වසර පහක් මුළුල්ලේ නොපවත්වන ලද ජනාධිපති ක්රීඩා සම්මාන උළෙල ක්රීඩා අමාත්යංශයේ මෙහෙයවීමෙන් ලබන අගෝස්තු මස පැවැත්වීමට නියමිත බව වාර්තා වේ.
අවසන් වරට ජනාධිපති සම්මාන උළෙලක් පැවැත්වූයේ 2019 දී මයිත්රිපාල සිරිසේන මහතා ජනාධිපති ලෙස කටයුතු කරද්දීය.
ඒ වන විට ක්රීඩා ඇමතිවරයා ලෙස කටයුතු කළේද වත්මන් ක්රීඩා ඇමති හරීන් ප්රනාන්දු මහතාමය.
ඉන්පසු ගෝඨාභය රාජපක්ෂ මහතා ජනාධිපති ලෙස කටයුතු කරද්දී නාමල් රාජපක්ෂ මහතා ක්රීඩා ඇමති ලෙස සිටියදීත් මෙම ක්රීඩා සම්මාන උළෙල නොපවත්වන ලදී.
එතෙක් පැවැති ජනාධිපති සම්මාන උළෙල වල ජූරියේ සභාපති හා සංවිධායක ලෙස කටයුතු සමන් අමරසිංහ මහතාගේ අභාවයෙන් පසු මේ දක්වා මෙම සම්මාන ප්රධානය පැවැත්වීමට නොහැකිව තිබුණු අතර නලින් ආටිගල මහතාගේ සභාපතිත්වයෙන් පත් කරන ලද ජූරියක් මගින් 2021,2022,2023 වසර වල ජනාධිපති සම්මාන ලාභීන් තෝරා ගෙන ඇත.
මේ අතර කලින් තෝරාගෙන තිබුණු 2019 වසරේ සම්මාන ලාභීන්ටද, මෙහිදී සම්මාන පිදීමට නියමිත අතර කොවිඩ් හේතුවෙන් ක්රීඩා තරග නොපැවැත්වූ 2020 වසරේ කිසිවකුට සම්මාන නොලැබෙනු ඇත.
