ඡායාරූප සටහන
ජගත් යෝගා දිනය ලංකාවේදී මෙවරත් සමරයි (ඡායා)
කොළඹ, ඉන්දියානු මහ කොමසාරිස් කාර්යාලය, එහි සංස්කෘතික අංශය වන කොළඹ, ස්වාමි විවේකානන්ද සංස්කෘතික මධ්‍යස්ථානය, යාපනය ඉන්දියානු කොන්සියුලර් ජෙනරාල් කාර්යාලය, හම්බන්තොට ඉන්දියානු කොන්සියුලර් ජෙනරාල් කාර්යාලය සහ මහනුවර සහකාර ඉන්දියානු මහ කොමසාරිස් කාර්යාලය 9 වන ජාත්‍යන්තර යෝගා දිනය නිමිත්තෙන් 2023 ජූනි 17 – 21 අතර දිවයින පුරා විවිධ වැඩසටහන් සංවිධානය කර ඇත.
“වාසුධායිව කුටුම්බකම් සඳහා යෝගා” යන තේමාව යටතේ සුවිසල් මහජන වැඩසටහනක් පසුගිය සෙනසුරාදා (17) දිනයේදී පෙ.ව. 6.45 සිට කොළඹ, නිදහස් චතුරස්‍රයේ දී පැවැත්වුණි.
ශ්‍රී ලංකා රජයේ සෞඛ්‍ය අමාත්‍යාංශය ඇතුළු විවිධ පාර්ශ්වකරුවන් සමඟ එක්ව පැවැත්වෙන මෙම අවස්ථාවට ජනතාවට සහභාගි වීමේ අවස්ථාව නොමිලයේ හිමිවූ අතර, මෙම අවස්ථාවට මැති ඇමතිවරුන් ඇතුළු අමුත්තන් රැසක් සහභාගී විය.
කොළඹ ඉන්දීය මහ කොමසාරිස් කාර්යාලය සහ එම කාර්යාලයට අනුබද්ධ ආයතන එක්ව 9 වැනි ජාත්‍යන්තර යෝගා දිනය වෙනුවෙන් රට පුරා ප්‍රදේශ රැසක මේ මස 17දා – 21දා දක්වා වැඩසටහන් රැසක් ක්‍රියාත්මක කරයි.
අද (19) දිනයේදී ඉන්දීය මහ කොමසාරිස් කාර්යාලය විසින් කොළඹ වරායේදී තවත් යෝගා වැඩසටහනක් පැවැත්වීමට නියමිතය.
