Connect with us

පුවත්

එළවළු බීජ මිල පාලනයට නියාමන ක්‍රමවේදයක් නෑ – කෝපා

Published

on

මෙරට එළවළු බීජ මිල පාලනය කිරීම සඳහා නිසි නියාමන ක්‍රමවේදයක් නොමැති බව රජයේ ගිණුම් පිළිබඳ කාරක සභාවේදී අනාවරණය විය.

මේ පිළිබඳ අනාවරණය වූයේ රජයේ ගිණුම් පිළිබඳ කාරක සභාව එහි සභාපති පාර්ලිමේන්තු මන්ත්‍රී කබීර් හෂීම් මහතාගේ ප්‍රධානත්වයෙන් ඊයේ (08) පාර්ලිමේන්තුවේදී රැස් වූ අවස්ථාවේදී ය. මෙහිදී එළවළු බීජ දේශීය වශයෙන් නිෂ්පාදනය කිරීමේ ක්‍රියාවලියේ කාර්යසාධනය පිළිබඳ සාකච්ඡා කිරීම සිදු වූ අතර ඒ සඳහා කෘෂිකර්ම අමාත්‍යාංශය ඇතුළු පාර්ශ්ව කිහිපයක් සහභාගී විය.

1997 වසරේ “බීජ හා රෝපණ ද්‍රව්‍ය කර්මාන්තය පිළිබඳ රාජ්‍ය ප්‍රතිපත්තිය”සකස්කර තිබුණද එය 2021 ජනවාරි 01 දින වන විටත් ගැසට් මගින් ප්‍රකාශ නොකිරීම පිළිබඳව ද මෙහිදී සාකච්ඡා විය. එසේම 2003 අංක 22 දරන බීජ පනත සම්බන්ධයෙන් ද මෙහිදී දීර්ඝ ලෙස සාකච්ඡා වූ අතර එහි අවශ්‍ය සංශෝධනයන් සිදු නොකිරීම පිළිබඳවද අවධානය යොමු විය. මේ අනුව බීජ ආනයනය කිරීමට පෞද්ගලික අංශයේ අවසර දී ඇති ආයතන කිහිපයක් පවතින බවත් එම ආයතනයන් විසින් ආනයනය කරන බීජ මිල පාලනය කිරීමට ක්‍රමවේදයක් මෙම පනත තුළ අන්තර් ගත නොවන බවත් මෙහිදී අනාවරණය විය.

මේ අනුව පැමිණ සිටි කමිටුවේ සාමාජික මන්ත්‍රීවරුන් පෙන්වා දුන්නේ මෙය ඉතා බරපතල තත්ත්වයක් බවයි. ඒ හේතුවෙන් දේශීය එළවළු ගොවියා දැඩි අපහසුතාවට පත්වන බවත් මෙය මාෆියාවක් බවත් මන්ත්‍රීවරු පෙන්වා දුන්හ. එබැවින් මෙම තත්ත්වය පාලනය කිරීමේ ක්‍රමවේදයක් සකස් කළ යුතු බවත් ඒ මගින් දේශීය එළවළු ගොවියාට පහසු මිලට එළවළු බීජ මිලදී ගැනීමට හැකි ක්‍රමවේදයක් ඇති කළ යුතු බවත් ඔවුහු පෙන්වා දුන්හ.  

එසේම දේශීය එළවළු ගොවියාට දේශීය වශයෙන් නිෂ්පාදනය කරන එළවළු බීජ ලබාදීමේ ප්‍රතිශත පිළිබඳව ද සෑහීමකට පත් විය නොහැකි බව ද මෙහිදී කෝපා කමිටුව පෙන්වා දුන්නේය. ඊට පිළිතුරු දෙමින් පැමිණ සිටි නිලධාරීන් සඳහන් කළේ දේශීය එළවළු බීජ අවශ්‍යතාවයෙන් වැඩි ප්‍රමාණයක් නිෂ්පාදනය කිරීමටත් සහන මිලට ලබාදීමටත් කෘෂිකර්ම දෙපාර්තමේන්තුව ඇතුළු රාජ්‍ය අංශ කටයුතු කරන බවත් එසේ වුවද ඇතැම් බීජ නිෂ්පාදනය කිරීමට යම් යම් දේශගුණික තත්ත්වයන් යටතේ නොහැකි බවත් එබැවින් එවැනි බීජ ආනයනය කිරීම සිදු කරන බවත්ය. එබැවින් එවැනි බීජ ආනයනය කිරීමට පෞද්ගලික ආයතන කිහිපයකට අවසර දී ඇති බවත්ය.

