අමෙරිකාවේ පැරණිතම සහ විශාලතම ජාත්‍යන්තර මාධ්‍ය ආයතනය වනමාධ්‍ය ජාලය වසා දැමීමේ විධායක නියෝගයට අමෙරිකානු ජනාධිපති ඩොනල්ඩ් ට්‍රම්ප් අත්සන් තබා තිබේ.

ඒ, ට්‍රම්ප් විරෝධී රැඩිකල් ප්‍රතිපත්තියක් අනුගමනය කරන බවට චෝදනා කරමින් ය.

දෙවැනි ලෝක යුද සමයේ 1942 වසරේදී වොයිස් ඔෆ් අමෙරිකා මාධ්‍ය ජාලය ආරම්භ වන්නේ, නාසි සහ ජපන් ප්‍රචාරණ වලට එරෙහි විකාශන ජාලයක් ලෙසයි.

BBC මාධ්‍ය ජාලයෙන් කුලී පදනම මත ලබාගත් සම්ප්‍රේෂණ උපාංග ඔස්සේ එහි විකාශය කටයුතු ආරම්භ විය.

මේ වනවිට ලොව පුරා භාෂා 48 කින් එහි විකාශන ජාලය ව්‍යාප්තව ඇත්තේ, ගුවන් විදුලි, රූපවාහිනී සහ ඩිජිටල් යන සියලු විද්‍යුත් මාධ්‍ය ජාලා ඔස්සේයී.

ඒ වටා දෛනිකව රොක්ව සිටින ගෝලීය ප්‍රේක්ෂක සහ ශ්‍රාවක ප්‍රජාව, මිලියන 361 ඉක්මවයි.

Voice of America මාධ්‍ය ජාලය රාජ්‍ය මාධ්‍ය ආයතනයක් බවට පත්කිරීමේ විධායක නියෝගයට 1976 වසරේදී අත්සන් තැබුවේ, එවක හිටපු ජනාධිපති ජෙරල්ඩ් ෆෝඩ් විසින් ය.

එතැන් සිට එය පාලනය වන්නේ, අමෙරිකානු ආණ්ඩුවේ ෆෙඩරල් අරමුදල් වලින්ය.

වාර්ෂික අය වැයෙන් ඒ සඳහා වෙන් කෙරෙන මුදල, අමෙරිකානු ඩොලර් මිලියන 267 කට අධිකයි.

ජනාධිපතිවරයා උපදේශකයෙකු වන එලෝන් මස්ක් Voice of America වසා දමන්නැයි සිය x ගිණුමෙන් පසුගියදා ඉල්ලීමක් ද කර තිබුණි.

ජනාධිපතිවරයා එය වසා දැමීමට තීරණය කිරීමත් සමග එහි සේවය කළ 1300 ක් පමණ වූ සේවක පිරිසට වැටුප් රහිත නිවාඩු දී තිබේ.

අමෙරිකාවේ පැරණිතම ජාත්‍යන්තර මාධ්‍ය ජාලයක් එලෙස වසා දැමීමට තීරණය කිරීම හරහා ට්‍රම්ප් ආණ්ඩුවේ මාධ්‍ය මර්දනකාරී වැඩපිළිවෙළ මනාව පිළිබිඹු වන බව, විචාරකයින් ප්‍රකාශ කළේ ය.

ජාත්‍යන්තර මාධ්‍ය සංවිධාන පෙන්වා දෙන්නේ, එය මාධ්‍ය නිදහසට එල්ල කළ බරපතළ පහරක් බවයි.

කැනඩාවේ නව අග්‍රාමාත්‍යවරයා ලෙස මාර්ක් කාර්නි දිවුරුම් දී තිබේ.

ජස්ටින් ටෲඩෝ අග්‍රාමාත්‍ය ධුරයෙන් මෙන්ම ලිබරල් පක්ෂ නායකත්වයෙන් ඉල්ලා අස්වීම හේතුවෙන් නව අග්‍රාමාත්‍යවරයෙකු පත් කිරීම සිදුවිය.

59 වන වියේ පසුවන මාර්ක් කාර්නි අග්‍රාමාත්‍ය ධුරයට පත්වූයේ ඒ අනුවය.

පක්ෂ සාමාජිකයන් එක්ලක්ෂ පනස්දෙදහසකට අඩු සංඛ්‍යාවක් ඡන්දය දුන් තරගයක දී වැඩි ප්‍රතිශතයක් අත්කර ගැනීමට ඔහුට හැකිවූ අතර ප්‍රකාශිත ඡන්දවලින් 86%ක් ලබාගත් කාර්නි මෙසේ අග්‍රාමාත්‍ය ධුරයට පත්වූ බවයි කැනඩා වාර්තා සඳහන් කරයි.

කැනඩාවේ හිටපු මහ බැංකු අධිපතිවරයෙකු වශයෙන් ද කටයුතුකර තිබේ.

සබැඳි පුවත්

කැනඩාවේ නව අගමැති මාර්ක් කාර්නි

ඇමරිකා එක්සත් ජනපද ජනාධිපති ඩොනල්ඩ් ට්‍රම්ප් විසින් යුරෝපා සංගමයෙන් ආනයනය කරනු ලබන මධ්‍යසාර වෙනුවෙන් 200%ක බදු පනවන බවට තර්ජනය කර තිබේ.

ඒ අනුව, මේ වන විට යුරෝපා සංගමයේ සාමාජිකත්වය ලබන රටවල් 193ක් වෙනුවෙන් මෙම තීරුබදු බලාත්මක වනු ඇත.

පසුගියදා එක්සත් ජනපදයේ නිෂ්පාදිත විස්කි සඳහා යුරෝපා සංගමයේ රටවල් 50% ක ආනයන බද්දක් පැනවීමට ප්‍රතිචාර වශයෙන් ඩොනල්ඩ් ට්‍රම්ප් ඊයේ (13) දිනයේදී මේ බව නිවේදනය කර තිබේ.

ට්‍රම්ප් සිය මැතිවරණ ව්‍යාපාරය අතරතුර තීරුබදු පොරොන්දු වූ අතර දැන් එම පොරොන්දු ඉටු වෙමින් පවතී. කෙසේ නමුත්, මේ සම්බන්ධයෙන් ආර්ථික විශ්ලේෂකයන් අනතුරු අඟවන්නේ මෙම තත්වය දිගටම පවතින්නේ නම් එක්සත් ජනපද ආර්ථිකය අවපාතයක් කරා ගමන් කරනු ඇති බවයි.