ඡායාරූප සටහන
ඉන්දීය මහ කොමසාරිස් උතුරේ නිල සංචාරයක (ඡායා)
මෙරට සිටින ඉන්දීය මහ කොමසාරිස් සන්තෝෂ් ජා මහතා 2024 පෙබරවාරි 15-17 දිනවලදී සිය ප්‍රථම නිල උතුරු පළාත් සංචාරයේ නිරත විය.
මෙම සංචාරය අතරතුර සිදුකෙරුණු විවිධ නියැළීම් ද්විපාර්ශ්වික හවුල්කාරීත්වයේ ගැඹුර සහ උතුරු පළාත සමඟ සමාජ ආර්ථික සහ සංස්කෘතික බැඳීම් ශක්තිමත් කිරීමට ඉන්දියාව දක්වන දැඩි කැපවීම පිළිඹිබු කරන බව ඉන්දීය මහ කොමසාරිස් කාර්යාලය විසින් නිකුත් කර ඇති නිවේදනයක දැක්වේ. ශ්‍රී ලංකා රු. බිලියන 70කට වැඩි ප්‍රදාන සමඟින් උතුරු පළාත ශ්‍රී ලංකාව සමඟ ඉන්දියාවේ විවිධ ආකාරයේ සංවර්ධන සහයෝගීතාවයේ ඉහළ අවධානයක් යොමු වන කලාපයක් වන අතර මෙම සංචාරය කලාපයේ ජනතාව උදෙසා ඉන්දියාවේ අචල කැපවීම අවධාරණය කිරීමට අවස්ථාවක් වූ බවද එහි වැඩිදුරටත් දැක්වේ.
මහ කොමසාරිස්වරයා 2023 ජූලි මාසයේදී නිකුත් කරන ලද දැක්ම ප්‍රකාශනයේ සඳහන් ද්විපාර්ශවික ආර්ථික හවුල්කාරීත්වයේ කේන්ද්‍රීය තේමාව වන සම්බන්ධ කතා මුලපිරීම් ඉහළ නැංවීම සම්බන්ධයෙන් විශේෂ අවධානයක් යොමු කළේය. ජා මහතා කන්කසන්තුරය වරායේ සහ ඓතිහාසික මන්නාරම ජැටියේ සංචාරයක නිරත වූ අතර දෙරට අතර බෝට්ටු සේවා කඩිනමින් යළි ආරම්භ කිරීමේ අවශ්‍යතාවය පිළිබඳ සාකච්ඡා කළේය. ඉදිරි සති කිහිපයේ දී නාගපට්ටිනම් සහ කන්කසන්තුරය වරාය අතර බෝට්ටු සේවා යළි ඇරඹීමට හැකි වනු ඇතැයි විශ්වාසය පළ කළ ඒ මහතා, තලෙයිමන්නාරම සහ රාමේෂ්වරම් අතර බෝට්ටු සේවා යළි ආරම්භ කිරීම සම්බන්ධයෙන් මේ වන විට ක්‍රියාත්මක ප්‍රයත්නයන් පිළිබඳව ද සඳහන් කළේය.
පලාලි ගුවන්තොටුපළ වෙත සිදු කළ සංචාරයේ දී එතුමා ගුවන් තොටුපළේ යටිතල පහසුකම් සංවර්ධනය හරහා ගුවන් සම්බන්ධකතාවය ශක්තිමත් කළ හැකි ආකාර ද සොයා බැලුවේය.
ඉන්දියාව සහ ශ්‍රී ලංකාව විසින් බෙදා හදා ගන්නා පොහොසත් සංස්කෘතික උරුමය අවධාරණය කරමින් මහ කොමසාරිස්වරයා ඓතිහාසික රාම් සේතු (ආදම්ගේ පාලම) හිදි විශේෂ පූජාවක ද නිරත වී ඇති අතර, ඒ මහතා ඉන්දීය රජයේ ප්‍රදාන යටතේ අලුත්වැඩියා කරන ලද ඓතිහාසික තිරුකෙතිෂ්වරම් කෝවිල ද වැඳ පුදාගෙන තිබේ.
