විදේශ රටවල නිෂ්පාදිත චිත්‍රපට සඳහා 100% තීරු බද්දක් පැනවීමට අමෙරිකානු ජනාධිපති ඩොනල්ඩ් ට්‍රම්ප් තීරණය කර තිබේ.

අමෙරිකාවේ චිත්‍රපට කර්මාන්තය ඉතා වේගයෙන් කඩාවැටීමෙන් පවතින බැවින් මෙම තීරු බදු පැනවීමට එක්සත් ජනපද වෙළඳ නියෝජිතවරයාට බලය පවරන බව ඩොනල් ට්‍රම්ප් ප්‍රකාශ කර ඇත.

යළි අමෙරිකාවේ චිත්‍රපට නිෂ්පාදනය ඉහළ නැංවීමට අවශ්‍ය වී ඇති බව අමෙරිකානු ජනාධිපතිවරයා පවසයි.

ඊට සහයෝගය පළ කිරීමක් ලෙස වෙනත් රටවල නිෂ්පාදනය කරන චිත්‍රපට සඳහා තීරුබදු ඉහළ දැමීමට තීරණය කර ඇති බව විදෙස් මාධ්‍ය වාර්තා කළේය.

චීන ජනාධිපති ෂී ජින් පිං මහතා රුසියාවේ තෙදින නිල සංචාරයක් සඳහා එක්වීමට නියමිතව ඇතැයි වාර්තා වේ.

ඒ අනුව ෂී මහතා මැයි 7 වැනිදා සිට 10 වැනිදා දක්වා තෙදිනක් රුසියාවේ සංචාරය කිරීමට නියමිත බව විදෙස් වාර්තා වල දැක්වේ.

මෙහිදී චීන ජනාධිපතිවරයා රුසියානු ජනාධිපති ව්ලැඩ්මීර් පුටින් සමග දෙරටේ උපායමාර්ගික හවුල්කාරිත්වය වර්ධනය කිරීම මෙන්ම තවත් ගිවිසුම් කිහිපයකටම අත්සන් තැබීමට නියමිත බව රුසියානු මාධ්‍ය වාර්තා කර තිබේ.

එමෙන්ම දෙවන ලෝක යුද්ධයේදී සෝවියට් සංගමය ලැබූ ජයග්‍රහණයේ 80 වන සංවත්සරය සැමරීම සඳහා මොස්කව් හී පැවැත්වෙන උත්සවයකටද සහභාගී වීමට නියමිතව ඇති විදෙස් මාධ්‍ය වාර්තා කර ඇත.

මෙම හමුවේදී චීන – රුසියානු සබඳතා වර්ධනය කිරීම සහ වැදගත් ජාත්‍යන්තර හා කලාපීය කරුණු මාලාවක් පිළිබඳව රුසියානු ජනාධිපති පුටින් සමග උපායමාර්ගික සාකච්ඡා පැවැත්වීමට නියමිතව ඇති බවත් වාර්තා වේ.

සිංගප්පූරු පාර්ලිමේන්තු මැතිවරණයෙන් මහජන ක්‍රියාකාරී පක්ෂය ජයග්‍රහණය කර තිබේ.

ඒ 65%ක ඡන්ද ප්‍රතිශතයක් ලබා ගනිමින්.

ඒ අනූව පාර්ලිමේන්තු ආසන 97න් 87ක් අගමැති ලොරන්ස් වොන්ග්ගේ නායකත්වයෙන් යුත් මහජන ක්‍රියාකාරී පක්ෂය ජයග්‍රහණය කර තිබේ.

උද්ධමනය, වැටුප් විෂමතා වැනි ගැටලු හේතුවෙන් ජනතාව කනස්සල්ලට පත්ව ඇති පසුබිමකදී සිංගප්පූරු මැතිවරණය පැවැත්විය.