Connect with us

ක්‍රීඩා

ක්‍රීඩක ක්‍රීඩිකාවන් 51 කට දුන් නිවාස යළිත් පවරා ගැනීමට යයි

Published

on

ද්විපාර්ශ්වික ගිවිසුම් පත්‍රය උල්ලංඝනය කිරීම් දින 14 ක් ඇතුළත නිවැරදි කර නොගන්නේ නම් ජාත්‍යන්තර පදක්කම් හා ජයග්‍රහණ අත්කර ගත් මෙරට ක්‍රීඩක ක්‍රීඩිකාවන් 51 දෙනකුට ත්‍යාග ලෙස සහන පදනමක් මත ශ්‍රී ලංකා රජය ලබාදුන් නිවාස දින 14 ක් ඇතුළත පවරා ගන්නා බවට නාගරික ජනාවාස සංවර්ධන අධිකාරිය ඔවුන්ට දැනුම් දී තිබේ.

මොරටුව අඟුලාන ‘‘සයුරපුර’’ මහල් නිවාස සංකීර්ණයෙන් මෙලෙස ජාත්‍යන්තර ජයග්‍රහණ අත්කර ගත් ශ්‍රී ලාංකික ක්‍රීඩක ක්‍රීඩිකාවන් 51 දෙනකු සඳහා එක් නිවසක් රුපියල් මිලියන 1.5 ක් වන වටිනාකමක් යටතේ පවරාදී තිබේ.

මෙම නිවාස පැවරීමේ ගිවිසුම් පත්‍රයට අනුව එය ලබා ගන්නා ක්‍රීඩකයකු හෝ ක්‍රීඩිකාවක් වසර 30ක් තුළදී වාරික ගෙවා අවසන් කළ යුතුය. එය පොළියෙන්ද නිදහස් කර තිබේ.

නාගරික ජනාවාස සංවර්ධන අධිකාරියට වාර්තා වී තිබෙන පරිදි ත්‍යාග ලෙස මෙලෙස සහන වාරික ගෙවීමේ පදනමින් රජයේ නිවාස ලබාගත් ක්‍රීඩක ක්‍රීඩිකාවන් බහුතරයක් ද්විපාර්ශවික පැවරුම් ගිවිසුම් පත්‍රය උල්ලංඝය කරමින් වාරික ගෙවීම් දිගින් දිගටම පැහැර හැර තිබේ.

ඒ අතර මෙසේ ත්‍යාග ලෙස ක්‍රීඩක ක්‍රීඩිකාවන්ට ලබාදුන් ඇතැම් නිවාස පදිංචියෙන් තොරව වසා දමා තිබීමත් එවැනි ඇතැම් නිවාස තෙවැනි පාර්ශව වෙත පවරා තිබීමත් හෙළිකරගෙන තිබෙන බව නාගරික ජනාවාස සංවර්ධන අධිකාරිය පවසයි.

එවැනි සිදුවීම් මෙම නිවෙස් පැවරීමේදී ගනු ලැබූ අමාත්‍ය මණ්ඩල තීරණයන්ට හා නීතිපති උපදෙස්වලට පටහැණි බැවින් ක්‍රීඩක ක්‍රීඩිකාවන්ට ලබාදී තිබෙන නිදහස් ප්‍රදාන පත්‍රය අවලංගු කර නිවෙස් භුක්තිය යළි පවරා ගැනීමට හේතුවන බවත් ක්‍රීඩක ක්‍රීඩිකාවන්ට නාගරික නිවස සංවර්ධන අධිකාරිය යොමු කළ අවසන් සිහිකැඳවීම් ලිපියේ දැක්වේ.

මෙසේ ත්‍යාග ලෙස නිවාස ලබාගත් මෙරට ක්‍රීඩක ක්‍රීඩිකාවන් අතරේ ලෝක ශූරතා, ආසියානු ශූරතා හා පොදු රාජ්‍ය මණ්ඩලයීය පදක්කම් දිනාගත් ක්‍රීඩක ක්‍රීඩිකාවන් හැරෙන්නට ආසියානු කුසලාන දිනූ ශ්‍රී ලංකා කණ්ඩායමක ක්‍රීඩිකාවන් පිරිසක්ද සිටින බව දැනගන්නට ඇත.