තවද, නයිනතිව් දූපතේ නාගපූෂාණී අම්මාන් කෝවිල සහ නාග විහාරය, මන්නාරම පූජනීය මඩු දේවස්ථානය සහ නල්ලූර් කන්දස්වාමි කෝවිල යන පූජනීය ස්ථානද වැඳ පුදා ගත් මහ කොමසාරිස්වරයා, ඉන්දියාවේ සහ ශ්‍රී ලංකාවේ ජනතාවගේ සුබ සිද්ධිය සහ සෞභාග්‍යය උදෙසා ප්‍රාර්ථනා කළේය. ඉන්දීය ජනතාවගේ තිළිණයක් වන යාපනය සංස්කෘතික මධ්‍යස්ථානයේ පැවති ත්‍යාගරාජා ආරාධනා වැඩසටහනට ද ඒ මහතා සහභාගී විය.
සමාජයේ විවිධ කොටස් වෙත ඉන්දියාවේ කැපවීම යළි අවධාරණය කරමින් මහ කොමසාරිස්වරයා මන්නාරම ධීවර ප්‍රජාවන්ගේ ජීවනෝපාය මාර්ගයන් වැඩි දියුණු කිරීමේ අරමුණින් ඔවුන්ට අධි ශීතකරණ බෙදා දී තිබේ. එතුමා යාපනය සහ කිලිනොච්චි දිස්ත්‍රික්කයේ අවශ්‍යතා සහිත පවුල් සිය ගණනකට වියළි සලාකද බෙදා දී ඇති අතර එහිදී කාන්තා මූලික පවුල් වෙත විශේෂ අවධානයක් යොමු කර තිබිණ.
යාපනයට ඔබ්බෙන් පිහිටි දූපත්වල බලශක්ති අවශ්‍යතාවයන් සපුරාලීම සදහා දායකත්වය ලබාදීමට ඉන්දියාව දක්වන ප්‍රයත්නය හා සමගාමීව මහ කොමසාරිස්වරයා, නයිනතිව් දූපතේ දෙමුහුන් පුනර්ජනනීය බලශක්ති පද්ධති ව්‍යාපෘතිය කඩිනමින් ක්‍රියාත්මක කිරීමට සූදානම පිළිබඳව සොයා බලා ඇත. මෙම ව්‍යාපෘතිය ඉන්දියානු රජයේ ප්‍රදාන හරහා ඩෙල්ෆ්ට්, නයිනතිව් සහ අනලතිව් යන දූපත්වල ක්‍රියාත්මක කරනු ලැබේ.
තවද, මහ කොමසාරිස්වරයා ඉන්දීය සාම සාධක හමුදා ස්මාරකය අභියස දී සිය උපහාරය ද පළ කර තිබේ.
මෙම සංචාරය තුළදී මහ කොමසාරිස්වරයා , පත්වූ නියෝජිතයන්, විද්වතුන් සහ ව්‍යාපාරිකයන් ඇතුළු විවධ ක්ෂේත්‍රවල බොහෝ දෙනෙකු සමඟ සහයෝගීතාවය සහ සංවර්ධනය වඩා ඉහළ නැංවිය හැකි ආකාර පිළිබඳව හරවත් සාකච්ඡාවල නිරත වී ඇත.
(ඡායා : කොළඹ පිහිටි ඉන්දීය මහ කොමසාරිස් කාර්යාලය)
ඝාතනයට ලක් වූ ජ්‍යෙෂ්ඨ මාධ්‍යවේදී ඒ.නඩේසන් මහතාගේ 21 වැනි සැමරුම අද (31) මඩකලපුව ගාන්ධි උද්‍යානයේදී පැවැත්විය.
නැගෙනහිර මාධ්‍ය ෆෝරමය, බැටී ප්‍රෙස් ක්ලබ් සහ උතුරු සහ දකුණු මාධ්‍ය සංවිධාන එක්ව මෙය සංවිධානය කර තිබිණි.
පසුගිය පාලන සමයන්හිදී ඝාතනයට ලක්වූ සියලුම මාධ්‍යවේදීන් වෙත යුක්තිය ඉටු කරන ලෙසත් මාධ්‍ය නිදහසට අත නොතබන ලෙසත් එහිදී අවධාරණය කරන ලදී.
ජායාරූප – අජිත් සෙනෙවිරත්න
ශ්‍රී ලංකා ඉදිකිරීම් කර්මාන්ත මණ්ඩලය විසින් 20 වෙනි වරටත් සංවිධානය කරන ලද “Build Sri Lanka නිවාස හා ඉදිකිරීම් ජාත්‍යන්තර ප්‍රදර්ශනය” නැරඹීම සඳහා ජනාධිපති අනුර කුමාර දිසානායක මහතා අද (31) පෙරවරුවේ එක් විය.
