සංක්‍රමණයින් රැගත් යාත්‍රාවක් බටහිර අප්‍රිකානු මුහුදු ප්‍රදේශයේ දී අනතුරට ලක්ව තිබේ.
අනතුරින් යාත්‍රාවේ සිටි පුද්ගලයින් 60 දෙනෙකු පමණ මියගොස් ඇති බව වාර්තා වේ.
විදෙස් මාධ්‍ය වාර්තා කළේ අදාළ යාත්‍රාවේ සංක්‍රමණිකයින් සිය දෙනෙකු පමණ සිට ඇති බවයි.
සෙනගල් සහ සියෙරා ලියෝන් රටවල පුද්ගලයින් මෙම යාත්‍රාවේ සිට ඇති අතර යාත්‍රාව මාසයකට අධික කාලයක් මුහුදේ යාත්‍රා කරමින් තිබියදී එය ගසාගෙන ගොස් පෙරළී අනතුරට ලක්ව ඇති බව සඳහන්ය.
යාත්‍රාවේ සිටි පුද්ගලයින් 38 දෙනෙකු මුදාගැනීමට සමත් වී ඇති බව විදෙස් වාර්තා සඳහන් කර ඇත.
