සුපිරි ඔස්ට්‍රේලියානු ක්‍රිකට් ක්‍රීඩක ඩේවිඩ් වෝනර්ගේ නැති වී තිබූ ටෙස්ට් කැප් තොප්පි 2ක් (බැගී ග්‍රීන්) සහිත බෑගය හමුවී ඇති බව වාර්තා වේ.
මින් එක කැප් තොප්පියක් 2011දී සිය මංගල ටෙස්ට් තරගයට පෙර මයිකල් ස්ලේටර් විසින් පිරිනැමූ කැප් තොප්පියක් වූ අතර, සිය අවසාන ටෙස්ට් තරගයේදී භාවිතා කිරීමට මෙය යළි ලබාදෙන මෙන් ඉල්ලමින් වෝනර් ඉන්ස්ටර්ග්‍රෑම් වීඩියෝවක් මගින් ද ඉල්ලීමක් කර තිබුණි.
යළිත් වීඩියෝවක් නිකුත් කළ වෝනර් පවසා ඇත්තේ මෙම නැති වූ ගමන් මල්ල හමුවී ඇති බවත්, මේ සම්බන්ධයෙන් ක්වොන්ටාස් සමාගමට මෙන්ම සිය හෝටල් කාර්යමණ්ඩලයටත් සිය ස්තූතිය පුද කරන බවයි.
මෙම ගමන් මල්ල, එහි තිබූ සියලු බඩු භාණ්ඩ සමග හෝටල් පරිශ්‍රයෙන් හමුවී ඇති බව ඕස්ට්‍රේලියානු ක්‍රිකට් පාලක මණ්ඩලය පවසයි.
සබැඳි පුවත් :
වෝනර් ගේ ‘බෑගී ග්‍රීන්ස්’ උස්සලා!
