Connect with us

විදෙස්

K-drama හා ඇමෙරිකානු චිත්‍රපට බැලුවට මරණ දඬුවම

Published

on

ඇමෙරිකන් හොලිවුඩ් චිත්‍රපට සහ දකුණු කොරියානු ටෙලි කතා නැරැඹූ උතුරු කොරියානු ගැටවරයන් දෙදෙනකුට මරණ දඩුවම ලබා දීමට උතුරු කොරියානු රජය පියවර ගෙන ඇත.

හොලිවුඩ් චිත්‍රපට මෙන්ම, අසල්වැසි දකුණු කොරියානු ටෙලි කතා සහ චිත්‍රපට ද උතුරු කොරියාවේ තහනම්ය. මරණ හිමිවී ඇත්තේ අවුරුදු 16 ත් 17 ත් වයසේ ගැටවරයන් දෙදෙනකුටය.

මොවුන් දෙදෙනා උතුරු කොරියාවේ රයැන්ජියැන් පළාතේ නගරයක පාසල් සිසුන් වන අතර, ඔවුන් හොලිවුඩ් චිත්‍රපට සහ දකුණු කොරියානු ටෙලි කතා නරඹා ඇත්තේ පාසලේ දී යැයි ද පැවැසෙයි.

මරණ දඩුවම ක්‍රියාත්මක කර ඇත්තේ හමුදාවේ මැදිහත් වීමෙනි. ගැටවරයන් දෙදෙනාගේ පවුලේ සාමාජිකයන් ඉදිරියේ ඔවුන්ට වෙඩි තැබීම සිදු කෙරුණි.

විදෙස් මාධ්‍ය මේ පිළිබඳ පුවත් ඊයේ (6) පළ කළත් මෙම සිද්ධිය සිදුවී ඇත්තේ පසුගිය ඔක්තෝබර් මාසයේ බව ද පැවැසෙයි.

(එන්.ඩී.ටී. වී.)

Continue Reading

විදෙස්

බ්‍රිතාන්‍ය පාර්ලිමේන්තුව විසුරුවයි

Published

on

By

බ්‍රිතාන්‍ය පාර්ලිමේන්තුව ඊයේ (30) මධ්‍යම රාත්‍රියේ සිට විසුරුවා හැර තිබේ.

මැතිවරණයක් කැඳවීමට තවත් කාලය ඉතිරිව තිබියදී, වසර 14ක් බලයේ සිටින කොන්සර්වේටිව් පාලනයෙන් පසු විපක්ෂයේ කම්කරු පක්ෂයට බලය හිමි වීමේ වැඩි ඉඩකඩක් ඇතිබව හොඳින්ම පෙනෙන්නට ඇති මොහොතක මෙම මැතිවරණය කැඳවා තිබීම විශේෂත්වයකි.

මැතිවරණය ජූලි මස 04වනදා පැවැත්වීමට නියමිතය.

Continue Reading

විදෙස්

චීනයේ විදේශ කටයුතු අමාත්‍යංශයට අලුත් උප ඇමතිවරියක්

Published

on

By

චීනයේ විදේශ කටයුතු අමාත්‍යංශයට නව උප ඇමතිවරියක් පත් කර තිබේ.

එරට මානව සම්පත් හා සමාජ ආරක්ෂණ අමාත්‍යංශය නිවේදනය කරන අන්දමට හුවා චුන්යින් මහත්මිය මෙම තනතුරට පත් කරඇත.

විදේශ කටයුතු අමාත්‍යංශයේ කීර්තිමත් රාජ්‍යතාන්ත්‍රිකයෙකු වන හුවා මහත්මිය, වසර 2012 සිට එහි ප්‍රකාශකවරියක් ලෙසද කටයුතු කර තිබේ.

Continue Reading

විදෙස්

ගුවන් අනතුරකින් දොළොස් දෙනෙකුට තුවාල

Published

on

By

දෝහා සිට ඩබ්ලින් දක්වා පියාසර කරමින් තිබූ කටාර් එයාර්වේස් ගුවන් යානයක් තුර්කියට ඉහළින් පියාසර කරමින් තිබියදී ඇති වූ කැළඹිලි තත්ත්වයක් හේතුවෙන් අනතුරට ලක්ව තිබේ.

එහිදී පුද්ගලයන් 12 දෙනෙක් පමණ තුවාල ලබා ඇති ඩබ්ලින් ගුවන් තොටුපළ බලධාරීන් විසින් පවසන ලදී.

විදෙස් මාධ්‍ය වාර්තා පැවසුවේ ගුවන් යානය පියාසර කරන අවස්ථාවේ එම ගුවන් අවකාශයේ තිබූ කාලගුණික තත්ත්වය ඊට බලපා ඇති බවයි.

මේ හේතුවෙන් මගීන් හය දෙනෙකු සහ කාර්ය මණ්ඩල සාමාජිකයින් හය දෙනෙකු තුවාල ලබා ඇත.

විදෙස් මාධ්‍ය වාර්තා කළේ අනතුරට ලක් වූ බෝයිං බී 787-9 ගුවන් යානය ආරක්ෂිතව ගොඩ බැස්සවා ඇති බවයි.

එමෙන්ම තුවාල ලැබූ පිරිස ප්‍රතිකාර සඳහා යොමු කර ඇති බව සඳහන්ය.

Continue Reading
Advertisement

Trending

Copyright © 2023 Sri Lanka Mirror. All Rights Reserved