ශ්‍රී ලංකාවේ පවත්වනු ලබන ප්‍රධානතම නිවාස හා ඉදිකිරීම් ජාත්‍යන්තර ප්‍රදර්ශනය වන Build Sri Lanka නිවාස හා ඉදිකිරීම් ප්‍රදර්ශනය ඊයේ (30) කොළඹ සිරිමාවෝ බණ්ඩාරනායක අනුස්මරණ ප්‍රදර්ශන මධ්‍යස්ථානයේදී ආරම්භ වූ අතර එය හෙටින් (01) අවසන් වේ.
ප්‍රදර්ශන කුටි 280කට ආසන්න ප්‍රමාණයකින් සමන්විත මෙම ප්‍රදර්ශනය නිවාස හා ඉදිකිරීම් ක්ෂේත්‍රයේ ප්‍රධානම පාර්ශ්වකරුවන් ඒකරාශි වන වේදිකාවක් වන හෙයින්, මෙමගින් තම සබඳතා ගොඩනගා ගැනීමටත්, ව්‍යාපාර අවස්ථා ලබා ගැනීමටත්, නව නිර්මාණ හා නවීන තාක්ෂණික ක්‍රම පිළිබඳ අවබෝධයක් ලබා ගැනීමටත් ප්‍රදර්ශකයන්ට අවස්ථාව උදා කරයි.
මෙවර ප්‍රදර්ශනය නැරඹීම සඳහා 30,000කට වැඩි නරඹන්නන් පිරිසක් එක් වනු ඇතැයි අපේක්ෂා කෙරෙන අතර විදේශීය රටවල් කිහිපයක ප්‍රදර්ශන කුටි හා භාණ්ඩ හා සේවාවන් ලබා ගැනීමේ අවස්ථාවද පාරිභෝගිකයන්ට උදා කර දී තිබේ. එමෙන්ම විශේෂයෙන් ජාත්‍යන්තරව පිළිගත් පරිසර හිතකාමී ගොඩනැගිලි ද්‍රව්‍ය නිෂ්පාදන රාශියක් මෙවර ප්‍රදර්ශනයේදී දැක බලා ගත හැකිය.
ප්‍රදර්ශන කුටි වෙත යමින් ප්‍රදර්ශනකරුවන්ගේ තොරතුරු විමසීමටද මෙහිදී ජනාධිපති අනුර කුමාර දිසානායක මහතා කටයුතු කළ අතර ප්‍රදර්ශනය නැරඹීමට පැමිණ සිටි ජනතාව සමගද සුහද කථා බහක නිරත විය.
ප්‍රදර්ශනයට එක්ව සිටින අනුග්‍රාහක ආයතන වෙත සමරු තිළිණ පිළිගැන්වීමද ජනාධිපතිවරයා අතින් සිදු කෙරිණි.
නාගරික සංවර්ධන, ඉදිකිරීම් හා නිවාස අමාත්‍යාංශයේ ලේකම් රංජිත් ආරියරත්න, ශ්‍රී ලංකා ඉදිකිරීම් කර්මාන්ත මණ්ඩලයේ සභාපති ජයන්ත පෙරේරා, ප්‍රධාන විධායක නිලධාරී, විශ්‍රාමික කර්නල්, ඉංජිනේරු නිශ්ශංක එන්. විජේරත්න යන මහත්වරුන් ද, ශ්‍රී ලංකා ඉදිකිරීම් කර්මාන්ත මණ්ඩලයේ ආරම්භක සභාපති දේශමාන්‍ය ආචාර්ය සුරත් වික්‍රමසිංහ මහතා ඇතුළු හිටපු සභාපතිවරුන්ද, Colonial Engineering පෞද්ගලික සමාගමේ කළමනාකරණ අධ්‍යක්ෂ එන්. සතීෂ්රාජා මහතා ඇතුළු අනුග්‍රාහක භවතුන් මෙම අවස්ථාවට එක්ව සිටියහ.
2025 මැයි 26 වන දින ශ්‍රී ලංකාවේ ඉන්දීය මහ කොමසාරිස් සන්තෝෂ් ජා මහතා සහ නියෝජ්‍ය නාගරික සංවර්ධන, ඉදිකිරීම් සහ නිවාස අමාත්‍ය ටී. බී. සරත් මහතා විසින් මන්නාරම දිස්ත්‍රික්කයේ ජිම් බ්‍රවුන් නගර් ආදර්ශ ගම්මානය ප්‍රතිලාභී පවුල් 24 වෙත භාර දෙන ලදී.
