ක්‍රීඩා
ධනුෂ්ක ඔස්ට්‍රේලියානු පෙම්වතිය එක්කම ගෙදර එයි (ඡායා)
ඔස්ට්‍රේලියාවේ පැවැති 2022 ලෝක කුසලාන ක්‍රිකට් තරගාවලියට සහභාගී වී සිටියදී ස්ත්‍රී දූෂණ චෝදනාවකට ලක්ව නිදොස් කොට නිදහස් වූ ශ්‍රී ලංකා ක්‍රිකට් කණ්ඩායමේ මුල් පෙළ පිතිකරු ධනුෂ්ක ගුණතිලක ඊයේ (03) රාත්‍රියේ දී දිවයිනට පැමිණියේය.
එම තරගාවලිය නිමවා පසුගිය නොවැම්බර් 06 වැනිදා යළි දිවයිනට පැමිණීමට සූදානම්ව සිටියදී ධනුෂ්ක අදාළ චෝදනාව මත අත්අඩංගුවට පත්වූ අතර මාස 11 ක කාලයක් පුරා පැවැති නඩු විභාගයෙන් පසුව පසුගිය 29 වැනිදා ධනුෂ්ක නිදොස් කොට නිදහස් කිරීමට එරට සිඩ්නි අධිකරණය තීරණය කළේය.
අදාළ ලෝක කුසලාන තරගාවලිය සඳහා ශ්‍රී ලංකාව පසුගිය වසරේ ඔක්තෝබර් 02 වැනිදා දිවයිනෙන් පිටත්ව ගොස් තිබිණි.
ධනුෂ්ක නැවත පැමිණෙද්දී බොහෝදෙනාගේ කතාබහට ලක්වූ ඔහුගේ ඔස්ට්‍රේලියානු පෙම්වතියද පැමිණීම විශේෂිතය.
