Connect with us

ක්‍රීඩා

හරීන් තවත් එකක් කියයි!

Published

on

ශ්‍රී ලංකා 20යි 20 සංචිතය සඳහා වයස අවුරුදු 25ට අඩු ක්‍රීඩකයින් තෝරා ගත යුතු බව ක්‍රීඩා අමාත්‍ය හරීන් ප්‍රනාන්දු මහතා පවසයි.

ඔහු එම අදහස් පළ කළේ ගාල්ලේ පැවති මාධ්‍ය හමුවකදී ශ්‍රී ලංකාව බංග්ලාදේශය හමුවේ ඊයේ (08) ලද පරාජය පිළිබඳව අදහස් දක්වමිනි.

“ඇත්ත වශයෙන්ම කණගාටුවෙනවා අපි හොඳ කණ්ඩායමක්. අපේ සූදානමක් තිබුණා. ලංකාවේ තේරීම් කමිටුව විසින් තෝරලා තියෙන්නේ ඒ අවස්ථාවේ ලකුණු ගහපු හොඳම ක්‍රීඩකයෝ. මම දැක්කා සමහර සමාජ මාධ්‍යවල තියෙනවා ටෙස්ට් කණ්ඩායමක් 20යි 20ට දැම්මද කියලා. මෙහෙමයි තරග පරදිනකොට මිනිස්සුන්ට හරි ලේසියි ඇඟිල්ල දික්කරන්න. තරග පරදිනකොට බෙල්ල කන්නේ ඇමතිවරයාගේ. මැච් දිනනකොට ක්‍රීඩකයා, පරදිනකොට ඇමතිවරයා. ඕක තමයි ලංකාවේ සාමාන්‍ය තත්ත්වය. දින්නම ක්‍රීඩකයෝ ක්‍රීඩකයින්ගේ දේවල් තමයි උස්සගෙන යන්නේ. ක්‍රීඩකයෝ සහ ක්‍රීඩාවකට ආදරය කරන ප්‍රේක්ෂකයෝ. නමුත් පැරදුනාම සංගම්වලට, ඇමතිවරයාට, ආණ්ඩුවට තමයි කුණුහරුපෙන් බනින්නේ.”

“මේ තරගයේදී මම දැක්ක දෙයක් තමයි අන්තිම ඕවරය වෙනතුරු සටන් කළා. බොහොම පොඩි ලකුණු ප්‍රමාණයක් ගැහුවත් අන්තිම ඕවරයේදී තව එක විකට් එකක් ගියානම් අපි දිනනවා. එහෙම වුණානම් ඔය කතන්දර කියන්නේ නෑ. ඉතින් ක්‍රීඩාව අවිනිශ්චිතයි. දිනුම පැරදුම අවිනිශ්චිතයි. මම සතුටුවෙනවා ජරාම විදිහට පරදින්නේ නැතුව තරගයක් හරි දීලා එදා ලකුණු 77ක් ගහලත් ඕවර් 17ක් වෙනතුරු දකුණු අප්‍රිකානු කණ්ඩායම… ඒ විකට්වල අමුතු මේකක් තියෙනවා අපි ජීවිතේට ඒ ක්‍රීඩාංගනවල ක්‍රීඩා කරලා නෑ. නමුත් ඒක අනික් ක්‍රීඩා කණ්ඩායම්වලටත් පොදුයි. ඒ නිසා වාසනාව කියලා දෙයක් තියෙනවා. මම බලාපොරොත්තු වෙනවා ඉස්සරහාට අලුතින් හැදෙයි කියලා. මගේ පුද්ගලික විශ්වාසය 20යි 20 කණ්ඩායමට ඇත්ත වශයෙන්ම අවුරුදු 25 අඩු තරුණයෝ ඉස්සරහාට එන්න ඕනේ. අලුත් කණ්ඩායම් හැදෙන්න ඕනේ. මම හිතන්නේ මේකේන් අලුත් දෙයක් හැදෙයි කියලා විශ්වාස කරනවා. සමහර මිනිස්සු තරගයන් පැරදුන ගමන් පරණ අතීතය ඔක්කොම මතක් කර ගන්නවා. ඔහොම කලබල වෙන්න එපා… ලංකාවට මේ තත්ත්වය වෙලා තියෙන්නේ අපි ඉතාම ඉක්මනට රියැක්ට් කරන නිසා මේ ප්‍රශ්නය වෙලා තියෙන්නේ.”

ක්‍රීඩා

ශ්‍රී ලංකා ක්‍රිකට් නව ව්‍යවස්ථා කෙටුම්පත ජනාධිපතිට

Published

on

By

ශ්‍රී ලංකා ක්‍රිකට් ආයතනයේ නව ව්‍යවස්ථා කෙටුම්පත ජනාධිපති රනිල් වික්‍රමසිංහ මහතා වෙත භාරදී තිබේ.

ශ්‍රී ලංකා ක්‍රිකට් ආයතනයේ සංයුතිය සහ ව්‍යුහය ප්‍රතිව්‍යුහගත කිරීමටත් ඉන් යෝජනා කර ඇති අතර එම වාර්තාව අද (15) ජනාධිපතිවරයාට භාරදුන්නේය.

විශ්‍රාමික විනිසුරු කේ. ටී. චිත්‍රසිරි මහතා ප්‍රමුඛ කමිටුවක් මගින් එම නව ව්‍යවස්ථා කෙටුම්පත සැකසීය.

සම්පූර්ණ නිවේදනය පහතින්,

Continue Reading

ක්‍රීඩා

2024 T20 තීරණාත්මක තරඟ කිහිපයක් අද

Published

on

By

2024 T20 ලෝක කුසලාන ක්‍රිකට් තරගාවලියේ අදපැවැත්වෙන 32 වැනි තරගයේ කාසියේ වාසිය දිනා ගැනීමට නවසීලන්ත කණ්ඩායම සමත්  විය.

උගන්ඩාව සමඟ පැවැත්වෙන මෙම තරඟයේ කාසියේ වාසිය දිනාගත් නවසීලන්තය තීරණය කළේ, පළමුවෙන් පන්දු රැකීමටයි.

ශ්‍රී ලංකා වේලාවෙන් අද උදෑසන 06.00ට ආරම්භ වූ තරගය පැවැත්වෙන්නේ  Brian Lara Stadium, Tarouba, Trinidad හිදීය .

ශ්‍රී ලංකා වේලාවෙන් අද අලුයම 05.00ට ආරම්භ වූ 31 වැනි තරගය වූ දකුණු අප්‍රිකා – නේපාල තරගයේ කාසියේ වාසිය හිමිකර ගැනීමට නේපාලය සමත් විය.

එමෙන්ම T20 ලෝක කුසලානයේ 33 වැනි තරගය ලෙසින් ඉන්දියාව සහ කැනඩාව සහභාගීවන තරගය ශ්‍රී ලංකා වේලාවෙන් අද රාත්‍රී 08.00 ට Central Broward Regional Park Stadium Turf Ground, Lauderhill, Florida හිදී ද, 34වැනි තරගය ලෙසින් නැමීබියාව සහ එංගලන්තය Sir Vivian Richards Stadium, North Sound, Antigua හිදි ශ්‍රී ලංකා වෙලාවෙන් අද රාත්‍රී 10.30ට තරග වැදීමට නියමිතය.

Continue Reading

ක්‍රීඩා

Nassau County ක්‍රීඩාංගණය ගලවා ඉවත්  කරයි?

Published

on

By

2024 පන්දුවාර විස්සයි විස්ස ලෝක කුසලාන ක්‍රිකට් තරගාවලිය වෙනුවෙන් අමෙරිකාවේ නිව්යෝක්හි තාවකාලිකව ඉදි කෙරුණු  නාසා කවුන්ටි ක්‍රීඩාංගණය බෙහෙවින් අවධානයට ලක්විය.

විදෙස් මාධ්‍ය වාර්තා කර ඇත්තේ, නාසා කවුන්ටි ලෙස නම් කරපු මේ ක්‍රීඩාංගණය ඉවත් කිරීමේ කටයුතු මේ වනවිට ආරම්භ කර ඇති බවයි.

ඒ, නිමාවූ ඉන්දු – අමෙරිකා තරගයෙන් අනතුරුවය.

ඩ්‍රොපිං පිච් හෙවත් පෙර සැකසූ තණතිලි තැම්පත් කිරීමේ ක්‍රමවේදයට අනුකූලව මෙම ක්‍රීඩාංගනය සකස් කර තිබූ අතර එවැනි තණතීරු 10කින් ක්‍රීඩා පිටිය සමන්විත විය.

නාසා කවුන්ටි ක්‍රීඩාංගණය සකස් කළේ ඔස්ට්‍රේලියාවේ ඇඩිලෙයිඩ් ටර්ෆ් ඉන්ටර්නැෂනල් ආයතනය විසින් වන අතර, මෙම ක්‍රීඩාංගණයේ දී එකවර ප්‍රේක්ෂකයින් 34,000 දහසකට අසුන් ගැනීමට හැකියාව තිබේ.

මෙම ක්‍රීඩාංගනයේ පළමු තරගය ලෙස පැවැත්වුණේ පන්දුවාර විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකා දකුණු අප්‍රිකා තරඟයයි.

මීට අමතරව, තරගාවලියේ ඉන්දු – අමෙරිකා, දකුණු අප්‍රිකා – බංග්ලාදේශ සහ ඉන්දු – පකිස්ථාන තරගද ඇතුළුව තරග 8ක් නාසා කවුන්ටි ක්‍රීඩාංගනයේදී පැවැත්විය.

Continue Reading

Trending

Copyright © 2023 Sri Lanka Mirror. All Rights Reserved