Connect with us

විදෙස්

ඉන්දියාව G20 සභාපතිත්වය භාරගනියි

Published

on

ඉන්දියාව ඊයේ (01) දින ඉන්දුනීසියාවේ සිට G20 සභාපතිත්වය නිල වශයෙන් භාර ගත්තේය.

මෙම අවස්ථාව සනිටුවහන් කරමින් ඉන්දීය අග්‍රාමාත්‍ය නරේන්ද්‍ර මෝදි මහතා විසින් G20 සභාපතිත්වය සම්බන්ධයෙන් ඉන්දියාවේ දැක්ම පිළිබඳව ලිපියක් පළ කර තිබේ.

සිය ලිපියෙන් අග්‍රාමාත්‍යවරයා කියා සිටියේ සුවය, සහජීවනය සහ බලාපොරොත්තුව ඇති සභාපති ධූර කාලයක් අපේක්ෂා කරන බවයි.

ඉන්දියාව විසින් 2023 නොවැම්බර් 30 දක්වා G20 සභාපතිත්වය උසුළනු ඇත.

නොවැම්බර් 8දා මෝදි අග්‍රාමාත්‍යවරයා විසින්  ඉන්දියාවේ G20 සභාපතිත්වයේ නිල ලාංඡනය, තේමාව සහ වෙබ් අඩවිය එළිදක්වනු ලැබීය.

G20 සභාපතිත්වයේ තේමාව වන “වාසුධායිව කුටුම්භකම්” හෙවත් “එක් පෘථිවියක්, එක් පවුලක්, එක් අනාගතයක්” යන්න පෞරාණික සංස්කෘත ග්‍රන්ථයක් වන මහා උපනිෂද් ඇසුරින් ගන්නා ලද්දකි. මෙම තේමාව සියලු ජීවයේ එනම් මිනිස්, සත්ව, ශාක සහ වෙනත් ක්ෂුද්‍ර ජීව කොටස් හි අගය සහ පෘථිවිය මත සහ පුළුල් විශ්වය තුළ ඒවායේ අන්තර් සම්බන්ධතාවය පිළිඹිබු කරයි. එසේම එය වඩා පිරිසිදු, වඩා හරිත සහ නිල්වන් අනාගතයක් උදෙසා ගෝලීය වශයෙන් පරිවර්තනීය වෙනස්කම් වෙත මඟ පාදන පුද්ගල ජීවන විලාසිතා මෙන්ම ජාතික සංවර්ධනය යන මට්ටමෙන් පාරිසරික වශයෙන් තිරසාර, වගකීමක් සහිත තේරීම් හා සබැඳි “පරිසරය සඳහා ජීවන විලාසිතාව” (Lifestyle for Environment – LiFE) යන සංකල්පය ද මතුකර දක්වයි.

 G20 නිල ලාංඡනය ඉන්දියානු ජාතික ධජයේ තැඹිලි, සුදු සහ කොළ යන විචිත්‍ර වර්ණයන්ගෙන් ද නිල් පැහැයෙන් ද සමන්විත වේ. අභියෝග මැද වර්ධනය පිළිඹිබු කරන ඉන්දියාවේ ජාතික පුෂ්පය වන නෙළුම් මල පෘථිවි ගෝලය සමඟින් යොදා ඇත. පෘථිවි ගෝලය ස්වභාව ධර්මය හා පරිපූර්ණ වශයෙන් සුසංයෝගී වන ජීවිතය සඳහා ඉන්දියාවේ පෘථිවි හිතකාමී ප්‍රවේශය පිළිඹිබු කරයි. G20 ලාංඡනයට පහළින් “භාරත්” යන වචනය දේවනාගරි අකුරින් දක්වා ඇත.

 නිල ලාංඡනය සහ තේමාව ඉන්දියාවේ G20 සභාපතිත්වයේ කේන්ද්‍රීය අවධානය පැහැදිලිව සහ ශක්තිමත්ව ගෙන හැර දක්වයි. G20 සභාපතිත්වය සඳහා ඉන්දීය අනන්‍යතාවයකින් යුත් ප්‍රවේශය මෙම අභියෝගාත්මක කාලයේදී අවට පරිසර පද්ධතිය සමඟ සුසංයෝගයෙන් ජීවත් වීම සහ ලොව සැමට තිරසාර, සාකල්‍ය, වගකීම් සහගත සහ සැවොම ඇතුළත් වන අයුරින් සාධාරණ සහ සමාන වර්ධනය ළඟා කරගැනීම අවධාරණය කරයි.

