Connect with us

ක්‍රීඩා

අළුබඳුන තරඟාවලියේ පළමු ජය ඔස්ට්‍රේලියාවට

Published

on

අළුබඳුන ටෙස්ට් ක්‍රිකට් තරඟාවලියේ පළමු තරඟයෙන් කඩුලු 2ක තියුණු ජයක් වාර්තා කරන්නට ඔස්ට්‍රේලියාව ඊයේ සමත් විය.

එංගලන්තයේ බර්මින්හැම්හි එජ්බැස්ටන් ක්‍රීඩාංගණයේදී පැවති මෙම තරඟය අවසන් දිනයේ වර්ෂාව හේතුවෙන් පමා වී ඇරඹෙද්දී ජයග්‍රහණය සදහා ලකුණු 281ක ඉලක්කයක් හඹා යමින් සිටි ඔස්ට්‍රේලියානුවන් සිය දෙවැනි ඉනිමට කඩුලු 8ක් දැවී, ලකුණු 282ක් ලබා ගෙන තරඟයෙන් ජය වාර්තා කළේය. අගනා ඉනිමක් ක්‍රීඩා කල උස්මාන් කවාජා ලකුණු 65ක් ලබා ගත්තේය.

මෙය ඔස්‌ට්‍රේලියාවට ඓතිහාසික ජයග්‍රහණයක් වන්නේ 2011 වසරෙන් පසු ඔස්ට්‍රේලියාව ටෙස්ට් තරඟයකදී හඹා ගොස් ජය ගත් ඉහළම ලකුණු සංඛ්‍යාව මෙය වන නිසාය.

මෙම තරඟයේ පළමු ඉනිම ක්‍රීඩා කළ එංගලන්තය කඩුලු 8ක් දැවී ලකුණු 393ක් ලබා සිය ඉනිම අත් හිටවූ අතර ඊට පිළිතුරු ලෙස සිය පළමු ඉනිම ක්‍රීඩා කළ ඔස්ට්‍රේලියාව රැස්කළ ලකුණු සංඛ්‍යාව 386කි. එංගලන්ත දෙවැනි ඉනිම ලකුණු 273යි.

තරගයේ වීරයා උස්මාන් කවාජා .

ඒ අනුව ඔස්ට්‍රේලියාව මෙම ජයත් සමගින් තරඟ 5කින් සමන්විත අළුබඳුන ටෙස්ට් තරඟාවලිය 1 – 0ක් ලෙස පෙරමුණ ගෙන සිටී.

ක්‍රීඩා

පළමු පුහුණු තරගයේ ජය නෙදර්ලන්තයට

Published

on

By

20යි 20 ලෝක කුසලානය වෙනුවෙන් පැවැත්වුණු පළමු පුහුණු තරගයෙන් ලකුණු 20ක පරාජයක් ලැබීමට ශ්‍රී ලංකා කණ්ඩායමට සිදුවුණි.

ඒ නෙදර්ලන්ත කණ්ඩායම හමුවේය.

අමෙරිකාවේ ෆ්ලෝරිඩා හිදි පැවති තරගයේ කාසියේ වාසිය දිනු ශ්‍රී ලංකා කණ්ඩායම පළමුව පන්දුවට පහර දීමට නෙදර්ලන්ත කණ්ඩායමට ආරාධනා කළේය.

ඒ අනුව පිටියට පිවිසි නෙදර්ලන්ත කණ්ඩායම නියමිත පන්දුවාර 20 අවසානයේදී කඩුලු 5ක් දැවි ලකුණු 181ක් රැස්කර ගත්තේය.

ඩිල්ෂාන් මධුෂංක ලකුණු 39ට කඩුලු දෙකක් දවා ගැනීමට සමත් විය.

ශ්‍රී ලංකාවට ලෝක කුසලාන ක්‍රිකට් තරගාවලියේ පළමු වටයේදී ද නෙදර්ලන්තය සමඟ තරගයක් පැවැත්වෙන බැවින් ශ්‍රී ලංකා කණ්ඩායමේ  ප්‍රධාන පන්දු යවන්නන් වන වනිඳු හසරංග, මතීෂ පතිරණ සහ මහීෂ් තීක්ෂණ පන්දු යැවීම් සිදු වූයේ නැත.

ලකුණු 182ක ජයග්‍රාහි ඉලක්කයක් හඹා යෑමට පිටියට පිවිසි ශ්‍රී ලංකා කණ්ඩායමට පන්දුවාර 18යි පන්දු 5කදී සියලුදෙනා දැවි රැස්කරගත හැකි වූයේ ලකුණු 161ක් පමණි.

ශ්‍රී ලංකා මුල් පෙළ පිිතිකරුවන් අසාර්ථක වෙද්දි වනිඳු හසරංග පන්දු 15කින් ලකුණු 43ක් රැස්කිරීමට සමත්වුණි.

දසුන් ශානක ලකුණු පන්දු 20කදී නොදැවි ලකුණු 35ක් රැස්කළ අතර ධනංජය ද සිල්වා ලකුණු 31යි.

ශ්‍රී ලංකා කණ්ඩායම සහභාගි වන දෙවන පුහුණු තරගය මැයි 31 වැනිදා අයර්ලන්තයට එරෙහිව පැවැත්වීමට නියමිතව තිබේ.

Continue Reading

ක්‍රීඩා

චීනයේ දී රන් දිනූ අරුණ

Published

on

By

“Belt and Road” ආරාධිත මලල ක්‍රීඩා ශූරතාවලියේ පිරිමි මීටර් 400 ඉසව්වේ ප්‍රථම ස්ථානය ශ්‍රී ලාංකික ක්‍රීඩක අරුණ දර්ශන විසින් හිමිකරගත්තේය.

එහිදී ඔහු මීටර් 400 ඉසව්ව නිමකිරීමට ගතකළ කාලය තත්පර 45.48කි.

“Belt and Road” ආරාධිත මලල ක්‍රීඩා ශූරතාවලිය චීනයේදී පැවැත්වෙයි.

Continue Reading

ක්‍රීඩා

T20 ලෝක කුසලානයේ ශ්‍රී ලංකාවේ පළමු තරඟය අද

Published

on

By

පන්දුවාර 20යි 20 ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන පළමු පුහුණු තරගය අද (28) පැවැත්වේ.

ඒ, නෙදර්ලන්තයට එරෙහිවයි.

2024 පන්දුවාර 20යි 20 ලෝක කුසලාන ක්‍රිකට් තරගාවලිය අමෙරිකාවේ සහ බටහිර ඉන්දීය කොදෙව් දූපත්වල සත්කාරකත්වයෙන් පැවැත්වේ.

ශ්‍රී ලංකාව එහි මූලික වටයේදී තරග කරන්නේ ඩී. කාණ්ඩයෙනි.

ශ්‍රී ලංකා කණ්ඩායම සහ නෙදර්ලන්තය අතර පුහුණු තරගය අමෙරිකාවේ ලවුඩර්හිල්හිදී පැවැත්වීමට නියමිතය.

අද තරගය මෙරට වේලාවෙන් රාත්‍රී 8.00 ට ආරම්භ වීමට නියමිතව ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved