ඇෆ්ගන් ටෙස්ට් තරගයෙන් ලංකාවට කඩුලු 10ක ජයක්

Published

1 year ago

February 5, 2024

editor

ශ්‍රී ලංකාව සහ ඇෆ්ගනිස්තානය අතර කොළඹ එස්.එස්.සී. ක්‍රීඩාංගණයේදී පැවැති ටෙස්ට් ක්‍රිකට් තරඟයෙන් ශ්‍රී ලංකා ක්‍රීඩකයෝ කඩුලු 10 ක පහසු ජයක් ලැබීමට සමත් වූහ.

තරගයේ සිවුවැනි දිනය වූ අද (05) තේ විවේකයට පෙර ශ්‍රී ලංකා පිල ලකුණු 56 ක ඉලක්කය පන්දුවාර 7.2 කදී කිසිවකු නොදැවී සම්පූර්ණ කිරීමට සමත් විය.

තෙවැනි දිනය වූ ඊයේ (4) පස්වරුවේ තරගය අත්හිටුවන විට කඩුල්ලක් පමණක් දැවී ලකුණු 199 ක් රැස්කර ප්‍රබල ස්ථානයක සිටි ඇෆ්ගනිස්තාන් දෙවැනි ඉනිම ලකුණු 296 කට සීමා කිරීමට ශ්‍රී ලංකා පන්දු යවන්නෝ සමත් වූහ.

වමතින් දඟ පන්දු යවන ප්‍රභාත් ජයසූරිය විශිෂ්ට පන්දු යැවීමක නිතර වෙමින් ලකුණු 107 කට කඩුලු 5 ක් දවාගනිමින් තරගයේ වීරයා ලෙස සම්මාන ලැබීය.

ඇෆ්ගනිස්තාන් පිල පළමු ඉනිම පන්දුවාර 62.4 කදී සියලු දෙනා දැවී 198

දෙවැනි ඉනිම පන්දුවාර 112.3 කදී සියලු දෙනා දැවී 296

(ඊබ්‍රහිම් ශද්‍රාන් 114, නූර් අලී ශද්‍රාන් 47, රහමට් ෂා 54, නසීර් ජමාල් නොදැවී 41, අසිත ප්‍රනාන්දු 63/3, කසුන් රාජිත 59/2, ප්‍රභාත් ජයසූරිය 107/5)

ශ්‍රී ලංකා පිල පළමු ඉනිම පන්දුවාර 109.2 කදී සියලු දෙනා දැවී 439

(ඇන්ජලෝ මැතිව්ස් 141, දිනේෂ් චන්දිමාල් 107, සදීර සමරවික්‍රම 27, චාමික ගුණසේකර 16, නිජාට් මෂූඩ් 76/2, නවීඩ් ශද්‍රාන් 83/4, කුයිස් අහමඩ් 98/2)

දෙවැනි ඉනිම පන්දුවාර 7.2 කදී කිසිවකු නොදැවී 56

(දිමුත් කරුණාරත්න නොදැවී 32, නිෂාන් මධුෂ්ක නොදැවී 22)

ජුනි මාසයේ ICC දක්ෂයින් අතරට ගිය පැතුම්

Published

6 hours ago

July 8, 2025

editor

ශ්‍රී ලංකාවේ පැතුම් නිස්සංක ජුනි මාසයේ ලොව දක්ෂතම ICC ක්‍රිකට් ක්‍රීඩකයා සඳහා නිර්දේශ වී තිබේ.

ඒ සංචාරක බංග්ලාදේශ කණ්ඩායමට එරෙහි ටෙස්ට් ක්‍රිකට් තරගාවලියේ දැක්වූ දක්ෂතා හේතුවෙනි.

දකුණු අප්‍රිකාවේ කගීසෝ රබාඩා සහ දකුණු අප්‍රිකාවේ ඒඩ්න් මාක්රම්ද ඒ අතරට ඇතුළත්.

මාසයක කාලයක් ජාත්‍යන්තර ක්‍රිකට් පිටියේ දැක්වූ දක්ෂතා මත පදනම්ව අන්තර් ජාතික ක්‍රිකට් කවුන්සිලය විසින් මෙම සම්මානය පිරිනමයි.

ICC ප්‍රධාන විධායක තනතුරට, සංජෝග් ගුප්තා

Published

22 hours ago

July 7, 2025

editor

ජාත්‍යන්තර ක්‍රිකට් කවුන්සිලයේ (ICC) නව ප්‍රධාන විධායක නිලධාරීවරයා ලෙසින් සංජෝග් ගුප්තා පත්කර ඇති බව නිවේදනය කර සිටී.

සංජෝග් ගුප්තා දැනට ජියෝස්ටාර් හි ක්‍රීඩා සහ සජීවී අංශ සඳහා ප්‍රධාන විධායක නිලධාරිවරයා ලෙස කටයුතු කරනු ලබයි. එසේම ඔහු ගෝලීය මාධ්‍ය, විනෝදාස්වාද සහ ක්‍රීඩා මාධ්‍ය සම්බන්ධයෙන් ඉහළ පිළිගැනීමක් ඇති පුද්ගලයෙකු ලෙස ද සැලකේ.

ජාත්‍යන්තර ක්‍රිකට් කවුන්සිලයේ සභාපතිවරයා ලෙසින් ජේ ෂා පසුගිය 2024 දෙසැම්බර් 01 සිට පත්වූ අතර මෙලෙස එහි ප්‍රබල තනතුරු දෙකක්ම ඉන්දියානුවන් අතට පත්ව තිබීම විශේෂත්වයකි.

සංජෝග් ගුප්තා ICC ප්‍රධාන විධායක නිලධාරී තනතුරට පත් වූ හත්වැනි පුද්ගලයා වේ.