Connect with us

පුවත්

චීනයෙන්, මෙරට ධීවරයන් හා ගොවීන් වෙත ඩීසල් ලීටර් මිලියන 10.6ක පරිත්‍යාගයක්

Published

on

චීනය විසින් ශ්‍රී ලංකාවේ දුෂ්කර ප්‍රදේශවල සිටින ගොවීන් සහ ධීවරයින් සඳහා ඩීසල් ලීටර් මිලියන 10.6 ක් පරිත්‍යාග කර ඇති බව මෙරට පිහිටි චීන තානාපති කාර්යාලය පවසයි.

ට්විටර් නිවේදනයක් මගින් චීන තානාපති කාර්යාලය පවස්නේ නැව්ගත කර ඇති මෙම ඉන්ධන තොගය නොවැම්බර් සහ දෙසැම්බර් අතර කාලයේදී මෙරටට සේන්දු වීමට නියමිත බවත්, ඉන්පසුව හැකි ඉක්මනින්ම අවශ්‍ය පාර්ශව වෙත ලබාදෙන බවත්ය.

මේ වන විට වඩාත්ම බලපෑමට ලක්ව ඇති ලංකාවේ කෘෂිකාර්මික හා ධීවර ක්ෂේත්‍ර වල ජීවනෝපායන් නගා සිටුවීමේ අරමුණින් මෙම ප්‍රදානය සිදුකළ බවද එම නිවේදනයේ දැක්වේ.

ශ්‍රී ලංකාව චීනයෙන් ඩීසල් නැව්ගත කිරීමක් අපේක්ෂා කරන බව විදුලිබල හා බලශක්ති අමාත්‍ය – කාංචන විජේසේකර උපුටා දක්වමින් විදෙස් මාධ්‍ය අද පෙරවරු ‍වෙත ප්‍රකාශ කර ඇති අතර, එය නොවැම්බර් මස අවසන් වන විට පැමිණීමට නියමිතයි.

මීට පෙර, අබුඩාබි නුවර සිට විදෙස් මාධ්‍ය වලට අදහස් දක්වා තිබූ විදුලිබල හා බලශක්ති අමාත්‍ය – කාංචන විජේසේකර මහතා පවසා තිබුණේ ශ්‍රී ලංකාව දැවැන්ත මූල්‍ය අර්බුදයකට ලක්වී ඇති පසුබිමක චීනයෙන් ඩීසල් ලබාගැනීමට අපේක්ෂා කරන බවත්, එම බොහෝදුරට එම නැව්ගත කිරීම නොවැම්බර් මස අවසානයේදී ශ්‍රී ලංකාවට ළඟාවෙනු ඇති බවත්ය.

පසුගිය මාස 5 තුළ චීන රජය විසින් සහල් මෙට්‍රික් ටොන් 5,500 ක් සහ රු. බිලියන 3 ක් වටිනා අත්‍යවශ්‍ය ඖෂධ ශ්‍රී ලංකාවට පරිත්‍යාග කර තිබේ.

සබැඳි පුවත් :

ලංකාවට, චීනයෙන් ඩීසල්?

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved