ක්‍රීඩා

ලංකාව සුපිරි පන්දුවාරයෙන් තරගය ජය ගනියි; තරගයේ වීරයා චරිත්

Published

2 years ago

April 2, 2023

editor

සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර පැවති පළමු පන්දුවාර විස්සයි විස්ස ක්‍රිකට් තරගයේ ජය ශ්‍රී ලංකාව සතුවිය.

එහි ජය සුපිර පන්දුවාරයෙන් තීන්දු වූ අතර තරග 03කින් සමන්විත පන්දුවාර විස්සයි 20 ක්‍රිකට් තරගාවලියේ පළමු තරගය අද (02) මෙරට වේලාවෙන් පෙරවරු 6.30ට නවසීලන්තයේ ඔක්ලන්ඩ් හිදී ආරම්භ විය.

කාසියේ වාසිය දිනාගත් නවසීලන්ත කණ්ඩායමේ නායක ටොම් ලේතම් (Tom Latham) ඇරයුම අනුව පළමුව පන්දුවට පහරදීමේ අවස්ථාව හිමිවූයේ ශ්‍රී ලංකා කණ්ඩායමට යි.

ඒ අනුව නියමිත පන්දුවාර 20 අවසානයේ ශ්‍රී ලංකා කණ්ඩායම කඩුලු 05ක් දැවී ලකුණු 196ක් රැස් කළේය.

කුසල් ජනිත් පෙරේරා ශ්‍රී ලංකා ඉනිම වෙනුවෙන් නොදැවී ලකුණු 53ක් චරිත් අසලංක පන්දු 41කට මුහුණ දෙමින් ලකුණු 67ක් රැස් කළ අතර කුසල් මෙන්ඩිස් ලකුණු 25ක් රැස්කළේය.

තරගය ජය ගැනීම සඳහා නවසීලන්ත කණ්ඩායමට හිමිවී ඇති ඉලක්කය ලකුණු 197කි.

ඒ අනුව පිටියට පිවිසි නවසීලන්ත කණ්ඩායම පන්දුවාර 20 අවසානයේ දී කඩුලු 08ක් දැවී ලකුණු 196ක් ලබා ගත්තා.

ලකුණු සම වීමක් හේතුවෙන් සුපිරි පන්දුවාරයක් තීරණය විය.

ඒ අනුව නවසීලන්ත කණ්ඩායමෙන් පිටියට පිවිසියේ ටොම් ලේතම් (Tom Latham) සමගින් ඩැරිල් මිචෙල් (Daryl Mitchell) යි.

ශ්‍රී ලංකා කණ්ඩායම වෙනුවෙන් සුපර් ඕවරයේ පන්දු යැවීමේ වගකීම හිමිවූයේ දඟ පන්දු ක්‍රීඩක මහීෂ් තීක්ෂණ හටයි.

මහීෂ් තීක්ෂණ ගේ දඟ පන්දු හමුවේ ටොම් ලැතම් ලකුණු 02ක් ද ඉන් පසුව පිටියට පිවිසි චැප්මන් සමග එක් වූ මිචෙල් ගේ ලකුණු 06 ත් සමග ශ්‍රී ලංකාවට හිමි වූ ඉලක්කය පන්දු 06කට ලකුණු 09ක ඉලක්කයකුයි.

පන්දු 06කට ලකුණු 09ක් රැස් කිරීමේ භාරදූර වගකීම ශ්‍රී ලංකා කණ්ඩායමෙන් හිමිවූයේ කුසල් මෙන්ඩිස් සහ චරිත් අසලංක වෙතයි.පන්දු යැවීම් හිමි වූයේ ඇඩම් මිල්න් (Adam Milne) වෙතයි.

ඒ අනුව සුපිරි පන්දු වාරයේ දෙවැනි පන්දුවේ දී අකලංකගෙන් නවසීලන්තයට එදිරිව එල්ල වුයේ දැවැන්ත හයේ පහරත් සමග ශ්‍රී ලංකා කණ්ඩායම පළමු පන්දුවාර විස්සයි විස්ස ක්‍රිකට් තරගයේ ජය තමන් සතු කර ගන්නා ලදී.

තරගයේ වීරයා වූයේ චරිත් අසලංක යි.

නවසීලන්ත කණ්ඩායම ටොම් ලේතම් (Tom Latham) ගේ නායකත්වය යටතේ පිළිවෙළින් චැඩ් බෝව්ස් (Chad Bowes),ටිම් සෙයිෆර්ට්(Tim Seifert), ඩැරල් මිචෙල්(Daryl Mitchell), මාර්ක් චැප්මන්(Mark Chapan),ජේම්ස් නීෂම්(James Neesham),රචින් රවීන්ද්‍ (Rachin Ravindra),ඇඩම් මිල්න්(Adam Milne),හෙන්රි ෂිප්ලි(Henry Shipley),ඉෂ් සෝදි(Ish Sodhi),බෙන් ලිස්ටර්(Ben Lister) තරගය නියෝජනය කරයි.

ශ්‍රී ලංකා කණ්ඩායම නායක දසුන්ගේ නායකත්වය යටතේ කුසල් මෙන්ඩිස්, කුසල් පෙරේරා, ධනංජය ද සිල්වා, පැතුම් නිස්සංක, චරිත් අසලංක, වනිඳු හසරංග, චාමික කරුණාරත්න, මහීෂ් තීක්ෂණ, දිල්ෂාන් මධුෂංක, ප්‍රමෝද් මධුෂාන් තරගය නියෝජනය කරයි.දීර්ඝ් කාලයක් ආබායකට ලක්ව සිටි කුසල් ජනිත් පෙරේරා සැත්කමෙන් පසුව එක්වන පළමු T20 තරගය ද අදයි.

ක්‍රීඩා

17 වන වරටත් ලෝක ශූරයා වූ ජෝන් සීනා

Published

20 hours ago

April 21, 2025

editor

ලෝක ප්‍රකට මල්ලවපොර ක්‍රීඩක ජෝන් සීනා, WWE WrestleMania 41 තරගාවලියේදී වත්මන් WWE ලෝක ශූර කෝඩි රෝඩ්ස් පරාජය කරමින් 17 වැනි වරට ලෝක ශූරතාවය දිනා ගැනීමට සමත් විය.

මෙම ජයග්‍රහණය තුළින් WWE ලෝක ශූරතාවය වැඩිම වාර ගණනක් දිනූ ක්‍රීඩකයා ලෙස වාර්තාවක් පිහිටුවීමට ඔහුට හැකි විය.

මීට පෙර ඔහු, රික් ෆ්ලෙයර් සමඟ 16 වර ලෝක ශූරතාවය දිනා සම වාර්තාවක් තබා තිබුණි.

මෙම ජයග්‍රහණය විශේෂත්වයක් ගන්නේ එය සීනාගේ සමුගැනීමේ චාරිකාවේ කොටසක් වන බැවිනි.

මෙම වසරේ දෙසැම්බර් මාසයේදී වෘත්තීය මල්ලවපොර ක්‍රීඩාවෙන් විශ්‍රාම යාමට නියමිතය.

ක්‍රීඩා

ශ්‍රී ලංකාවට ආසියාවේ 9වන ස්ථානය

Published

3 days ago

April 19, 2025

editor

සෞදි අරාබියේදී පැවති ආසියානු යොවුන් ශූරතා අවුරුදු 18න් පහළ මලල ක්‍රීඩා තරගාවලියේ කාන්තා මිශ්‍ර සහය දිවීමේ ඉසව්වෙන් ද රිදී පදක්කම ශ්‍රී ලංකාවට හිමිවිය.

තරගය අවසන් කිරීම සඳහා ශ්‍රී ලංකා ක්‍රීඩිකාවන් විනාඩි 2.14.25ක කාලයක් වාර්තා කළහ.

මෙය ශ්‍රී ලංකා නව යොවුන් වාර්තාවක් ලෙසද සටහන් විය.

මෙහි රන් පදක්කම විනාඩි 2.11.11කින් තරගය අවසන් කළ චීනය විසින් දිනාගත්තේය.

විනාඩි 2.15.00කින් සිය ඉසව්ව අවසන් කළ තායිලන්තයට මෙහි ලෝකඩ පදක්කම හිමිවිය.

ආසියානු මලල ක්‍රීඩා සම්මේලනයේ මෙහෙයවීමෙන් සිව් දිනක් පුරා කටීෆ් හි පැවති මෙම තරගාවලිය ඊයේ (18) අවසන් විය.

එහිදී ශ්‍රී ලංකාව රන් පදක්කමක්, රිදී පදක්කම් 3ක්, ලෝකඩ පදක්කම් 4ක් සමගින් සමස්ත පදක්කම් 8ක් දිනාගැනීමට සමත්විය.

ඒ අනුව තරගාවලියට සහභාගි වූ රටවල් රැසක් අතරින් අවම ලෝකඩ පදක්කමක් හෝ දිනූ රටවල් 19ක් අතරින් ශ්‍රී ලංකාවට පදක්කම් සටහනේ 9වන ස්ථානය හිමිවිය.

මෙහිදී ශ්‍රී ලංකාව දිනාගත් පදක්කම් සංඛ්‍යාව ආසියානු වයස අවුරුදු 18න් පහළ ශූරතාවලියක දිනාගත් වැඩිම පදක්කම් සංඛ්‍යාවද වෙයි.

අවසන්වරට මෙම තරගාවලිය පැවැත් වූ 2023 වසරේදී ශ්‍රී ලංකාවට දිනාගැනීමට හැකිව ඇත්තේ රිදී 2ක් හා ලෝකඩ 2ක් සමගින් පදක්කම් 4ක් පමණි.

රන් 19ක්, රිදී 12ක් හා ලෝකඩ 5ක් දිනූ චීනය පදක්කම් සටහනේ පෙරමුණ හිමිකරගත් අතර, ජපානයට එහි දෙවන ස්ථානය හිමිවිය. ඔවුන් රන් 3ක්, රිදී 3ක් හා එක් ලෝකඩ පදක්කමක් දිනාගත්තේය.

සත්කාරක සෞදි අරාබිය මෙහි තෙවන ස්ථානයට පත්වූයේ රන් 3ක්, රිදී පදක්කමක් හා ලෝකඩ 2ක් දිනාගනිමින්ය.

ක්‍රීඩා

දසුන් ශානකට IPL දොරටු විවර වේ

Published

4 days ago

April 18, 2025

editor

මේ දිනවල පැවැත්වෙන ඉන්දීය ප්‍රිමියර් ලීග් (IPL) ක්‍රිකට් තරගාවලිය අතරතුර දී ආබාධයකට ලක් වූ ගුජරාට් ටයිටන්ස් ක්‍රීඩක ග්ලෙන් පිලිප්ස් වෙනුවට තුන්ඉරියව් ක්‍රීඩක දසුන් ශානකට හදිසි කැඳවීමක් ලැබී ඇත.

ඒ අනුව ෂුබ්මන් ගිල් නායකත්වය දරන ගුජරාට් ටයිටන්ස් විසින් ශානකව ඉන්දීය රුපියල් ලක්ෂ 75කට (මෙරට රු.කෝ. 2.5කට වැඩි) මිලදී ගෙන ඇත.

කෙසේ නමුත් ශානකට ටයිටන්ස් කණ්ඩායම අලුත් අත්දැකීමක් නොවන අතර, ඔහු මීට පෙර 2023 වසරේදී එවක නායකත්වය දැරූ හාර්ඩික් පාන්ද්‍යා යටතේ ද මෙම කණ්ඩායම වෙනුවෙන් ක්‍රීඩාකර ඇත.

එහිදී පසුපෙළ පිතිකරුවෙකු ලෙස පන්දුවට පහරදී එම තරග තුනේදී ශානක ලකුණු 26ක් ලබාගත්තේය.

කෙසේ නමුත් එහිදී පන්දු යැවීමට ඔහුට අවස්ථාවක් නොලැබුණි.

ශ්‍රී ලංකාව වෙනුවෙන් විස්සයි20 තරග 102කට ක්‍රීඩාකර ඇති ශානක පන්දුවට පහරදීමෙන් ලකුණු 1456ක් ලබාගෙන ඇති අතර, ඊට අර්ධ ශතක 5ක් ඇතුළත්ව ඇත.

ඔහුගේ ප්‍රහාරාත්මක වේගය 122.46ක් ලෙස සටහන්වී තිබේ.

එමෙන්ම පන්දු යැවීමෙන්ද දක්ෂතා දක්වා ඇති ඔහු විස්සයි20 ජාත්‍යන්තර කඩුලු 33කට හිමිකම් කියයි.

හයිද්‍රාබාද්හිදී පැවති සන්රයිසස් හයිද්‍රාබාද් කණ්ඩායමට එරෙහි තරගයේදී ග්ලෙන් පිලිප්ස් ආබාධයකට ලක්විය.

ඒ හේතුවෙන් ඔහුව තරගාවලියේ ඉතිරි තරගවලින් ඉවත් කරන ලදී.

මේ වනවිට පිලිප්ස් යළි නවසීලන්තය බලා පිටත්ව ගොස් ඇත.