ශ්‍රී ලංකා කාන්තා පිල ආසියානු කුසලාන අවසන් තරගයට

Published

3 years ago

October 13, 2022

editor

ආසියානු කුසලාන විස්සයි විස්ස කාන්තා ක්‍රිකට් තරඟාවලියේ දෙවන අවසන් පූර්ව තරඟය ජයගැනීමට ශ්‍රී ලංකා කණ්ඩායම සමත්විය.

ඒ තියුණු තරඟයකින් අනතුරුව පාකිස්තාන කාන්තා ක්‍රිකට් කණ්ඩායම පරාජයට පත්කරමිනි.

ඒ අනුව කාන්තා ආසියානු කුසලාන ක්‍රිකට් තරඟාවලියක අවසන් මහා තරඟයට ශ්‍රී ලංකාව පිවිසෙන්නේ වසර 14කට පසුව වීමද විශේෂත්වයකි.

තරඟයේ කාසියේ වාසිය දිනා ප්‍රථමයෙන් පන්දුවට පහරදුන් ශ්‍රී ලංකා කණ්ඩායම පන්දුවාර 20 අවසානයේ කඩුලු 6ක් දැවී ලකුණු 122ක් රැස්කරගැනීමට සමත්විය.

එහිදී අගනා ඉනිමක් ක්‍රීඩා කළ හර්ෂිතා සමරවික්‍රම ලකුණු 35ක් ලබාගැනීමට සමත්විණි.

අනුෂ්කා සංජීවනී ලකුණු වේගවත් 26ක් රැස්කරගත්තාය.

පන්දු යැවීමේදී පාකිස්තානය වෙනුවෙන් නෂ්‍ රා සඳු කඩුලු 3ක් දවාගැනීමට සමත්විය.

පිළිතුරු ඉනිම ක්‍රීඩා කළ පාකිස්තාන කණ්ඩායම වෙනුවෙන් අගනා ඉනිමක් රැස්කරමින් කණ්ඩායම අවසාන මොහොත දක්වා ජයග්‍රහණයේ බලාපොරොත්තුවෙන් ඉදිරියට මෙහෙයවන්න බිෂ්මා මහරුෆ් සමත්විය.

බිෂ්මා මහරුෆ්ගේ ඉනිම ලකුණු 42කින් වර්ණවත් වුවද ශ්‍රී ලංකා ක්‍රීඩිකාවන් පන්දු යැවීමෙන් එල්ලකළ අභියෝගය ජයගැනීමට එය ප්‍රමාණවත් නොවුනි.

නිඩා දාර් පාකිස්තානය වෙනුවෙන් ලකුණු 26ක් රැස්කළේය.

ඉනෝකා රණවීර තරගයේ ක්‍රීඩිකාව බවට පත්විය.

අවසන් පන්දුවාර කිහිපයේ තියුණු සටනකින් අනතුරුව ලකුණු 1කින් තරගය ජයගෙන මෙවර ආසියානු කුසලාන අවසන් ගැටුමට පිවිසීමට ශ්‍රී ලංකා කාන්තා ක්‍රිකට් කණ්ඩායම සමත්විය.

ජුනි මාසයේ ICC දක්ෂයින් අතරට ගිය පැතුම්

Published

23 hours ago

July 8, 2025

editor

ශ්‍රී ලංකාවේ පැතුම් නිස්සංක ජුනි මාසයේ ලොව දක්ෂතම ICC ක්‍රිකට් ක්‍රීඩකයා සඳහා නිර්දේශ වී තිබේ.

ඒ සංචාරක බංග්ලාදේශ කණ්ඩායමට එරෙහි ටෙස්ට් ක්‍රිකට් තරගාවලියේ දැක්වූ දක්ෂතා හේතුවෙනි.

දකුණු අප්‍රිකාවේ කගීසෝ රබාඩා සහ දකුණු අප්‍රිකාවේ ඒඩ්න් මාක්රම්ද ඒ අතරට ඇතුළත්.

මාසයක කාලයක් ජාත්‍යන්තර ක්‍රිකට් පිටියේ දැක්වූ දක්ෂතා මත පදනම්ව අන්තර් ජාතික ක්‍රිකට් කවුන්සිලය විසින් මෙම සම්මානය පිරිනමයි.

ICC ප්‍රධාන විධායක තනතුරට, සංජෝග් ගුප්තා

Published

2 days ago

July 7, 2025

editor

ජාත්‍යන්තර ක්‍රිකට් කවුන්සිලයේ (ICC) නව ප්‍රධාන විධායක නිලධාරීවරයා ලෙසින් සංජෝග් ගුප්තා පත්කර ඇති බව නිවේදනය කර සිටී.

සංජෝග් ගුප්තා දැනට ජියෝස්ටාර් හි ක්‍රීඩා සහ සජීවී අංශ සඳහා ප්‍රධාන විධායක නිලධාරිවරයා ලෙස කටයුතු කරනු ලබයි. එසේම ඔහු ගෝලීය මාධ්‍ය, විනෝදාස්වාද සහ ක්‍රීඩා මාධ්‍ය සම්බන්ධයෙන් ඉහළ පිළිගැනීමක් ඇති පුද්ගලයෙකු ලෙස ද සැලකේ.

ජාත්‍යන්තර ක්‍රිකට් කවුන්සිලයේ සභාපතිවරයා ලෙසින් ජේ ෂා පසුගිය 2024 දෙසැම්බර් 01 සිට පත්වූ අතර මෙලෙස එහි ප්‍රබල තනතුරු දෙකක්ම ඉන්දියානුවන් අතට පත්ව තිබීම විශේෂත්වයකි.

සංජෝග් ගුප්තා ICC ප්‍රධාන විධායක නිලධාරී තනතුරට පත් වූ හත්වැනි පුද්ගලයා වේ.