ශ්‍රී ලංකා කාන්තා ක්‍රිකට් කණ්ඩායමේ නායිකා චමරි අතපත්තු වෙනුවෙන් සිඩ්නි ක්‍රිකට් ක්‍රීඩාංගණයේ ආසන සහිත ප්‍රදේශයක් නම් කිරීමට තීරණය කර තිබෙන බව වාර්තා වේ.
‘සිඩ්නි තන්ඩර්ස්’ කණ්ඩායම විසින් මෙම තීරණය ගෙන ඇති අතර, එළඹෙන 26දා එම ක්‍රීඩාංගනයේ දී ‘සිඩ්නි සික්සර්ස්’ ට එරෙහිව පැවැත්වෙන තරඟයේදී එම ආසන සහිත කොටස ‘චමරි බේ’ (Chamari Bay) ලෙස නම් කර ඇත.
ඇය ඔස්ට්‍රේලියාවේ පැවැත්වෙන WBBL (Women’s Big Bash League) තරඟාවලියේදී දැක්වූ ඉහළ දක්ෂතා පදනම් කරගෙන මෙම තීරණය ගෙන ඇති බව සඳහන් වේ.
