ක්‍රීඩා
ඉන්දියාවට ආසියානු කුසලාන අටවැනි ජය; ලංකාවට කුජීත පරාජයක්
ආසියානු කුසලාන ක්‍රිකට් තරගාවලියේ කොළඹ ආර්. ප්‍රේමදාස ක්‍රීඩාංගණයේ පැවැති අවසන් මහ තරගයෙන් කඩුළු 10ක පහසු ජයක් ලැබූ ඉන්දීය පිල අටවැනි වතාවටත් එම කුසලානය දිනා ගැනීමට සමත් විය.
පළමුව පන්දුවට පහර දුන් ශ්‍රී ලංකා පිල ලකුණු 50 කට සීමා කිරීමට ඉන්දීය පන්දු යවන්නෝ සමත් වූහ.
ඒ අනුව ඉන්දීය පිලට ජයග්‍රහණය සඳහා ලකුණු 51 ක ඉලක්කයක් පමණක් සම්පූර්ණ කිරීමට භාරවිය.
මෙය ශ්‍රී ලංකා ක්‍රිකට් ඉතිහාසයේ එක්දින තරගයකදී දැවී ගිය දෙවැනි අඩුම ලකුණු සංඛ්‍යාව ද වේ.
කුසල් මෙන්ඩිස් ලකුණු 17 ක් රැස්කරමින් ඉනිම ඉහළතම ලකුණු ලාභියා බවට පත්වූ අතර ශ්‍රී ලංකා පිතිකරුවන් නවයකට ඉලක්කම් දෙකේ සීමාවට ඒමට නොහැකිවීම කැපී පෙනුණි.
දකුණතින් වේග පන්දු යවන මොහොමඩ් සිරාජ්, ශ්‍රී ලංකා ඉනිමේ විනාශකරු බවට පත්වෙමින් ලකුණු 21 කට කඩුලු 6 ක් දවාගැනීමට සමත් විය.
ශ්‍රී ලංකා පිලේ නායක දසුන් ශානක කාසියේ වාසිය ලබා පළමුව පන්දුවට පහර දීමට තීරණය කළේය.
ශ්‍රී ලංකා පිල (පන්දුවාර 15.2කදී) 50 (කුසල් මෙන්ඩිස් 17, දුෂාන් හේමන්ත 13, මොහොමඩ් සිරාජ් 21/6, හර්ද්‍රික් පාණ්ඩියා 3/3)
ඉන්දියානු පිල (පන්දුවාර 6.1කදී) කිසිවකු නොදැවී 51 (ඉෂාන් ක්‍රිෂන් (නොදැවී) 23, ෂුබ්මන් ගිල් (නොදැවී) 27)
ICC මාසයේ ක්‍රීඩකයා සඳහා කමිදු – ප්‍රභාත් යෝජනා වෙයි
නාමයෝජනා එක්කම වත්කම් බැරකම් ප්රකාශත් දෙන්නැයි සියලු අපේක්ෂකයන්ට කියයි
