ඩුබායි රාජ්‍යයේ පැවැත්වෙන “UAE Athletics Grand prix  2024” තරගාවලියේ මීටර් 100 පිරිමි ඉසව්වේ තෙවැනි ස්ථානය දිනාගැනීට යුපුන් අබේකෝන් සමත්විය.

යුපුන් අබේකෝන් සිය ෆේස්බුක් පිටුවේ සටහනක් තබමින් පවසා ඇත්තේ, මිටර් 100 තරගය තප්පර 10.18 (+1.2) කින් අවසන් කිරීමට හැකිවීම ගැන තමන් මහත්සේ සතුටට පත්වන බවය.

එමෙන්ම ඔහු වැඩිදුරටත් සඳහන් කර ඇත්තේ තමන්ගේ එකම බලාපොරොත්තුව පැරිස් ඔලිම්පික් උළෙල බවය. 

මේ අතර, එම තරගාවලියේ කාන්තා මීටර් 400 ඉසව්වෙන් දෙවැනි ස්ථානය දිනා ගැනීමට නදීෂා රාමනායක සමත්ව ඇත.

2024 ලංකා ප්‍රිමියර් ලීග් තරගාවලිය සඳහා වන ක්‍රීඩක වෙන්දේසිය මැයි 21දා පැවැත්වීමට නියමිතය.

කොළඹ ෂැංග්‍රිලා හෝටලයේ පැවැත්වීමට නියමිත මෙය, එදින මධ්‍යහන 12ට ඇරඹීමට කටයුතු යොදා ඇති බව ශ්‍රී ලංකා ක්‍රිකට් ආයතනය පවසයි.

මෙම වෙන්දේසිය සජීවී ලෙස රූපවාහිනි හා ඩිජිටල් මාධ්‍ය ඔස්සේ විකාශය වීමට නියමිතය.

සෑම සංචිතයකම අවම වශයෙන් ක්‍රීඩකයින් 20 දෙනෙකු හා උපරිම වශයෙන් ක්‍රීඩකයින් 24 දෙනෙකු සිටිය යුතු වන අතර,  විදේශීය ක්‍රීඩකයින් සය දෙනෙකුද සිටිය යුතුය. තවද, ක්‍රීඩා කරන ක්‍රීඩකයන් 11දෙනා අතර, වයස 23න් පහළ ක්‍රීඩා කරන එක් ශ්‍රී ලාංකික ක්‍රීඩකයෙකු ද සිටීම අනිවාර්ය වේ.

2024 ලංකා ප්‍රිමියර් ලීග් තරගාවලිය ජූලි 01 – 21දා දක්වා පැවැත්වීමට නියමිතය.

ඩුබායි හි පැවැත්වෙන එක්සත් අරාබි එමීර් රාජ්‍ය මළල ක්‍රීඩා තරගාවලියට එක්ව සිටින මෙරට මළල ක්‍රීඩක ක්‍රීඩිකාවන් රැසක් අද (03) තරග බිමට පිවිසීමට නියමිතය.

ඒ අනුව කෙටි දුර ධාවන ශූර යුපුන් අබේකෝන් සහභාගී වන මීටර 100 තරගය මෙරට වේලාවෙන් රාත්‍රී 7.50 ට පැවැත්වෙන අතර,

නදීෂා රාමනායක සහභාගී වන 400m තරගය ශ්‍රී ලංකා වේලාවෙන් අද රාත්‍රී 7.15 ට පැවත්වෙන පැවැත්වේ.

තරුෂි කරුණාරත්න හා ගයන්තිකා අබේරත්න සහභාගී වන 800m තරගය පැවැත්වෙන්නේ මෙරට වේලාවෙන් අද රාත්‍රී 9.00 ට යි.