Connect with us

පුවත්

 NMRA සභාපති ඉවත් කරන්නැයි ඉල්ලූ පෙත්සම විභාගයට දින නියම කරයි

Published

on

ජාතික ඖෂධ නියාමන අධිකාරියේ දත්ත ගබඩාවේ දත්ත මැකී යාම ඇතුළු සංවේදී කරුණු කීපයක් සම්බන්ධයෙන් විමර්ශන පැවැත්වෙන අවස්ථාවක එහි සභාපතිවරයා ලෙස වෛද්‍ය ආනන්ද විජේවික්‍රම මහතා පත් කිරීමට සෞඛ්‍ය අමාත්‍ය රමේෂ් පතිරණ මහතා ගනු ලැබූ තීරණය බල රහිත කිරීමේ නියෝගයක් නිකුත් කරන ලෙසත් ඔහු එම තනතුරේ කටයුතු කිරීම වැළැක්වීමේ අතුරු තහනම් නියෝගයක් නිකුත් කරන ලෙස ඉල්ලා පූජ්‍ය මාතර ආනන්ද සාගර හිමියන් විසින් ගොනුකර තිබෙන පෙත්සම මැයි මස 07 වැනිදා සලකා බැලීමට අභියාචනාධිකරණය අද (04) නියෝග කළේය. 

මෙම පෙත්සම අභියාචනාධිකරණ විනිසුරු මොහොමඩ් ලෆාර් මහතා ඉදිරියේ කැදවන ලදී. 

එහිදී පෙත්සම්කාර පාර්ශවය වෙනුවෙන් පෙනී සිටි නීතිඥ ලක්ෂාන් ඩයස් මහතා ඉදිරිපත් කළ කරුණු සලකා බැලූ විනිසුරුවරයා අදාල පෙත්සම කරුණු තහවුරු කිරීම සඳහාත් මැයි මස 07 වැනිදා කැඳවන ලෙස නියෝග කළේය. 

එදිනට පෙර වග උතරකරුවන් වෙත නොතිසි යැවීමට පියවර ගන්නා ලෙසත් විනිසුරුවරයා විසින් පෙත්සම්කාර පාර්ශවයේ නීතිඥවරයාට දැනුම් දෙන ලදී. 

එම පෙත්සමේ වග උත්තරකරුවන් ලෙස සෞඛ්‍ය අමාත්‍ය රමේෂ් පතිරණ, එම අමාත්‍යංශයේ ලේකම් වෛද්‍ය පාලිත මහීපාල, ජාතික ඖෂධ නියාමන අධිකාරියේ සභාපති වෛද්‍ය ආනන්ද විජේවික්‍රම මහතා ඇතුළු එහි සාමාජිකයින්, සෞඛ්‍ය සේවා අධ්‍යක්ෂ ජෙනරාල්වරයා ඇතුළු පිරිසක් නම් කරනු ලැබ සිටිති. 

පෙත්සම්කරු කියා සිටින්නේ ජාතික ඖෂධ නියාමන අධිකාරියේ සභාපතිවරයා වශයෙන් පත් කර සිටින වෛද්‍ය ආනන්ද විජේ වික්‍රම මහතා 2022 වසරේ සෞඛ්‍ය අමාත්‍යවරයා විසින් ඉවත් කිරීමට කටයුතු කළ බවත් එක් වරක් ඉවත් කළ සමාජිකයකු නැවත එම අධිකාරියේ සභාපතිවරයා වශයෙන් පත් කිරීමට ජාතික ඖෂධ නියාමන අධිකාරි පනත යටතේ අමාත්‍යවරයාට බලයක් නොමැති බවත් පෙත්සමෙන් කියා තිබේ. 

පාර්ලිමේන්තුවේ කෝප් හා කෝපා කමිටුවලට ජාතික ඖෂධ නියාමන අධිකාරියේ වාර්ෂික වාර්තාව ඉදිරිපත් කිරීමට අපොහොසත් වීමේ සිද්ධිය පදනම් කරගෙන ඔහු ඉවත් කිරීමට අමාත්‍යවරයා කටයුතු කළ බවත් පෙත්සමේ සඳහන් වේ.

එසේම මහත් ආන්දෝලනයකට තුඩු දුන් ජාතික ඖෂධ නියාමන අධිකාරියේ දත්ත ගබඩාවේ දත්ත මැකියාමේ සිද්ධිය සම්බන්ධයෙන් මේ වන විට කොළඹ මහේස්ත්‍රාත් අධිකරණය හමුවේ කරුණු වාර්තාකර විමර්ශනයක් පැවැත්වෙන බවත් එම අධිකාරියේ දත්ත ගබඩාවට අනවසරයෙන් ප්‍රවේශ වීම සිද්ධියක් සම්බන්ධයෙන් තවත් විමර්ශනයක් අපරාධ පරීක්ෂණ දෙපාර්තමේන්තුව විසින් සිදු කරන බවත් පෙන්වා දෙන පෙත්සම්කරු මෙම සිද්ධීන් සම්බන්ධයෙන් සාමූහිකව වගකීමට වග උත්තරකාර සභාපතිවරයා බැඳී සිටින බවත් සඳහන් කර සිටිති. 

වග උත්තරකාර වෛද්‍ය ආනන්ද විජේ වික්‍රම මහතා ජාතික ඖෂධ නියාමන අධිකාරියේ සභාපතිවරයා වශයෙන් පත්කිරීමේදී විෂය භාර අමාත්‍යවරයා ඉහත කරුණු සැලකිල්ලට භාජනය කර නොමැති බවත් අත්තනෝමතික ලෙස සිය බලය ක්‍රියාවේ යොදවමින් ඔහු සභාපති ධුරය සඳහා පත්කිරීමට අමාත්‍යවරයා ක්‍රියාකර ඇති බවත් පෙත්සමෙන් චෝදනා කර තිබේ. 

