Connect with us

විදෙස්

බිලියනපතිනියට මරණ දඬුවම

Published

on

වියට්නාමයේ විශාලතම බැංකුවක් ලෙස සැලකෙන සයිගොන් කොමර්ෂල් බැංකුවෙන් මුදල් වංචා කිරීමේ චෝදනාවට වරදකාරිය වූ Truong My Lan ට මරණ දඬුවම නියම කර තිබේ.

මෙම නඩු විභාගය වියට්නාමයේ වැඩිම අවධානයක් දිනාගත් නඩුවක් වූ අතර මෙතෙක් ලොව සිදුකළ විශාලතම බැංකු වංචාව හා සම්බන්ධ නඩු විභාග අතරටද එක්වන්නක් විය.

67 හැවිරිදි Truong My Lan දේපොළ සංවර්ධන ව්‍යාපාර හිමි කාන්තාවකි.

වසර 11ක් පුරා ඩොලර් බිලියන 44ක් වංචාකර ඇති බවට ඇයට  එල්ලවී තිබූ ප්‍රධාන චෝදනාව වූ අතර සයිගොන් කොමර්ෂල් බැංකුවෙන් ඩොලර් බිලියන 44ක් (පවුම් බිලියන 35ක්) ලබා ගැනීම සම්බන්ධයෙන් ඇය වරදකාරිය වූවාය.

ප්‍රධාන විත්තිකාරිය වූ Truong My Lan ට මරණ දඬුවම හිමි වූ අතර විත්තිකරුවන් සියලු දෙනා වැරදිකරුවන් විය. හතර දෙනෙකු ජීවිතාන්තය දක්වා සිරගත විය. ඉතිරි පිරිසට වසර 20 සිට වසර තුන දක්වා සිරදඬුවම් නියම කර ඇත. Truong My Lan ගේ සැමියාට සහ ලේලියට පිළිවෙළින් අවුරුදු 9ක සහ 17ක සිරදඬුවම් නියම විය.

විදෙස්

පුටින් චීනයේ නිල සංචාරයක

Published

on

By

රුසියානු ජනාධිපති ව්ලැඩිමීර් පුටින් චීනයේ නිල සංචාරයක් ආරම්භ කර තිබේ.

චීන ජනපති ෂී ජින්පිං මහතාගේ ආරාධනයෙන් රුසියානු ජනාධිපතිවරයා මැයි 16-17 දින වලදී මෙලෙස නිල සංචාරයක නිරත වනු ඇත.

චීන හා රුසියානු ජනාධිපතිවරුන් විසින් ද්වීපාර්ශ්වික සබඳතා, විවිධ ක්ෂේත්‍ර වල සහයෝගීතාවය මෙන්ම පොදු අවධානයට ලක්වන ජාත්‍යන්තර සහ කලාපීය ගැටළු වැනි කරුණු ගැන සාකච්ඡා කිරීමට නියමිත බව චීනයේ විදේශ කටයුතු අමාත්‍යංශයේ ප්‍රකාශක වාං වන්බින් මහතා පවසයි.

Continue Reading

පුවත්

ඉම්රාන් ඛාන්ට ඇප

Published

on

By

සිර දඬුවම් ලබා සිටින පාකිස්තානයේ හිටපු අගමැති ඉම්රාන් ඛාන්ට එරෙහිව පවතින තවත් එක් නඩුවක් සම්බන්ධයෙන් ඔහුට ඇප නියමවී තිබේ.

ඒ ඉඩම් වංචාවක් සම්බන්ධයෙන් ඔහුට එරෙහිව එල්ල වී තිබූ චෝදනාවකට අදාළවය.

හිටපු අගමැති ඛාන් පාකිස්තානයේ අගමැතිව සිටි කාලයේ දී නීති විරෝධී උපකාර සඳහා ත්‍යාග වශයෙන් දේපොළ වෙළෙඳාම්කරුවෙකු ලබාදුන් ඉඩම් සම්බන්ධයෙන් ඔහුට චෝදනා ගොනු වී තිබුණි.

හිටපු අගමැති ඛාන් ඉස්ලාමාබාද් අධිකරණය හමුවේ ඇප ඉල්ලුම් කළේ එම චෝදනා ප්‍රතික්ෂේප කරමිනි.

පසුගිය අගෝස්තු මාසයේ සිට සිරගතව සිටින හිටපු අගමැතිවරයාට මෙලෙස ඇප නියම වුවත් තවත් නඩු දෙකකට අදාළව ඔහුට සිර දඩුවම් නියමව පවතින හෙයින් සිරගතව සිටින අගමැතිවරයාට මෙම ඇප හිමිවීම හරහා තවදුරටත් නිදහස් නොවනු ඇත.

Continue Reading

පුවත්

දැන්වීම් පුවරුවක් කඩා වැටී 14 දෙනෙකු මරුට

Published

on

By

ඉන්දියාවේ මුම්බායි නගරයේ විශාල දැන්වීම් පුවරුවක් කඩා වැටීමෙන් සිදුවූ අනතුරකින් පුද්ගලයින් 14 දෙනෙකු මියගොස් තිබේ.

ඉන්දීය මාධ්‍ය වාර්තා කලේ, මුම්බායි නගරය හරහා හමා ගිය තද සුළං තත්ත්වයත් සමග මෙම දැන්වීම් පුවරුව කඩා වැටී ඇති බවය.

එහිදී තවත් පුද්ගලයින් 60කට අධික පිරිසක් තුවාල ලබා තිබේ.

ඉන්ධන පිරවුම්හලක් අසල සවිකර තිබූ දැන්වීම් පුවරුවක් මෙසේ කඩා වැටී ඇති අතර අනතුරෙන් වාහන රැසකට ද දැඩි අලාභහානි සිදුව ඇති බව වාර්තා වේ.

අදාළ දැන්වීම් පුවරුව නීත්‍යානුකූළ අවසරයක් ලබාගෙන සවිකර ඇත්ද යන්න සම්බන්ධයෙන් විමර්ශනයක් පවත්වන ලෙස මහාරාෂ්ට ප්‍රධාන අමාත්‍යවරයා නියෝග කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved