ඉන්දීය ක්‍රිකට් පාලක මණ්ඩලයේ ලේකම් ලෙස කටයුතු කළ ජේ ෂා පසුගියදා ජාත්‍යන්තර ක්‍රිකට් කවුන්සිලයේ නව සභාපතිවරයා ලෙස පත් විය.
ඔහු ජාත්‍යන්තර ක්‍රිකට් කවුන්සිලයේ සභාපතිවරයා ලෙස පත්වීමට පෙර ඉන්දීය ක්‍රිකට් පාලක මණ්ඩලයේ ලේකම් ධුරයට අමතරව ආසියානු ක්‍රිකට් කවුන්සිලයේ සභාපතිවරයා ලෙස ද කටයුතු කලේය.
ඒ අනුව, මෙම නව පත්වීමත් සමඟ ඔහුට ආසියානු ක්‍රිකට් කවුන්සිලයේ සභාපති ධුරයෙන් ද ඉවත්වීමට සිදුවේ.
විදෙස් මාධ්‍ය වාර්තා කරන්නේ, ඔහුගේ ඉවත්වීමෙන් පසු පුරප්පාඩු වන ආසියානු ක්‍රිකට් කවුන්සිලයේ සභාපති ධුරයට පත්වීම සඳහා මේ වනවිට තියුණු තරඟයක් නිර්මාණය වී ඇති බවය.
නව ආසියානු ක්‍රිකට් කවුන්සිලයේ සභාපති ලෙස නම් කිරීමේ තරඟයේ පෙරමුණ ගෙන සිටින්නේ පාකිස්තාන ක්‍රිකට් පාලක මණ්ඩලයේ ප්‍රධානී මොක්සින් නක්වි බව වාර්තා වේ.