පාර්ලිමේන්තු මන්ත්‍රී මයිල්වාගනම් ජෙගදීශ්වරන් මහතා, නාගරික සංවර්ධන, ඉදිකිරීම් සහ නිවාස අමාත්‍යාංශයේ ලේකම් රංජිත් ආරියරත්න මහතා, මන්නාරම් දිස්ත්‍රික් ලේකම්තුමා, නිවාස සංවර්ධන අධිකාරියේ සභාපතිතුමා සහ ජ්‍යෙෂ්ඨ නිලධාරීන් සහ නාගරික සංවර්ධන, ඉදිකිරීම් සහ නිවාස අමාත්‍යාංශයේ, උතුරු පළාත් සභාවේ සහ මන්නාරම දිස්ත්‍රික් පරිපාලනයේ ජ්‍යෙෂ්ඨ නිලධාරීන් රැසක් ද මෙම අවස්ථාවට සහභාගී වූහ.
ඉන්දියානු රජයේ ප්‍රදාන සහයෝගය සහිත ආදර්ශ ගම්මාන ව්‍යාපෘතිය නාගරික සංවර්ධන, ඉදිකිරීම් සහ නිවාස අමාත්‍යාංශය සමඟින් දිවයිනේ දිස්ත්‍රික් 25 තුළම ක්‍රියාත්මක වෙමින් පවතී.
මෙම ව්‍යාපෘතිය සඳහා වන අවබෝධතා ගිවිසුම සඳහා ඉන්දීය රජය සහ ශ්‍රී ලංකා රජය 2017 ඔක්තෝබර් මාසයේ දී අත්සන් තබන ලදී. මෙම ව්‍යාපෘතිය යටතේ දිස්ත්‍රික්
නිවාස කමිටු විසින් තෝරා ගනු ලබන පවුල් 24ක් සඳහා වන ආදර්ශ ගම්මානය බැගින් ශ්‍රී ලංකාවේ සෑම දිස්ත්‍රික්කයකම අඩු ආදායම්ලාභී පවුල් 600ක් සඳහා නිවාස ඉදි කෙරෙනු ඇත.
මේ වන විට මෙම ව්‍යාපෘතිය යටතේ ආදර්ශ ගම්මාන මඩකලපුව, වවුනියාව, යාපනය, මහනුවර, ගම්පහ, අනුරාධපුරය, බදුල්ල, මාතලේ, පුත්තලම, කොළඹ, ත්‍රිකුණාමලය, මොනරාගල සහ කිලිනොච්චි යන දිස්ත්‍රික්ක 13 තුළ ඉදි කර ප්‍රතිලාභීන් වෙත භාර දී තිබේ. ව්‍යාපෘතියේ ප්‍රගතිය 97%ක් ඉක්මවා තිබෙන අතර ඉතිරි ආදර්ශ ගම්මාන ද නුදුරේදී ම ප්‍රතිලාභින් වෙත භාර දීමට නියමිතය.
ජාතික ජනමාධ්ය ප්රතිපත්තිය ගැන ජනමාධ්ය අමාත්යාංශයෙන් නිවේදනයක්
ඝාතනය වූ ජ්‍යෙෂ්ඨ මාධ්‍යවේදී ඒ.නඩේසන්ව මඩකලපුවේදී සමරයි
ශ්‍රී ලංකාව BRICS වලට උනන්දුවක් තියෙනවද? මට නම් දැනෙන්නෙ නැහැ – රුසියානු තානාපති
-
පුවත්1 week ago2025ට මුදල් වෙන් කළ ව්යාපෘති රැසක් අතරමඟ
-
පුවත්1 week agoදුමින්ද දිසානායක රිමාන්ඩ් (Update)
-
පුවත්4 days ago“පත්තර මල්ලී” හෙටින් ඉවරයි
-
පුවත්5 days agoNEXTට පසු සේවක බිල්ල වැලිගම MICHELIN?; MICHELIN හි වැඩි කොටස ඉන්දියානු සියැට් ගනියි
-
ඡායාරූප සටහන1 week agoනල්ලූර් කෝවිල සමීපයේ ඉදිකළ Barista අවන්හලට ප්රදේශවාසීන්ගෙන් විරෝධය (ඡායා)