Connect with us

ක්‍රීඩා

ඉන්දුනීසියාව, ලෝක කුසලාන සත්කාරකත්වයෙන් ඉවතට

Published

on

20න් පහළ ලෝක කුසලාන පාපන්දු තරගාවලියේ සත්කාරක අයිතිය ඉන්දුනීසියාවට ලබා නොදීමට ජගත් පාපන්දු සම්මේලනය (ෆීෆා) විසින් තීරණය කර තිබේ.

ඉන්දුනීසියාවේ පාපන්දු සංගමය (PSSI) පැවසුවේ බාලි හි ආණ්ඩුකාරවරයා වන Wayan Koster විසින් ඊශ්‍රායල කණ්ඩායමට සත්කාරකත්වය දැක්වීම ප්‍රතික්ෂේප කිරීමත් සමඟ ෆීෆා හට මෙම තීන්දුව ගැනීමට සිදු වූ බවයි.

20න් පහළ ලෝක කුසලාන පාපන්දු තරගාවලිය මැයි 20 සිට ජුනි 11 දක්වා පැවැත්වීමට නියමිතය.

ඉන්දුනීසියාව, ඊශ්‍රායලය සමඟ කිසිදු විධිමත් රාජ්‍යතාන්ත්‍රික සබඳතාවක් නොපවත්වන අතර, පලස්තීනයට සහය පළ කරමින් ඊශ්‍රායල කණ්ඩායම මෙම තරඟාවලියට තරඟ කිරීම වළක්වන මෙන් ඉල්ලමින් විරෝධතාකරුවන් පසුගියදා පාගමන් පවත්වා තිබුණි.

මෙම තරගාවලිය සඳහා ඉන්දුනීසියාවට සත්කාරක අයිතිය 2019 දී පිරිනැමුණු අතර, ඒ වන විට ඊශ්‍රායලය තරගාවලියට සුදුසුකම් ලබා නොතිබුණි.

ෆීෆා නිවේදනයක දැක්වෙන්නේ දැනට නියම කර ඇති තරඟාවලියේ දිනයන් නොවෙනස්ව පවතින බවත්, හැකි ඉක්මනින් නව සත්කාරක රාජ්‍යයක් ප්‍රකාශයට පත් කරන බවත්ය.

තවද, ඉන්දුනීසියාවේ පාපන්දු සංගමයට එරෙහිව පැනවිය හැකි සම්බාධක ද පසුකාලීන අදියරේදී තීරණය කිරීමේ හැකියාවක් පවතින බවද එහි වැඩිදුරටත් දැක්වේ.

ක්‍රීඩා

සංගක්කාර යලි ක්‍රිකට් පිටියට

Published

on

By

2024 International Masters League විස්සයි විස්ස ක්‍රිකට් තරගාවලියේ දී ශ්‍රී ලංකා කණ්ඩායමේ නායකත්වය හෙබවීමට කුමාර් සංගක්කාර හට අවස්ථාව හිමි වී තිබේ.

එළඹෙන නොවැම්බර් මස 17 සිට දෙසැම්බර් මස 08 වැනි දා දක්වා ඉන්දියාවේ දී පැවැත්වීමට නියමිත මෙම තරගාවලියට ශ්‍රී ලංකාවට අමතරව ඉන්දියාව, ඕස්ට්‍රේලියාව, බටහිර ඉන්දීය කොදෙව් දේශය, එංගලන්තය සහ දකුණු අප්‍රිකාව නියෝජනය කරමින් කණ්ඩායම් සහභාගී වීමට නියමිතය.

මෙහි දී සංගක්කාරට අමතරව එක් එක් කණ්ඩායම්වල නායකත්ව වගකීම් Sachin Tendulkar (ඉන්දියාව), Shane Watson (ඕස්ට්‍රේලියාව), Eoin Morgan (එංගලන්තය), Brian Lara (බටහිර ඉන්දීය කොදෙව්), Jacques Kallis (දකුණු අප්‍රිකාව) යන ප්‍රවීණ ක්‍රීඩකයින් වෙත පැවරී තිබේ.

තරගාවලිය ඉන්දියාව සහ ශ්‍රී ලංකාව අතර තරගයෙන් ආරම්භ වීමට නියමිත අතර, එම තරගය නොවැම්බර් මස 17 වැනි දා පැවැත්වෙනු ඇති. ඉන් පසුව නොවැම්බර් 19 එංගලන්තය, නොවැම්බර් 25 බටහිර ඉන්දීය කොදෙව්, නොවැම්බර් 30 එංගලන්තය සහ දෙසැම්බර් 02 ඕස්ට්‍රේලියාව සමඟින් ශ්‍රී ලංකාව තරග වැදීමට නියමිතය.

