මෙරට ප්‍රධාන බෞද්ධ පාසල් දෙකක් වන කොළඹ ආනන්ද සහ නාලන්ද විදුහල් අතර පැවැත්වෙන 93 වැනි ‘සුලෝහිත සංග්‍රාමය’ වාර්ෂික මහා ක්‍රිකට් තරගය එළඹෙන මාර්තු 4 සහ 5 දෙදින කොළඹ SSC පිටියේ දී පැවැත් වේ.

කොරෝනා වසංගත තත්වයත් සමඟ වසර දෙකක කාලයකට පසුව ප්‍රථම වරට ප්‍රේක්ෂක සහභාගීත්වය සම්බන්ධයෙන් කිසිදු සීමාවක් නොමැතිව මෙවර මේ මහා තරගය පැවැත්වීම විශේෂිතය.

අවසන් වරට පැවැත්වුණු සුලෝහිත සංග්‍රාමය නාලන්දයට සුවිශේෂී වූ අතර එහි දී ඔවුන් වසර 69කට පසු දෙදින මහා තරගයක් ජය ගනිමින් ආචාර්ය එන්. එම් පෙරේරා කුසලානය ඔවුන් සතුකර ගන්නට සමත් විය. 

එසේම ආනන්ද ක්‍රීඩකයින් අවසන් වරට දෙදින මහා තරගයක් ජයගෙන  ඇත්තේ මීට දශක දෙකකට පෙර 2003 වසරේ දීය. 

ඒ දුමින්ද කුලරත්නගේ නායකත්වයෙනි

1924 සිට පැවැත්වෙන මේ මහා තරග ඉතිහාසය පුරාවට තීරණයක් සහිතව තරග අවසන් වී ඇත්තේ 19ක් පමණි.

ඒ අනුව මේ දක්වා ක්‍රීඩා කර තිබෙන තරග 92න් තරග 12ක් ආනන්ද විද්‍යාලය ජයග්‍රහණය කර තිබෙන අතර තවත් තරග 7ක් නාලන්දා විද්‍යාලය ජයගෙන තිබෙනවා. 

තරග 73ක් අවසන් වී ඇත්තේ ජය පරාජයෙන් තොරවයි.ආනන්ද පිල

තෙවැනි වසරටත් පළමු පෙළ ක්‍රිකට් කණ්ඩායම නියෝජනය කරන වේගපන්දු යවන ක්‍රීඩක නෙත්ම සමරවීරගේ නායකත්වයෙන් ආනන්ද මෙවර තර වදියි.

ආනන්ද පිල මෙසේය.

නෙත්ම සමරවීර (නායක), ඉරුත් ගිම්ශාන් (උපනායක), ඉසුරු වීරසූරිය, අයේෂ් ශෂීමාල්, විලාෂ් කරුණාරත්න, විදුන විජේබණ්ඩාර, යෙහාන් ගුණසිංහ, අශිංස නයිනායක, කවීෂා මෙන්ඩිස්, පුලිඳු කිරිඇල්ල, කිත්ම විදානපතිරණ, මලීෂ පෙරේරා, කාංචන ද ලිවේරා, රුවිශාන් පෙරේරා, දිනද අතලගේ, කෙනුල ද සොයිසා, ජනුදික ශ්‍රියාපාල (ප්‍රධාන පුහුණුකරු), සංජය දේවපුර (සහාය පුහුණුකරු)නාලන්දා පිල

තෙවැනි වසරේ වර්ණලාභී ක්‍රීඩකයෙක් වන චනුල් අතුකෝරල මෙවර මහා තරගයේ දී නාලන්දා කණ්ඩායම මෙහෙයවනු ලබයි. 

මෙය ඔහු ක්‍රීඩා කරනු ලබන දෙවැනි මහා තරගයයි.

නාලන්දා පිල මෙසේය.
චනුල් අතුකෝරල (නායක), සජිත විතානගේ (උප නායක), එරංග ජයකොඩි, මිනෝද් කල්දේරා, කුශ්මිත සිල්වා, යසිරු සමරකෝන්, රුසිරු විලෝචන, ජනුල ඉඳුසර, සදෙව් සමරසිංහ, සෙනේෂ් විජේසිංහ, අකේෂ් මනෝරත්න, තිසර දෙව්දුනු, සත්මින සේරසිංහ, රිසත් ජයරත්න, ඔසඳ පමුදිත, තිමත් හේරත්, මාලිංග සුරප්පුලිගේ (ප්‍රධාන පුහුණුකරු), රුවන් දිසානායක (සහාය පුහුණුකරු)