G20 සභාපතිත්වය අන්තර්ජාතික වැදගත්කමකින් යුත් වැදගත් ගැටළු පිළිබඳ ගෝලීය න්‍යාය පත්‍රයට දායකත්වය ලබා දීමට ඉන්දියාවට අවස්ථාවක් හිමි කර දේ. එසේම ඉන්දියාවේ G20 සභාපතිත්වය 2022 අගෝස්තු 15වන දින 75වන නිදහස් දින සංවත්සරයෙන් ඇරඹී 2047 වර්ෂයේ සියවන නිදහස් දිනය දක්වා වන වසර 25ක “අම්රිත්කාල්” කාලය ඇරඹීම ද සනිටුහන් කරයි. මෙය මානුෂවාදී ප්‍රවේශයක් කේන්ද්‍ර කරගත් අනාගතවාදී, සෞභාග්‍යමත්, සැවොම ඇතුළත් වන සහ සංවර්ධිත සමාජයක් උදෙසා යන ගමනකි.

G20 සභාපති ධූරය හොබවන කාලය තුළ  ඉන්දියාව රට පුරා විවිධ ස්ථානයන්හි විවිධ ක්ෂේත්‍රයන් 32කට අදාළ හමු 200ක් පමණ පවත්වනු ඇත.G20 රාජ්‍ය නායක සමුළුව 2023 සැප්තැම්බර් 9-10 නව දිල්ලියේ දී පැවැත්වෙනු ඇත. බංග්ලාදේශය, ඊජිප්තුව, මොරිෂස්, නෙදර්ලන්තය, නයිජීරියාව, සිංගප්පූරුව, ස්පාඤ්ඤය සහ එක්සත් අරාබි එමිර් රාජ්‍යය ‘ආරාධිත රටවල්’ ලෙස ආරාධනා ලබනු ඇත.

විදෙස්

නොබෙල් සාම ත්‍යාගයට ට්‍රම්ප්ගේ නමත්

Published

on

By

ඊශ්‍රායල අග්‍රාමාත්‍ය බෙන්ජමින් නෙතන්යාහු විසින් අමෙරිකානු ජනාධිපති ඩොනල්ඩ් ට්‍රම්ප් නොබෙල් සාම ත්‍යාගය සඳහා නම් කර තිබේ.

ධවල මන්දිරයේ පැවති රාත්‍රී භෝජන සංග්‍රහයක් අතරතුර, නෙතන්යාහු මේ බව දැනුම් දී ඇති බව විදෙස් මාධ්‍ය වාර්තා කළේය.

මැද පෙරදිග කලාපයේ සාමය සහ ආරක්ෂාව ඇති කිරීම වෙනුවෙන් ඩොනල්ඩ් ට්‍රම්ප් දරන උත්සාහය වෙනුවෙන් ඔහුගේ නම මෙලෙස යෝජනා කර තිබේ.

Continue Reading

විදෙස්

ජපානය, දකුණු කොරියාව ඇතුළු රටවල් 14කට අමෙරිකාවෙන් බදු

Published

on

By

ජපානය සහ දකුණු කොරියාව ඇතුළු රටවල් 14කින් ආනයනය කරන භාණ්ඩ සඳහා තීරුබදු පැනවීමට අමෙරිකාව තීරණය කර තිබේ.

අමෙරිකානු ජනාධිපති ඩොන්ල්ඩ් ට්‍රම්ප් විසින් අදාළ තීරුබදු පැනවීම පිළිබඳව ලිඛිතව දැනුම් දී ඇති බව වාර්තා වේ.

ඒ අනුව එම තීරුබදු පැනවීම අගෝස්තු මස පළමුවන දින සිට ක්‍රියාත්මක කිරීමට නියමිතය.

ජපානය සහ දකුණු කොරියාවෙන් ආනයනය කරන භාණ්ඩ සඳහා සියයට 25ක තීරු බද්දක් පැනවීමට නියමිතව තිබේ.

