සංචාරක ඔස්ට්‍රෙලියානු කණ්ඩායම අද (24) දින දිවයිනට පැමිණීමට නියමිතය.

ඒ සත්කාරක ශ්‍රී ලංකාවට එරෙහිව පැවැත්වෙන ටෙස්ට් සහ එක්දින තරගාවලියක් සඳහා එක් වීමටයි.

දෙරට අතර පළමුවෙන් ම තරග දෙකකින් යුත් ටෙස්ට් තරගාවලිය පැවැත්වෙන අතර එය 2025 ටෙස්ට් ලෝක ශූරතාවලියේ අවසන් මහා තරගයට පිවිසෙන සාමාජිකයා තීරණය කිරීමට බෙහෙවින් බලපානු ඇත.

දෙරට අතර පළමු ටෙස්ට් තරගය එළඹෙන 29 වැනි දින ගාල්ල ජාත්‍යන්තර ක්‍රීඩාංගණයේ දී පැවැත්වෙන අතර තරගය පෙරවරු 10ට ආරම්භ වීමට නියමිතය.

දෙවැනි ටෙස්ට් තරගය පෙබරවාරි මස 06 වැනි දා එම ක්‍රීඩාංගණයේ දී ම පැවැත්වේ.

ඉන් පසුව ශ්‍රී ලංකාව සහ ඔස්ට්‍රෙලියාව අතර තරග දෙකකින් සමන්විත එක්දින තරගාවලියක් ද පැවැත්වෙන අතර එහි තරග දෙකම පැවැත්වෙන්නේ කොළඹ ආර්. ප්‍රේමදාස ක්‍රීඩාංගණයේදිය.

එම තරග දෙක පිළිවෙළින් පෙබරවාරි 12 සහ 14 යන දෙදින පැවැත්වේ.

ඔස්ට්‍රෙලියා ටෙස්ට් කණ්ඩායමේ නායකත්වය ස්ටීවන් ස්මිත් විසින් දරනු ලබන අතර ශ්‍රී ලංකා කණ්ඩායමේ මෙහෙයවීම ධනංජය ද සිල්වා විසින් සිදු කරනු ලබයි.

ක්‍රිකට් ආයතනයේ නිලවරණය ලබන මාර්තු මස 31 වැනිදා පැවැත්වීමට සැලසුම් කර තිබේ.

ශ්‍රී ලංකා ක්‍රිකට් ආයතනයේ නව ව්‍යවස්ථා සංශෝධනයට අනුව පැවැත්වෙන පළමු නිලවරණය මෙය බවට පත් වෙද්දී ඡන්ද සංඛ්‍යාව ද 147 සිට 60 දක්වා අඩු කර තිබීමත් කැපී පෙනෙන්නකි.

ඉදිරි දෙවසරක කාලය සදහා ක්‍රිකට් බලය අල්ලන්නට අදාළ නාමයෝජනා කැදවීම මේ වනවිට අවසන් වී ඇති අතර වත්මන් සභාපතිවරයා ඇතුළු පාර්ශවය පමණක් මෙවර නිලවරණය සඳහා ද නාම යෝජනා භාර දී ඇති බව වාර්තා වේ.

කෙසේ වෙතත් ශ්‍රී ලංකා ක්‍රිකට් නිලවරණයේ නාමයෝජනා සඳහා වන විරෝධතා භාරදීමට ජනවාරි මස 29 වැනිදා දක්වා කාලය ලබා තිබේ.

ශ්‍රී ලංකාවෙන් බිහිවූ විශිෂ්ඨ වේග පන්දු යවන්නෙක් වන ලසිත් මාලිංග විසින් ‘𝐊𝐈𝐋𝐋𝐄𝐑’ නමින් පොතක් එළි දක්වා තිබේ.

ඊයේ (20) පස්වරුවේ කොළඹදී එළිදැක්වූවේය.

එම පොතේ පන්දු යැවීම සම්බන්ධව කරුණු 21ක් ඇතුළත්ව තිබේ.‍

පොත එළිදැක්වීමේ අවස්ථාව සඳහා ප්‍රවීන ක්‍රිකට් ක්‍රීඩකයන්වන සනත් ජයසූරිය, මාවන් අතපත්තු, මහේල ජයවර්ධන, චමින්ද වාස්, අජන්ත මෙන්ඩිස් ඇතුළු හිටපු ක්‍රිකට් ක්‍රීඩකයන් රැසක් එක්ව සිටියේය.

ඒ අතර ශ්‍රී ලංකා ක්‍රිකට් සභාපති ශම්මි සිල්වා ඇතුළු නිලධාරීන්ද එම අවස්ථාවට එක්ව සිටියේය.

“අද මම මෙතනට ඇවිල්ල මෙහෙම කාථා කරන්න හෝ ක්‍රිකට් ක්‍රීඩකයෙක් විදිහට දැන් මම ඉන්න තැනට ප්‍රධානතම හේතුව තමයි මම විශ්වාසකරනවා… මම ගාල්ල රත්තගම ප්‍රදේශයෙන් ක්‍රිකට් ක්‍රීඩාවට ආපු කෙනෙක්. මට අද වෙනකොට පුළුවන් වෙලා තියෙනවා නිකම්ම මාලිංග අද මම යනකොට ලසිත් මාලිංග කියන තැනට මගේ නම පත්කරන්න. ඒ වගේම මම ලබපු ලොකුම ජයග්‍රහණය තමයි අපි වෙනදා යනකොට කවුරුත් අපේ අත්සනක් ඉල්ලන්නේ නැහැ. හැබැයි දැන් අත්සන කියන එක ඔටෝග්‍රාෆ් එකක් බවට පත් කරන්න මට පුළුවන් වෙලා තියෙනවා.”

ලසිත් මාලිංග විසින් රචිත කෘතිය සිය පියා අතින් පළමුව පිළිගැන්වූවේ ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතාටයි.

අනතුරුව එම කෘතිය පැමිණ සිටි අනෙක් ආරාධිතයන්ට පොත පිළිගැන්වූවේය.