ක්‍රීඩා

‘බෝන් අගේන්’ කල්ලියේ සෙල්ලම් හෙළිවෙයි !

Published

2 years ago

January 11, 2023

editor

පසුගිය විස්සයි 20 ලෝක කුසලාන තරගාවලිය සඳහා ශ්‍රී ලංකාව නියෝජනය කළ කණ්ඩායම සම්බන්ධව සහ ඊට අදාළ චෝදනාවන්ද බෝන් අගේන් ආගමික නිකායෙන් ශ්‍රී ලංකා කණ්ඩායමට වන බලපෑම්ද විමර්ශනය කරමින් විශ්‍රාමික ශ්‍රේෂ්ඨාධිකරණ විනිසුරු කුසලා සරෝජනී වීරවර්ධනගේ සභාපතිත්වයෙන් යුත් සය පුද්ගල කමිටුව මඟින් සකස් කරනු ලැබූ වාර්තාව ඊයේ (10) ක්‍රීඩා ඇමැති රොෂාන් රණසිංහ මහතාට භාර දුන්නේය.

කමිටු වාර්තාව සහ ඊට අදාළ උපලේඛන, සාක්ෂි සටහන් ඇතුළත්ව වාර්තා පොත් දෙකක් වශයෙන් නිර්දේශ සහිතව එම වාර්තාව සකස් වී ඇති අතර, එහි පිටපතක් ක්‍රීඩා අමාත්‍යාංශ ලේකම් කේ. මහේෂන් මහතාටද භාර දී ඇත.

මේ වාර්තාව කඩිනමින් අධ්‍යයනය කර අවශ්‍ය පියවර ගැනීම සඳහා ක්‍රීඩා ඇමැතිවරයා මේ වන විටත් එම වාර්තාව අධ්‍යයනය කරමින් සිටින බව වාර්තා වේ.

එමෙන්ම පිටපත් ජාතික ක්‍රීඩා සභාවට සහ ජාතික තේරීම් කමිටුවටද දීමට නියමිතය.

අරමුදල් අවභාවිතය, සමාජ මාධ්‍යයේ බලපෑම, ආගමික නිකායේ බලපෑම ඇතුළු ප්‍රධාන කරුණු කිහිපයක් පිළිබඳ එම කමිටු වාර්තාවේ දීර්ඝ වශයෙන් තොරතුරු සටහන් වන අතර, බෝන් අගේන් ආගමික නිකායෙන් ශ්‍රී ලංකා ක්‍රිකට් ක්‍රීඩකයන්ට එල්ල වී ඇති බලපෑම් සම්බන්ධව ඊට අදාළ සියලු පාර්ශ්වයන්ගෙන් සාක්ෂි සටහන් කරමින් කමිටු වාර්තාව සකස් කිරීමටද වාර්තාවට අදාළ නිර්දේශ සහ නියාමනයන් සම්පූර්ණ කිරීමටද අදාළ කමිටුව දිවා රාත්‍රී නොබලා කැප වීමෙන් කටයුතු කර ඇතැයිද වාර්තා වේ.

විස්සයි 20 ලෝක කුසලාන තරගාවලියේදී ශ්‍රී ලංකා පිලට එල්ල වූ චෝදනා පිළිබඳ විමර්ශනය කරමින් පංචපුද්ගල කමිටුව විසින් සකස් කරනු ලැබූ එම වාර්තාව ක්‍රිකට් ක්‍රීඩාවට පමණක් නොව සමස්ත ක්‍රීඩාවටම පූර්වාදර්ශයක් බව ක්‍රීඩා ඇමැති රොෂාන් රණසිංහ මහතා ප්‍රකාශ කළේය.

මේ වාර්තාව පදනම් කරමින් ඉදිරියේදී මෙරට ක්‍රීඩාවේ මෙවැනි තත්ත්වයන් ඇති නොවීමටත් සමස්ත ක්‍රීඩාවේ දියුණුව වෙනුවෙන් සහ ක්‍රීඩක ක්‍රීඩිකාවන්ගේ ආරක්ෂාව සහ සුබසිද්ධිය වෙනුවෙන් කටයුතු කිරීමටත් බලාපොරොත්තු වන බවද ඇමැතිවරයා කියා සිටියේය.

ක්‍රීඩා ඇමැතිවරයා විසින් පත් කරනු ලැබූ එම කමිටුවට හිටපු අමාත්‍යාංශ ලේකම් කිංග්ස්ලි ප්‍රනාන්දු, විශ්‍රාමික නියෝජ්‍ය පොලිස්පති සුදත් නාගහමුල්ල, විශ්‍රාමික රියර් අද්මිරාල් ආනන්ද පීරිස්, හිටපු ක්‍රිකට් ක්‍රීඩක නලීන් ද අල්විස් සහ නීතිඥ ශලනී රොෂානා ප්‍රනාන්දු මහත්ම මහත්මීහු ඇතුළත් වූහ.

