ශ්‍රී ලංකන් ගුවන් ඉංජිනේරුවන්ගේ ඉල්ලීම් ඉටු කිරීමට එම පාලනාධිකාරියට නොහැකි වීම හේතුවෙන් මේවන විට එම ගුවන් සේවය පවත්වාගනෙ යාමට නොහැකි තත්ත්වයක් ඇතිව ඇතැයි එහි අභ්‍යන්තර ආරංචි මාර්ගවලින් වාර්තා වේ.

මේ තත්ත්වය හේතුවෙන් පසුගිය දින කිහිපයේම ශ්‍රීලන්කන් ගුවන් සේවයේ ගුවන් ගමන් වාර කිහිපයක් ප්‍රමාද විය.

මේ අතර, අදාළ කරුණු සම්බන්ධයෙන් විමසීමට අද (02) දිනයේ විශේෂ සාකච්ඡාවක් කැඳවා තිබේ.

අද පෙරවරු 9.30ට විෂය භාර අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් මෙම සාකච්ඡාව පැවැත්වීමට නියමිත බව වාර්තා වේ.

රටේ ජාතික ගුවන් සේවා සන්නාමයට කැළලක් එක් කරන මෙම ගුවන් ගමන් ප්‍රමාදයන් පිළිබඳ මෙහිදි බලධාරීන්ගෙන් කරුණු විමසීමට නියමිතව ඇතැයි ද පැවසේ.

මෙම සාකච්ඡාව සඳහා ශ්‍රීලන්කන් ගුවන් සේවයේ පාලනාධිකාරියේ නිලධාරීන් සහ සියලුම වෘත්තිය සමිති නියෝජිතයින් ද එක්වීමට නියමිත බව වාර්තා වේ.

පසුගිය දිනවල ශ්‍රීලන්කන් ගුවන් ගමන් කිහිපයක් අවලංගු වූ අතර ඇතැම් ගුවන් ගමන් වාරවල ප්‍රමාදයන් දිගින් දිගටම සිදුවුණි.