Connect with us

ක්‍රීඩා

සිම්බාබ්වේ කඩුලු 2කින් පරදවයි

Published

on

සංචාරක සිම්බාබ්වේ හා ශ්‍රී ලංකාව අතර පැවැති දෙවැනි එක්දින තරගයෙන් කඩුලු 2ක ජයක් වාර්තා කිරීමට ශ්‍රී ලංකා පිල ඊයේ (08) සමත් විය.

ලෝක කුසලාන ක්‍රිකට් තරගාවලියේදී තරග 4ක් එක දිගට පරාජයවී හෙම්බත්ව සිටි ශ්‍රී ලංකා ක්‍රීඩකයන්ට මේ ජයග්‍රහණය තරමක අස්වැසිල්ලක් වනු ඇතැයි ක්‍රීඩා විචාරකයෝ කියති.

ලකුණු 209ක ඉලක්කයක් හඹා ගිය ශ්‍රි ලංකා පිලේ ලකුණු පුවරුව කඩුලු 8කට ලකුණු 172ක් ලෙස සටහන් වී ජයග්‍රහණය දෝලනය වී තිබූ මොහොතක පන්දු යවන්නන් ලෙස කණ්ඩායමේ සිටින දුෂ්මන්ත චමීර හා ජෙෆ්රි වැන්ඩර්සේ 9 වැනි කඩුල්ලට නොබිඳුණු ලකුණු 39ක සබඳතාවක් ගොඩ නඟා ජයග්‍රහණය ලබා ගැනීම ද විශේෂිතය.

ජෙෆ්රි වැන්ඩර්සේ පන්දු 18කදී හතරේ පහර 2ක් සමඟ නොදැවී ලකුණු 19ක් හා දුෂ්මන්ත චමීර පන්දු 25කදී හතරේ 2ක් සමඟ නොදැවී ලකුණු 18ක් ලබා ගැනීමට සමත් විය.

ඉදිරි පෙළ පිතිකරුවන් එකා පිට එකා දැවී ගොස් විශාල බරක් නවක ක්‍රීඩක ජනිත් ලියනගේ වෙතට පැටවෙද්දී ඔහු එක් අන්තයක් ආරක්ෂා කරමින් ශ්‍රී ලංකා ඉනිම ගොඩ නැගීමට සමත්වූයේ ලකුණු 95ක් රැස්කර ගනිමිණි.

 ජනිත් ලියනගේ සිය ඉනිමට පන්දු 127කදී හයේ 2ක් හා හතරේ 6ක් එක් කිරීමට ද සමත් විය.

ඔහුගේ එම ඉනිමට තරගයේ වීරයා සම්මානය ද හිමි විය.

කොළඹ ආර්. ප්‍රේමදාස ක්‍රීඩාංගණයේ පැවැති තරගයේ කාසියේ වාසිය දිනාගත් සිම්බාබ්වේ ක්‍රිකට් නායක ග්‍රෙග් අර්වින් මුලින් පන්දුවට පහරදීමට තීරණය කළ අතර ඔවුන්ට පන්දුවාර 43කදී සියලුදෙනා දැවී ලබාගත හැකිවූයේ ලකුණු 208ක් පමණි.

පිළිතුරු ඉනිම ක්‍රීඩා කළ ශ්‍රී ලංකා ක්‍රීඩකයෝ එක් පන්දුවාරයක් ඉතිරිව තිබියදී කඩුලු 8ක් දැවී ලකුණු 211ක් ලබා ගනිමින් ජයග්‍රහණය තහවුරුකර ගත්තේය.

දෙරට අතර තෙවැනි හා අවසන් එක්දින තරගය අනිද්දා (11) කොළඹ ආර්. ප්‍රේමදාස ක්‍රීඩාංගණයේදීම පැවැත්වීමට කටයුතු යොදා ඇත.

ක්‍රීඩා

IPL  කුසලානය කාටද?

Published

on

By

මෙවර IPL තරගාවලියේ අවසන් මහා තරගයට සුදුසුකම් ලබා ගැනීමට සන්රයිසස් හයිද්‍රාබාද් කණ්ඩායම ඊයේ (24) රාත්‍රියේ සමත්විය.

ඒ අවසන් තරග වටයේ තුන්වැනි තරගයේදී රාජස්ථාන් රෝයල්ස් කණ්ඩායම ලකුණු 36කින් පරාජය කරමිනි.

සන්රයිසස් හයිද්‍රාබාද් කණ්ඩායම IPL අවසන් තරගයකට සුදුසුකම් ලබා ගත් තුත්වැනි අවස්ථා මෙය වන අතර  මෙවර IPL අවසන් මහ තරගය කොල්කටා නයිට් රයිඩර්ස් සහ සන්රයිසස් හයිද්‍රාබාද් කණ්ඩායම අතර චෙන්නායි හිදී හෙට (26) පැවැත්වීමට නියමිතය.

Continue Reading

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

ක්‍රීඩා

දඹුල්ල තන්ඩර්ස් කණ්ඩායමට අලුත් හිමිකරුවෙක්

Published

on

By

එළඹෙන LPL තරගාවලිය නියමිත පරිදි පැවැත්වීමට කටයුතු සුදානම් කර ඇති බව ලංකා ප්‍රිමියර් ලීග් සංවිධායකයින් නිවේදනය කරයි.

දඹුල්ල තන්ඩර්ස් කණ්ඩායමේ අයිතීන් වහාම ක්‍රියාත්මක වන පරිදි අත්හිටුවීමට ලංකා ප්‍රිමියර් ලීග් ඊයේ (22) කටයුතු කළ අතර, එහි හිමිකාරීත්වයේ වෙනසක් සමග මෙම තරගාවලිය ඉදිරියේ දී පැවැත්වෙන බව අදාළ නිවේදනයේ දැක්වේ.

LPL තරගාවලියේ විනිවිඳභාවය සහ ගුණාත්මක භාවය ආරක්ෂා කරගැනීම වෙනුවෙන් මෙම පියවර ගත් බව සඳහන් වේ.

2024 ලංකා ප්‍රිමියර් ලීග් ක්‍රිකට් තරගාවලියේදී තරග පාවාදීම සඳහා යෝජනා කිරීමට උත්සාහ කිරීම සම්බන්ධයෙන් දඹුල්ල තන්ඩර්ස් කණ්ඩායම් හිමිකරු සහ ප්‍රධාන විධායක නිලධාරීයා ලෙස කටයුතු කළ තමීම් රහමාන් මැයි  31 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය ඊයේ නියෝග කළේය.

සබැඳි පුවත්:

Continue Reading

Trending

Copyright © 2023 Sri Lanka Mirror. All Rights Reserved