ඇමෙරිකානු ජනපති ජෝ බයිඩ්න් උත්සවයක් අතරතුරදී පය පැටලී බිම ඇදවැටී තිබේ.
ලොව වයස්ගතම ජනාධිපතිවරයා වන 80 හැවිරිදි බයිඩ්න්, මෙම අකරතැබ්බයට මුහුණ පා ඇත්තේ අමෙරිකාවේ කොලරාඩොහි පැවති ගුවන් හමුදා උපාධි ප්‍රදානෝත්සවයක් අතරතුරදීය.
රහස් සේවා නිලධාරීන් දෙදෙනෙකු හා ගුවන් හමුදා නිලධාරියෙකු ගේ සහය සහිතව ඔහු යළි නැගිට ඇත.
ඔහුට කිසිඳු තුවාලයක් සිදුවී නැති බවද ධවල මන්දිරයේ සන්නිවේදන ප්‍රධානියා පසුව ප්‍රකාශ කර තිබේ.
බයිඩ්න් ජනාධිපතිවරයා භාවිතා කළ ටෙලිප්‍රොම්ප්ටරය වැලි කොට්ට දෙකක් මත තබා ඇති අතර, ඔහු ඇද වැටී ඇත්තේ මෙම වැලිකොට්ට වල පැටළී බව වාර්තා වේ.