ක්‍රීඩා

ශ්‍රී ලංකා සහ බංග්ලාදේශ පළමු ටෙස්ට් සටන අද

Published

1 day ago

June 17, 2025

editor

සත්කාරක ශ්‍රී ලංකා සහ බංග්ලාදේශ කණ්ඩායම් අතර ටෙස්ට් ක්‍රිකට් තරගාවලියේ පළමු තරගය අද ආරම්භ වෙයි

තරග දෙකකින් සමන්විත ටෙස්ට් ක්‍රිකට් තරගාවලියේදී ධනංජය ද සිල්වා ශ්‍රී ලංකා කණ්ඩායම මෙහෙයවන අතර පැතුම් නිස්සංක , ඕෂද ප්‍රනාන්දු , දිනේෂ් චන්දිමාල් , ඇන්ජලෝ මැතිව්ස් , කුසල් මෙන්ඩිස් , කමිදු මෙන්ඩිස් වැනි ක්‍රීඩකයින් සංචිතයට ඇතුළත් ය.

නවක ක්‍රීඩකයන් වන සොනාල් දිනුෂ , පවන් රත්නායක , තරිදු රත්නායක , පසිදු සුරියබණ්ඩාර , ඉසිත විජේසුන්දරද 18 දෙනෙකුගෙන් සමන්විත ශ්‍රී ලංකා සංචිතයේ සිය ස්ථානය තහවුරු කරගෙන තිබේ.

ප්‍රවීණ ක්‍රිකට් ක්‍රීඩක ඇන්ජලෝ මැතිව්ස් ජාත්‍යන්තර ටෙස්ට් ක්‍රිකට් පිටියේ ක්‍රීඩා කරන අවසන් තරගය මෙයයි.

2025 – 2027 ටෙස්ට් ක්‍රිකට් ලෝක ශූරතාවලිය යටතේ මෙම තරගාවලිය ක්‍රියාත්මක වෙයි.

ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන තරගය අද පෙරවරු 10ට ආරම්භ කිරීමට නියමිතයි.

ක්‍රීඩා

බංග්ලාදේශයට එරෙහි ශ්‍රී ලංකා ටෙස්ට් සංචිතය නම් කරයි

Published

3 days ago

June 15, 2025

editor

සංචාරක බංග්ලාදේශ කණ්ඩායමට එරෙහිව පැවැත්වෙන තරග 02කින් යුත් ටෙස්ට් ක්‍රිකට් තරගාවලියේ පළමු ටෙස්ට් තරගය සඳහා ක්‍රීඩාකරන ශ්‍රී ලංකා සංචිතය අද (15) ප්‍රකාශයට පත් කර තිබේ.

නිත්‍ය නායක ධනංජය ද සිල්වාගේ නායකත්වයෙන් යුත් මෙම සංචිතයට ශ්‍රී ලංකා ක්‍රිකට් තේරීම් කමිටුව විසින් ක්‍රීඩකයින් 18 දෙනෙකුගෙන් යුත් සංචිතය නම් කර ඇත.

මෙහි මූලික සංචිතයට ලහිරු කුමාර ඇතුළත්ව සිටියත් පුහුණුවීම් අතරතුර ආබාධයකට ලක්ව ඇති බැවින් ක්‍රීඩා නොකරන බව එම නිවේදනයේ දැක්වේ.
මෙම තරගය ජුනි 17දා ගාල්ල ජාත්‍යන්තර ක්‍රිකට් ක්‍රීඩාංගණයේදී ආරම්භ වේ.

පළමු ටෙස්ට් තරගයේ ශ්‍රී ලංකා සංචිතය : පැතුම් නිශ්ශංක, ඕෂද ප්‍රනාන්දු, ලහිරු උදාර, දිනේෂ් චන්දිමාල්, ඇන්ජලෝ මැතිව්ස්, ධනංජය ද සිල්වා (නායක), කුසල් මෙන්ඩිස්, කමිඳු මෙන්ඩිස්, පසිඳු සූරියබණ්ඩාර, සොනාල් දිනූෂ, පවන් රත්නායක, ප්‍රභාත් ජයසූරිය, තරිඳු රත්නායක, අකිල ධනංජය, මිලාන් රත්නායක, අසිත ප්‍රනාන්දු, කසුන් රාජිත, ඉසිත විජේසුන්දර