Continue Reading

ක්‍රීඩා

චමරි අතපත්තු පරාජයට හේතු පැහැදිලි කරයි

Published

on

By

කාන්තා විස්සයි විස්ස ලෝක කුසලාන ක්‍රිකට් තරගාවලියේ මූලික වටයෙන් ශ්‍රී ලංකා කණ්ඩායම නිල වශයෙන් ඉවත් වී තිබේ.

ඒ ඉන්දියාව සමඟ පැවැති තරගය ලකුණු 82කින් පරජයට පත්වීමත් සමඟය.

තරගයේ ප්‍රථමයෙන් පන්දුවට පහර දුන් ඉන්දීය කණ්ඩායම නියමිත පන්දුවාර 20 තුළ කඩුලු 03ක් දැවි රැස්කරගත් ලකුණු සංඛ්‍යාව 172කි.

ඊට පිළිතුරු ලෙස ශ්‍රී ලංකා කණ්ඩායමට පන්දුවාර 19ක් තුළ සියලු දෙනා දැවී ලබාගැනීමට හැකි වූයේ ලකුණු 90ක් පමණි.

මෙය මෙම තරගාවලියේදී ශ්‍රී ලංකා කණ්ඩායම ලබාගත් අඩුම ලකුණු සංඛ්‍යාව ද වේ.

පරාජය සම්බන්ධයෙන් අදහස් පළ කරමින්, කණ්ඩායම් නායිකා චමරි අතපත්තු ප්‍රකාශ කළේ, තමන් ඇතුළු කණ්ඩායම සිදු කළ යුතු දේ පිළිබඳව නැවත සිතා බැලිය යුතු බවය.

පන්දු යැවීමේ අංශය දුර්වල වීම තරගය පරාජය වීමට හේතු වී තිබේ.

“අපි හොඳින් පන්දු යැව්වේ නැහැ. ඒ වගේම උඩපන්දු අතහරියා. මම, විශ්මි ඇතුළු පිරිසට හොඳින් පිතිකරණයේ යෙදෙන්න බැරි වුණා. අපි කරන්න අවශ්‍ය දේවල් ගැන නැවත සිතා බලන්න ඔනේ. අපිට මුල් තරග දෙකේදී අපිට ප්‍රථමයෙන් පන්දුවට පහර දුන්න වුණත්, මෙම තරගයේදී හඹා යන්න වුණා. පළමු තරග දෙකේදී කණ්ඩායමේ පන්දුයැවීම ගැන සතුටුයි. අපේ පිතිකරණය වැඩිදියුණු කරන්න ඔනේ.”

Continue Reading

ක්‍රීඩා

කොදෙව් ක්‍රිකට් කණ්ඩායම දිවයිනට

Published

on

By

බටහිර ඉන්දීය කොදෙව් දූපත් ක්‍රිකට් කණ්ඩායම තරග සංචාරයක් සඳහා අද ( 10/10) උදෑසන දිවයිනට පැමිණියහ.

ඔවුන් ශ්‍රී ලංකා ක්‍රිකට් කණ්ඩායම සමග 20-20 තරග 03 ක් සහ එක් දින තරග 03 ක් සඳහා සහභාගී වීමට නියමිත බව ශ්‍රී ලංකා ක්‍රිකට් ආයතනයේ මාධ්‍ය ප්‍රකාශක ප්‍රසන්න රුද්‍රිගු මහතා පැවසුවේය.

මෙම 20-20 තරග එළඹෙන 10/13 , 10/15 සහ 10/17 යන දින වල රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී රාත්‍රී තරගාවලියක් ලෙස පැවැත්වීමට නියමිතය.

මීට අමතරව එක් දින තරග එළඹෙන 10/20 , 10/23 සහ 10/26 යන දින වල පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී දිවා රාත්‍රී තරගාවලියක් ලෙස පැවැත්වීමට නියමිත බව ද ශ්‍රී ලංකා ක්‍රිකට් ආයතනයේ මාධ්‍ය ප්‍රකාශකවරයා වැඩිදුරටත් පැවසුවේය.

ඔවුන් පිළිගැනීම සඳහා ශ්‍රී ලංකා ක්‍රිකට් ආයතනයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියහ.

Continue Reading

Trending

Copyright © 2023 Sri Lanka Mirror. All Rights Reserved