ඊට අමතරව මියන්මාරය, ලාඕසය, තායිලන්තය, කාම්බෝජය, සර්බියාව, බංග්ලාදේශය, ඉන්දුනීසියාව, දකුණු අප්‍රිකාව,  මැලේසියාව, ටියුනීෂීයාව යන රටවල් සඳහා ද ඊයේ (07) දිනයේ තීරු බදු පැනවීම සම්බන්ධයෙන් දැනුම් දී ඇති බව වාර්තා වේ.

මේ අතර ට්‍රම්ප් පරිපාලනය විසින් ඉදිරි පැය 48 ඇතුළත ජාත්‍යන්තර වෙළෙඳ ප්‍රතිපත්ති සහ ආර්ථික කටයුතුවලට අදාළ වැදගත් නිවේදන කිහිපයක් සිදුකිරීමට නියමිත බව අමෙරිකානු භාණ්ඩාර ලේකම් ස්කොට් බෙසන්ට් ප්‍රකාශ කර තිබේ.

කෙසේවෙතත් අදාළ නිවේදනවල අඩංගු වන්නේ මොනවාද යන්න සම්බන්ධයෙන් මෙතෙක් දැනුම් දී නොමැති බව සඳහන්ය.

මේ අතර අමෙරිකානු තීරුබදු සම්බන්ධයෙන් ශ්‍රී ලංකාවට යහපත් ප්‍රතිචාරයක් ලැබෙනු ඇති බව කම්කරු අමාත්‍ය සහ ආර්ථික සංවර්ධන නියෝජ්‍ය අමාත්‍ය මහාචාර්ය අනිල් ජයන්ත මහතා සඳහන් කළේය.

Continue Reading

විදෙස්

ධුරයෙන් නෙරපූ ප්‍රවාහන ඇමති සිය දිවි නසා ගනියි

Published

on

By

රුසියානු හිටපු ප්‍රවාහන අමාත්‍ය රෝමන් ස්ටාරොවොයිට් සිය දිවි නසාගෙන ඇතැයි විදෙස් මාධ්‍ය වාර්තා කර තිබේ.

රුසියානු ජනාධිපති ව්ලැඩිමීර් පුටින් විසින් ඊයේ (07) දින ස්ටාරොවොයිට් ප්‍රවාහන අමාත්‍ය ධුරයෙන් නෙරපා හැරියේය.

ඔහු මොස්කව් නගරයෙන් පිටත ඔහුගේ මෝටර් රථය තුළ වෙඩි වැදී මියගොස් සිටියදී සොයාගෙන ඇති අතර ප්‍රධාන උපකල්පනය වී ඇත්තේ ඔහු සිය දිවි නසාගෙන ඇති බවය.

2023 වසරේදී අභ්‍යන්තර කටයුතු අමාත්‍යාංශයෙන් ලැබුණු ගිනි අවියක් භාවිත කර හිටපු අමාත්‍යවරයා සියදිවි නසාගෙන ඇති බවද මේ වන විට වාර්තා වී ඇත.

කෙසේ නමුත් පුටින් ඔහුව ප්‍රවාහන අමාත්‍ය ධුරයෙන් ඉවත් කරන ලද්දේ කුමන හේතුවක් මතද යන්න මෙතෙක් අනාවරණය වී නොමැති බවද විදෙස් මාධ්‍ය වාර්තා හී සඳහන්ව තිබේ.

නමුත් රුසියානු මාධ්‍ය වාර්තා කර ඇත්තේ යුක්‍රේනයේ ඩ්‍රෝන් ප්‍රහාවල ආරක්ෂක තර්ජනය හේතුවෙන් මෙන්ම පසුගිය ජූලි 5-6 දෙදින තුළ රුසියාවේ ප්‍රධාන ගුවන් තොටුපොළවල ගුවන් ගමන් 500කට ආසන්න ප්‍රමාණයක් නතර කිරීමට සිදුවීමෙන් පසුව ඔහුව රුසියානු ජනාධිපතිවරයා නෙරපා හැරි බවය.

Continue Reading
Advertisement

Trending

Copyright © 2023 Sri Lanka Mirror. All Rights Reserved