තවද නිෂ්පාදනය කිරීමට අපහසු දෙමුහුන් බීජ වර්ග පවා තාක්ෂණය භාවිතයෙන් නිෂ්පාදනය කිරීමට කටයුතු කරන බවද නිලධාරීහු පෙන්වා දුන්හ. විශේෂයෙන්ම ඇතැම් බීජ නිෂ්පාදනය කිරීමට අවශ්‍ය පර්යේෂණ සිදු කිරීමට වසර 10 පමණ ගතවන බවත් එම නිලධාරීහු පෙන්වා දුන්හ.

මේ අනුව අවසාන වශයෙන් බීජ නිෂ්පාදනයට පවතින බාධා පිළිබඳව වාර්තාවක්, බඳවා ගැනීම් සඳහා පවතින බාධා පිළිබඳව වාර්තාවක්, බීජ ඉල්ලුම අනුව දේශීය වශයෙන් නිෂ්පාදනය කරන බීජ ප්‍රතිශතය සහ ආනයනය කරන බීජ ප්‍රතිශතය පිළිබඳව වසර 3ක තොරතුරු ඇතුළත් වාර්තාවක් එසේම බීජ මිල පාලනය කිරීම සඳහා අදාළ පනත සහ ප්‍රතිපත්තිය නියාමනය කිරීම හරහා කටයුතු කළ හැකි ආකාරය  පිළබඳව  වාර්තාවක් සති දෙකක් ඇතුළත කෝපා කමිටුවට ලබාදෙන ලෙස කෝපා කමිටුවේ සභාපති පාර්ලිමේන්තු මන්ත්‍රී කබීර් හෂීම් මහතා නිර්දේශ කළේ ය.

මෙම කාරක සභාව සඳහා රාජ්‍ය ආමාත්‍යවරුන් වන ලසන්ත අලගියවන්න, මොහාන් ප්‍රියදර්ශන ද සිල්වා, ඩයනා ගමගේ එසේම පාර්ලිමේන්තු මන්ත්‍රීවරුන් වන තිස්ස අත්තනායක, නිරෝශන් පෙරේරා, අශෝක් අබේසිංහ, බුද්ධික පතිරණ, (වෛද්‍ය) සුදර්ශනී ප්‍රනාන්දුපුල්ලේ, ජේ.සී. අලවතුවල, හෙක්ටර් අප්පුහාමි, (මේජර්, ආචාර්ය) ප්‍රදීප් උදුගොඩ සහ වසන්ත යාපා බණ්ඩාර යන මහත්ම මහත්මීහු සහභාගී වූහ.

පුවත්

RMV ලොක්කා ඇතුළු තිදෙනාට ඇප

Published

on

By

මෝටර් රථවාහන දෙපාර්තමෙන්තුවෙන් බලපත්‍ර ලබා ගැනීම සඳහා පැමිණී ජනතාවගෙන් අල්ලස් වශයෙන් ලබාගත් රුපියල් ලක්‍ෂ 40කට ආසන්න මුදලක් සන්තකයේ තබා ගත් බවට සැකපිට රක්ෂිත බන්ධනාගර කර සිටි මෝටර් රථ ප්‍රවාහන දෙපාර්තමේන්තුවේ නාරාහේන්පිට ශාඛාවේ නියෝජ්‍ය කොමසාරිස්වරයා ඇතුළු සැකකරුවන් තුන්දෙනා ඇප මත මුදා හරින ලෙස කොළඹ ප්‍රධාන මහෙස්ත්‍රාත් තනුජා ලක්මාලි ජයතුංග මහත්මිය නියම කළාය.

