චීනයේ ෂැංහයි නුවර සිට තවත් චීන සංචාරකයින් 181 දෙනෙකු ඊයේ (10) ශ්රී ලංකාවට පැමිණියේය.
මෙවැනි විශාල චීන සංචාරක පිරිසක් මේ මාසය තුළ ලංකාවට පැමිණි දෙවැනි අවස්ථාව මෙය වන අතර මේ සංචාරකයන් පිරිස දින 07 ක කාලයක් මෙරට රැඳී සිටීමට නියමිතය.චීනයේ ෂැංහයි නුවර සිට චයිනා ඊස්ටන් ගුවන් සේවයේ එම්.යූ. 231 දරණ ගුවන්යානයෙන් ඊයේ (10) පස්වරු 06.51 ට කටුනායක ගුවන්තොටුපොළ වෙත පැමිණි බව වාර්තා වේ.
ඔවුන් පිළිගැනීම සඳහා විදේශ කටයුතු පිළිබඳ රාජ්ය අමාත්ය තාරක බාලසූරිය මහතා, ශ්රී ලංකාවේ චීන තානාපති චී ෂෙන්හොං මහතා ඇතුළු පිරිසක් පැමිණ සහභාගිවී ඇත.
සෑම සතියකම චීනයේ ෂැංහයි සහ කුංමිං ජාත්යන්තර ගුවන්තොටුපොළවල සිට චීන සංචාරකයන් රැගත් ගුවන් ගමන් වාර 06 ක් චයිනා ඊස්ටන් ගුවන් සේවයේ මෙරටට ක්රියාත්මක කිරීමට නියමිතය.
චීනයේ සිට ශ්රී ලංකාවට පැමිණි පළමු සංචාරකයන් පිරිස වූ සංචාරකයන් 117 දෙනෙකු රැගෙන චීනයේ ග්වැන්ෂෝ නුවර සිට පසුගියදා දිවයිනට පැමිණියේය.
සබැඳි පුවත්
පළමු චීන සංචාරයක පිරිස ලංකාවට පැමිණෙයි (ඡායා)