Connect with us

ක්‍රීඩා

දසුන්ට හා වනිඳුට ටෙක්සාස් යන්න දෙන්න බෑ කියලා!

Published

on

ශ්‍රී ලංකා ක්‍රිකට් නායක දසුන් ශානක  සහ වනිඳු හසරංග විදේශීය ක්‍රිකට් ලීගයකට සහභාගී වීම සඳහා ශ්‍රී ලංකා ක්‍රිකට් ආයතනයෙන් ඉල්ලා තිබූ  ‘විරෝධතා නොදැක්වීමේ  සහතික’ (No Objection Certificates)  ලබා දීම ශ්‍රී ලංකා ක්‍රිකට් ආයතනය විසින්  ප්‍රතික්ෂේප කර ඇතැයි වාර්තා ‌වේ.

දසුන් ශානක සහ සුපිරි පන්දු යවන ක්‍රීඩක වනිඳු හසරංග එක්සත් ජනපද විස්සයි 20 ක්‍රිකට් ලීගයේ සමාරම්භක සංස්කරණයට සහභාගී වීම සඳහා මෙම විරෝධතා නොදැක්වීමේ සහතික ඉල්ලා තිබුණි.

ජූලි 13 සහ 30 අතර ටෙක්සාස් හි ග්‍රෑන්ඩ් ප්‍රේරී ක්‍රීඩාංගණයේදී පැවැත්වෙන “මේජර් ලීග් විස්සයි 20” තරගාවලියේ සමාරම්භක සංස්කරණය සඳහා “වොෂින්ටන් ෆ්‍රීඩම්” විසින් හසරංග තෝරාගෙන තිබුණු   අතර “සියැටල් ඔර්කාස්” විසින් ශානක තෝරා ගෙන තිබිණි.

සන්ඩේ ටයිම්ස් පුවත්පතට අනුව, ශ්‍රී ලංකා ක්‍රිකට් ආයතනයේ ප්‍රධාන විධායක ඈෂ්ලි ද සිල්වා මහතා ප්‍රකාශ කර ඇත්තේ  ශ්‍රී ලංකා ක්‍රීඩකයින්ට විදේශීය ලීග් තරඟ දෙකකට පමණක් අවසර දීමට  ක්‍රිකට් පාලක මණ්ඩලය ගත් තීරණයෙන් පසුව මෙම විරෝධතා නොදැක්වීමේ සහතික ප්‍රතික්ෂේප කළ බවයි.

ශ්‍රී ලංකා ප්‍රිමියර් ලීග් (LPL) සහ යෝජිත T10 ලීගය ඇතුළුව වසරකට ක්‍රීඩකයෙකුට ලීග් හතරකට පමණක් අවසර දීමට ශ්‍රී ලංකා ක්‍රිකට් ආයතනය තීරණය කර ඇති බව ඈෂ්ලි ද සිල්වා ප්‍රකාශ කළේය.

දසුන් ශානක ඉන්දීය ප්‍රිමියර් ලීගයේ (IPL) ගුජරාට් ටයිටන්ස් නියෝජනය කළ අතර, පාකිස්තාන සුපර් ලීග් (PSL) තරගාවලිය නියෝජනය කරමින්  “පෙෂාවර් සල්මි”  කණ්ඩායමට සහ ජාත්‍යන්තර ලීග් T20 තරගාවලියේ  ඩුබායි කැපිටල්ස් නියෝජනය කර ඇත. ඒ අනුව ඔහු මේ වසර තුල මේ වනවිට   විදේශීය ලීග තුනක් ක්‍රීඩා කර තිබේ.

ක්‍රීඩා

T20 ලෝක කුසලානයේ ශ්‍රී ලංකාවේ පළමු තරඟය අද

Published

on

By

පන්දුවාර 20යි 20 ලෝක කුසලාන ක්‍රිකට් තරගාවලියේ ශ්‍රී ලංකාව සහභාගී වන පළමු පුහුණු තරගය අද (28) පැවැත්වේ.

ඒ, නෙදර්ලන්තයට එරෙහිවයි.

2024 පන්දුවාර 20යි 20 ලෝක කුසලාන ක්‍රිකට් තරගාවලිය අමෙරිකාවේ සහ බටහිර ඉන්දීය කොදෙව් දූපත්වල සත්කාරකත්වයෙන් පැවැත්වේ.

ශ්‍රී ලංකාව එහි මූලික වටයේදී තරග කරන්නේ ඩී. කාණ්ඩයෙනි.

ශ්‍රී ලංකා කණ්ඩායම සහ නෙදර්ලන්තය අතර පුහුණු තරගය අමෙරිකාවේ ලවුඩර්හිල්හිදී පැවැත්වීමට නියමිතය.

අද තරගය මෙරට වේලාවෙන් රාත්‍රී 8.00 ට ආරම්භ වීමට නියමිතව ඇත.

Continue Reading

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

IPL ඉතිහාසයේ තරගවාරයකදී වාර්තා වූ වැඩිම හයේ පහරවල් වාර්තා වූ තරගවාරය මෙවර ලෙස ද ඉතිහාසයට එක්විය.

මෙම තරග වාරයේදී හයේ පහරවල් 1260 ක් සහ හතරේ පහරවල් 2174 ක් වාර්තා වී තිබිණි.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading

ක්‍රීඩා

IPL අවසන් මහා තරගය අද

Published

on

By

2024 ඉන්දීය ප්‍රිමියර් ලීග් ක්‍රිකට් තරගාවලියේ අවසන් මහා තරගය අද (26) පැවැත්වීමට නියමිතව තිබේ.

ඒ, ප්‍රබල සන්රයිසස් හයිද්‍රාබාද් කණ්ඩායම සහ කොල්කටා නයිට් රයිඩර්ස් කණ්ඩායම් අතරය.

සන්රයිසස් හයිද්‍රාබාද් කණ්ඩායමේ නායකත්වය පැට් කමින්ස් විසින් දරනු ලබනු අතර, කොල්කටා නයිට් රයිඩර්ස් කණ්ඩායමේ නායකත්වය ශ්‍රෙයාස් අයියර් විසින් දරනු ලබයි.

ඉන්දීය ප්‍රිමියර් ලීග් අවසන් මහා තරගය ශ්‍රී ලංකා වේලාවෙන් අද රාත්‍රී 7.30ට චෙන්නායි හි එම්.ඒ. චිතදම්බරම් ක්‍රීඩාපිටියේදී ආරම්භ කිරීමට සියලු කටයුතු සූදානම් කර තිබේ.

https://www.msn.com/en-ca/sports/cricket/watch-ahead-of-ipl-2024-final-shah-rukh-khan-recalls-saddest-moment-as-kkr-co-owner/ar-BB1n3moj?ocid=socialshare#fullscreen

Continue Reading
Advertisement

Trending

Copyright © 2023 Sri Lanka Mirror. All Rights Reserved