සබැඳි පුවත්

Continue Reading

පුවත්

අතුරුදන්වූ ව්‍යාපාරිකයාගේ සිරුර කසළ වළකින් සොයා ගනී

Published

on

By

දින කිහිපයක් තිස්සේ අතුරුදන්වී ඇතැයි වාර්තා වූ, මාරවිල ප්‍රදේශයේ ව්‍යාපාරිකයෙකුගේ මළසිරුර වෙන්නප්පුව ප්‍රදේශයේ කසළ වළකින් සොයාගෙන තිබේ.

ව්‍යාපාරිකයා ඝාතනය කර ඇතැයි පොලිසිය සැකකරන අතර සිද්ධිය සම්බන්ධයෙන් ඔහුගේ මිතුරෙකු වෙන්නප්පුව පොලිසිය විසින් අත්අඩංගුවට ගෙන ඇත.

මාරවිල, කටුනේරිය ප්‍රදේශයේ පදිංචි ශ්‍රීජිත් ජයෂන් නමැති 31 හැවිරිදි මෙම ව්‍යාපාරිකයා පසුගිය 30 වනදා සිට අතුරුදන් බවට වෙන්නප්පුව පොලිසියට පැමිණිල්ලක් ලැබී තිබුණි.

ඒ අනුව සිදුකළ විමර්ශනයේදී ඊයේ (03) පස්වරුවේ වෙන්නප්පුව ප්‍රදේශයේම ව්‍යාපාරිකයාගේ මිතුරෙකුගේ නිවසක තිබී ව්‍යාපාරිකයාගේ මෝටර් රථය හමුවී තිබුණි.

පසුව මිතුරාගෙන් සිදුකළ ප්‍රශ්න කිරීම්වලදී වෙන්නප්පුව සිරිගම්පොල ප්‍රදේශයේ පෞද්ගලික ආයතනයක කසළ වළක තිබී අතුරුදන් ව්‍යාපාරිකයාගේ මළසිරුර සොයාගෙන ඇත.

පොලිසිය පැවසුවේ, ඉකුත් 30 වනදා රාත්‍රියේ ව්‍යාපාරිකයා, ඔහුගේ මිතුරන් 5 දෙනෙකු සමග මත්පැන් පානය කර ඇති අතර එහිදී ඇතිවූ බහින්බස්වීමකදී ව්‍යාපාරිකයාට පිහියකින් ඇන ඝාතනය කර කසළවළට දමා ඇති බවය.

සිද්ධිය සම්බන්ධයෙන් අත්අඩංගුවට ගත් සැකකරුවෙකු මාරවිල මහේස්ත්‍රාත් අධිකරණයට ඉදිරිපත් කිරීමට නියමිත අතර සෙසු සැකකරුවන් අත්අඩංගුවට ගැනීම සඳහා විමර්ශන ක්‍රියාත්මකය.

Continue Reading

පුවත්

කදුරුවෙල ක්වාසි අධිකරණ විනිසුරු අත්අඩංගුවට

Published

on

By

කදුරුවෙල ක්වාසි අධිකරණයේ විනිසුරුවරයා සහ ලිපිකරුවෙකු අල්ලස් කොමිසමේ නිලධාරීන් විසින් අද (04) අත්අඩංගුවට ගෙන තිබේ.

ඒ, රුපියල් ලක්ෂයක මුදලක් අල්ලස් වශයෙන් ලබාගැනීමේ සිද්ධියක් සම්බන්ධයෙනි.

අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් සඳහන් කළේ දික්කසාද නඩුවක් සම්බන්ධයෙන් කාන්තාවට වාසිදායක ලෙස තීන්දුව ලබාදීම සඳහා මෙම අල්ලස් මුදල ඉල්ලා ඇති බවය.

සැකකරුවන් දෙදෙනා අත්අඩංගුවට ගෙන ඇත්තේ එම කාර්යාල පරිශ්‍රයේදීය.

ඒ අනුව සැකකරුවන් කදුරුවෙල මහෙස්ත්‍රාත් අධිකරණය වෙත ඉදිරිපත් කිරීමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved