේවය කළ සැරයන්වරුන් දෙදෙනකු ද අපරාධ පරීක්ෂණ දෙපාර්තමේන්තුව අත්අඩංගුවට ගෙන ඇත.
මූලාශ්‍රය – අරුණ