එසේම ඉකුත් කාලයේ ප්‍රමිතියෙන් තොර ඖෂධ මිලදී ගැනීමේ සිද්ධින් සම්බන්ධයෙන් ද ජාතික ඖෂධ නියාමන අධිකාරිය වෙත චෝදනා එල්ල වී තිබෙන බවත් පෙත්සම්කරු සදහන් කරයි. 

මෙවැනි වාතාවරණයක් හමුවේ වග උත්තරකාර වෛද්‍ය ආනන්ද විජේවික්‍රම මහතා ජාතික ඖෂධ නියාමන අධිකාරියේ සභාපතිවරයා වශයෙන් පත්කිරීමට විෂය භාර අමාත්‍යවරයා ගනු ලැබූ තීරණය බල රහිත කිරීමේ රිට් ආඥාවක් නිකුත් කරන ලෙසත් ඒ මහතා අදාල ධුරයේ කටයුතු කිරීම පෙත්සම් විභාගය අවසන් වන තෙක් වැළැක්වීමේ අතුරු නියෝගයක් නිකුත් කරන ලෙසත් පෙත්සම්කරු අභියාචනාධිකරණයෙන් වැඩිදුරටත් අයැද සිටී.

පුවත්

දවස් 03ට ලක්ෂ 03කට කරන්ට් එක ගිහින්

Published

on

By

පසුගිය  දින 03තුළ විදුලිය බිඳවැටීම් 36,000කට  කට  අධික ප්‍රමාණයක් සිදුව තිබෙන බව ලංකා විදුලිබල මණ්ඩලය පවසන බව විදුලි බල සහ බලශක්ති අමාත්‍ය කංචන විජේසේකර මහතා පවසයි.

සිය නිල X ගිණුමේ  සටහනක් තබමින් අමාත්‍යවරයා වැඩිදුරටත් සඳහන් කළේ එමගින් පාරිභෝගිකයන් ලක්ෂ 3කට වැඩි පිරිසකට විදුලිය ඇනහිට ඇති බවය.

මෙම බිඳ වැටීම් යථා තත්වයට පත් කිරීම වෙනුවෙන් මේ වන විටත් අමතර සේවා පිරිස් යොදවා ඇති අතර විදුලිබල මණ්ඩලයේ පාලන අධිකාරිය සහ සේවා නිලධාරීන් පැය 24 පුරා එම කටයුතු වල නිරත වන බව අමාත්‍යවරයා වැඩිදුරටත් පැවසීය.

විදුලි බිඳ වැටීම් පිළිබඳව දැන්වත් කිරිමට ඇති 1987 අංකයට සම්බන්ද වීමට නොහැකි පාරිභෝගිකයන්ට SMS සේවය මගින් 1987ට ඹ්ඪ් සමග විදුලි පාරිභෝගික අංකය මගින් බිඳ වැටීම් දැනුවත් කිරීමටත් CEඹ් Cඅරෙ යෙදුම මගින් හෝ cඑබ්cඅරෙ.cඑබ්.ල්ක් වෙබ් පිටුටව පිවිස දැනුවත් කල හැකි බව අමාත්‍යවරයා වැඩිදුරටත් සඳහන් කර තිබේ.

Continue Reading

පුවත්

වෙසක් කලාප නිසා අවහිර විය හැකි මාර්ග ගැන දැනුම්දෙයි

Published

on

By

වෙසක් කලාපයක් හේතුවෙන් අවහිර විය හැකි ප්‍රධාන මාර්ගයක් පිළිබඳව පොලීසියෙන් රියදුරන්ට දැනුම්දීමක් සිදුකරයි.

ඒ, කටුනායක නිට්ටඹුව ප්‍රධාන මාර්ගය වේයන්ගොඩ ප්‍රදේශයෙන්.

වේයන්ගොඩ පොලිස් වසමේ වෙසක් කලාප 04ක් සහ වෙසක් තොරණ 07ක් ප්‍රදර්ශනය කිරීමට කටයුතු සූදානම් කර තිබේ.

පොලීසිය දැනුම්දෙන්නේ අද (23) සිට දින 07ක් එම වෙසක් කලාපය පැවැත්වෙන බවයි.

අදාල නිවේදනය පහතින් දැක්වේ.

Continue Reading

පුවත්

වෙසක් උත්සවයට සමගාමීව වෙසක් කලාප රැසක්

Published

on

By

මෙවර වෙසක් උත්සවයට සමගාමීව දිවයින පුරා වෙසක් කලාප 420කට අධික සංඛ්‍යාවක් පැවැත්වීමට සැලසුම් කර තිබේ.

දිවයින පුරා තොරණ 321කට වැඩි සංඛ්‍යාවක් ඉදිකර ඇති බවයි වාර්තා වේ.

සෑම වසරකම පවත්වන දෙමටගොඩ, තොටලග, පිටකොටුව, නවලෝක ආදී තොරණ මෙවර ද විචිත්‍රවත්ව ප්‍රදර්ශනය කිරීමට සූදානම් කර ඇත.

වෙසක් දිනයට සමගාමීව දිවයින පුරා දන්සැල් 5,000කට ආසන්න සංඛ්‍යාවක් පැවැත්වීම සඳහා සැලසුම් කර ඇති බව ද වාර්තා වේ.

වෙසක් කලාප ආශ්‍රිතව මෙන්ම ජනතාවගේ ආරක්ෂාව සඳහා පොලිස් නිලධාරින් 18,000කට අධික සංඛ්‍යාවක් යොදවා ඇති බවෙ පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා සඳහන් කලේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved