Connect with us

ක්‍රීඩා

 94 වැනි ‘සුලෝහිත සංග්‍රාමය’ ජය පරාජයෙන් තොරයි (ඡායා)

Published

on

ශ්‍රී ලංකා ක්‍රිකට් පිලට වැඩිම ක්‍රීඩකයන් පිරිසක් දායාද කළ මෙරට ප්‍රමුඛ පෙළේ බෞද්ධ පාසල් දෙකක් වන ආනන්ද- නාලන්දා විදුහල් අතර, 94 වැනි ‘සුලෝහිත සංග්‍රාමය’ ජය පරාජයෙන් තොරව නිමාවට පත් විය.

 ඊයේ (03) එස්එස්සී පිටියේදී නිමාවූ මේ තරගය කොළඹ නැරඹීම සඳහා ජනාධිපති රනිල් වික්‍රමසිංහ මහතා ද සහභාගි වී සිටීම විශේෂ සිද්ධියකි.

මෙම දෙදින මහා ක්‍රිකට් තරගයේ කාසියේ වාසිය දිනාගත් ආනන්ද පිල මුලින් පන්දුවට පහර දීමට නාලන්දාවට ආරාධනා කළ අතර, එහිදී නාලන්දා පිල මුල් ඉනිමට කඩුලු 8ක් දැවී ලකුණු 277ක් රැස් කළේය.

ආනන්ද විදුහල ප්‍රතිවාදීන්ට කදිම පිළිතුරක් ලබා දෙමින් මුල් ඉනිමට කඩුලු 9ක් දැවී ලකුණු 286ක් ලබා තිබියදී ඉනිම අත්හිටුවූ අතර, නාලන්දාව දෙවැනි ඉනිමට කඩුලු 4ක් දැවී ලකුණු 120ක් ලබා සිටියදී තරගය නිමා වුණි.

ආනන්ද – නාලන්දා විදුහල් අතර, ‘සුලෝහිත සංග්‍රාමයේ’ වසර 9කට පසු නායකයකු ශතකයක් රැස් කරමින් වාර්තා පොතට එක්වූ සජිත විතානගේ පන්දු 178කදී නොදැවී ලකුණු 100ක් ලබා ගැනීමට සමත් වූවේය. 

හතරේ පහර 9ක් සහ හයේ පහර 2 කින් අලංකාර වූ සජිතගේ ඉනිම මේ මහා තරගය වර්ණවත් කළේය. 

මෙයට පෙර ආනන්ද – නාලන්දා විදුහල් අතර, 2015 වසරේ පැවති සුලෝහිත සංග්‍රාමයේදී ආනන්ද පිලේ නායක ෂම්මු අශාන් ශතකයක් වාර්තා කිරීමෙන් පසු නාලන්දා නායක සජිත ශතකයකින් නායකත්වයේ ඉනිමක් ගොඩනැංවීය.

නාලන්දා වයස අවුරුදු 13න් පහළ කණ්ඩායමේ සිට විවිධ වයස් ඛාණ්ඩ යටතේ වසර ගණනාවක් ක්‍රීඩා කළ සජිත මෙයට පෙර ශතකයක් වාර්තා කර නැති නමුත් මේ මහා තරගයේදී අවශ්‍යම වේලාවට තම විදුහල් මාතාව වෙනුවෙන් ශතකයක් රැස් කිරීම මෙහි ඇති විශේෂත්වය වේ. 

පන්දු 141කදී හතරේ පහර 11ක් සමඟ ලකුණු 84ක් රැස් කළ සදෙව් සමරසිංහ සමඟ එක්වූ සජිත සිවුවැනි කඩුල්ලට ලකුණු 90ක සබඳතාවක් එක් කළ අතර, සජිත විතානගේ සහ ඔසඳ පමුදිත අතර පස්වැනි කඩුල්ලට ගොඩනැඟූණු අගනා ලකුණු 104ක සබඳතාව තීරණාත්මක විය.

ආනන්දය වෙනුවෙන් දිනද අතලගේ ලකුණු 71ක් ලබාගත් අතර, කිත්ම විදානපතිරණ ලකුණු 76ක් ලබා ආනන්ද – නාලන්දා මහා ක්‍රිකට් තරග ඉතිහාසයේ අර්ධ ශතක වාර්තා කළ පිතිකරුවන් අතරට එක් වූහ. නාලන්දා දෙවැනි ඉනිමේදී ප්‍රදර්ශනාත්මක ප්‍රහාරයක් එල්ල කළ මනූප මින්මිත පන්දු 24කදී ලකුණු 41ක් ලබා ගැනීමට සමත් විය.

මේ මහා තරගයේ හොඳම පිතිකරු සම්මානය නාලන්දා විදුහලේ සදෙව් සමරසිංහ, හොඳම පන්දු යවන්නා ආනන්ද විදුහලේ කවීෂ මෙන්ඩිස්, හොඳම පන්දු රකින්නා ආනන්ද විදුහලේ කිත්ම විතානපතිරණ හා තරගයේ දක්ෂතම ක්‍රීඩකයා නාලන්දා නායක සජිත විතානගේ සම්මාන දිනා ගත්හ.

මේ මස 17 වැනිදා ආනන්ද – නාලන්දා එක්දින තරගය පැවැත්වීමට නියමිතය.‍

නාලන්දා විදුහල පළමු ඉනිමට කඩුලු 8ක් දැවී ලකුණු 277 
සදෙව් සමරසිංහ 84, සජිත විතානගේ නොදැවී 100, ඔසඳ පමුදිත 31, මනුප මන්මිත 24, අශිංස නයිනායක 76/3, කවීෂ මෙන්ඩිස් 51/2, යසඳු කිරිඇල්ල 33/2, රුවිෂාන් පෙරේරා 56/1 

දෙවැනි ඉනිමට කඩුලු 4ක් දැවී ලකුණු 120 

සදෙව් සමරසිංහ 43, රිසත් ජයරත්න 15, මනුප මන්මිත 41, සජිත විතානගේ නොදැවී 15, කවීෂ මෙන්ඩිස් 24/2, රුවිෂාන් පෙරේරා 28/1

ආනන්ද විදුහල පළමු ඉනිමට කඩුලු 9ක් දැවී ලකුණු 286 

කාංචන ද ලිවේරා 33, අශිංස නයිනායක 31, දිනද අතලගේ 71, ඉරුත් ගිම්ෂාන් 22, කිත්ම විතානපතිරණ 76, ඉසුරු අයේෂ් 20, ඔසඳ පමුදිත 19/3, තිසර දෙව්දුනු 58/1, නඳුල් 33/1, හසිත් රත්නායක 42/1, සනිතු විජේරත්න 43/2

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

ක්‍රීඩා

දඹුල්ල තන්ඩර්ස් කණ්ඩායමට අලුත් හිමිකරුවෙක්

Published

on

By

එළඹෙන LPL තරගාවලිය නියමිත පරිදි පැවැත්වීමට කටයුතු සුදානම් කර ඇති බව ලංකා ප්‍රිමියර් ලීග් සංවිධායකයින් නිවේදනය කරයි.

දඹුල්ල තන්ඩර්ස් කණ්ඩායමේ අයිතීන් වහාම ක්‍රියාත්මක වන පරිදි අත්හිටුවීමට ලංකා ප්‍රිමියර් ලීග් ඊයේ (22) කටයුතු කළ අතර, එහි හිමිකාරීත්වයේ වෙනසක් සමග මෙම තරගාවලිය ඉදිරියේ දී පැවැත්වෙන බව අදාළ නිවේදනයේ දැක්වේ.

LPL තරගාවලියේ විනිවිඳභාවය සහ ගුණාත්මක භාවය ආරක්ෂා කරගැනීම වෙනුවෙන් මෙම පියවර ගත් බව සඳහන් වේ.

2024 ලංකා ප්‍රිමියර් ලීග් ක්‍රිකට් තරගාවලියේදී තරග පාවාදීම සඳහා යෝජනා කිරීමට උත්සාහ කිරීම සම්බන්ධයෙන් දඹුල්ල තන්ඩර්ස් කණ්ඩායම් හිමිකරු සහ ප්‍රධාන විධායක නිලධාරීයා ලෙස කටයුතු කළ තමීම් රහමාන් මැයි  31 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය ඊයේ නියෝග කළේය.

සබැඳි පුවත්:

Continue Reading

ක්‍රීඩා

දඹුල්ල තන්ඩර්ස් කණ්ඩායමේ අයිතීන් අත්හිටුවයි

Published

on

By

එළඹෙන LPL තරගාවලිය සඳහා සහභාගීවීමට නියමිතව සිටි දඹුල්ල තන්ඩර්ස් කණ්ඩායමේ අයිතීන් වහාම ක්‍රියාත්මක වන පරිදි අත්හිටුවීමට කටයුතු කළ බව ලංකා ප්‍රිමියර් ලීග් නිවේදනය කරයි.

LPL සංවිධායක කමිටුවේ සභාපති අනිල් මොහාන් මහතා පවසා ඇත්තේ  LPL තරගාවලියේ විනිවිදභාවය සහ ගුණාත්මක භාවය ආරක්ෂා කරගැනීම වෙනුවෙන් මෙම පියවර ගත් බවය. 

අදාළ නිවේදනයේ දැක්වෙන්නේ Imperial Sports Group ප්‍රධාන විධායක නිලධාරී තමීම් රහමාන් මුහුණදී ඇති නීතිමය කරුණු සලකාබලා ඉහත තීරණය ගත් බවයි.

2024 ලංකා ප්‍රිමියර් ලීග් ක්‍රිකට් තරගාවලියේදී තරග පාවාදීම සඳහා යෝජනා කිරීමට උත්සාහ කිරීම සම්බන්ධයෙන් දඹුල්ල තන්ඩර්ස් කණ්ඩායම් හිමිකරු සහ ප්‍රධාන විධායක නිලධාරීයා ලෙස කටයුතු කළ තමීම් රහමාන් මැයි  31 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය අද (22) නියම කළේය.

Continue Reading
Advertisement

Trending

Copyright © 2023 Sri Lanka Mirror. All Rights Reserved