මෙම සිදුවීම සම්බන්ධයෙන් නාගරික ජනාවාස සංවර්ධන අධිකාරියේ ප්‍රකාශකයකු ‘‘ලංකාදීප’’යට මෙසේ පැවසීය.

‘‘රටේ තමන්ට කියලා නිවසක් නැතිව දුක් විඳින මිනිස්සු මේ රටේ ඕන තරම් ඉන්නවා. එහෙම තියෙද්දී පදිංචි වෙන්න කියලා ගෙවල් අරන් සමහරු මෙහෙම වහලා තියන එක අපරාධයක්. මේ ගෙවල් ක්‍රීඩක ක්‍රීඩිකාවන්ට අපි දීලා තියෙන්නෙත් ඉතාම සහන මිලකට. ඉතාම සුළු වාරිකයක් විතරයි මාසයකට ගෙවන්න තිබෙන්නෙ. ඒකත් පැහැර හරිනවා නම් අපට මේ ගෙවල් නැවත පවරා ගැනීම හැරෙන්න වෙන විකල්පයක් ඉතිරි වෙලා නෑ.

(ලංකාදීප)

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

IPL ඉතිහාසයේ තරගවාරයකදී වාර්තා වූ වැඩිම හයේ පහරවල් වාර්තා වූ තරගවාරය මෙවර ලෙස ද ඉතිහාසයට එක්විය.

මෙම තරග වාරයේදී හයේ පහරවල් 1260 ක් සහ හතරේ පහරවල් 2174 ක් වාර්තා වී තිබිණි.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading

ක්‍රීඩා

IPL අවසන් මහා තරගය අද

Published

on

By

2024 ඉන්දීය ප්‍රිමියර් ලීග් ක්‍රිකට් තරගාවලියේ අවසන් මහා තරගය අද (26) පැවැත්වීමට නියමිතව තිබේ.

ඒ, ප්‍රබල සන්රයිසස් හයිද්‍රාබාද් කණ්ඩායම සහ කොල්කටා නයිට් රයිඩර්ස් කණ්ඩායම් අතරය.

සන්රයිසස් හයිද්‍රාබාද් කණ්ඩායමේ නායකත්වය පැට් කමින්ස් විසින් දරනු ලබනු අතර, කොල්කටා නයිට් රයිඩර්ස් කණ්ඩායමේ නායකත්වය ශ්‍රෙයාස් අයියර් විසින් දරනු ලබයි.

ඉන්දීය ප්‍රිමියර් ලීග් අවසන් මහා තරගය ශ්‍රී ලංකා වේලාවෙන් අද රාත්‍රී 7.30ට චෙන්නායි හි එම්.ඒ. චිතදම්බරම් ක්‍රීඩාපිටියේදී ආරම්භ කිරීමට සියලු කටයුතු සූදානම් කර තිබේ.

https://www.msn.com/en-ca/sports/cricket/watch-ahead-of-ipl-2024-final-shah-rukh-khan-recalls-saddest-moment-as-kkr-co-owner/ar-BB1n3moj?ocid=socialshare#fullscreen

Continue Reading

ක්‍රීඩා

IPL  කුසලානය කාටද?

Published

on

By

මෙවර IPL තරගාවලියේ අවසන් මහා තරගයට සුදුසුකම් ලබා ගැනීමට සන්රයිසස් හයිද්‍රාබාද් කණ්ඩායම ඊයේ (24) රාත්‍රියේ සමත්විය.

ඒ අවසන් තරග වටයේ තුන්වැනි තරගයේදී රාජස්ථාන් රෝයල්ස් කණ්ඩායම ලකුණු 36කින් පරාජය කරමිනි.

සන්රයිසස් හයිද්‍රාබාද් කණ්ඩායම IPL අවසන් තරගයකට සුදුසුකම් ලබා ගත් තුත්වැනි අවස්ථා මෙය වන අතර  මෙවර IPL අවසන් මහ තරගය කොල්කටා නයිට් රයිඩර්ස් සහ සන්රයිසස් හයිද්‍රාබාද් කණ්ඩායම අතර චෙන්නායි හිදී හෙට (26) පැවැත්වීමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved