පසුගියදා බුකර් සම්මානයට පාත්‍ර වූ ‘ද සෙවන් මූන්ස් ඔෆ් මාලි අල්මේදා‘ නවකතාවේ කතා සැකැස්ම සොරකම් කර ඇතැයි මාධ්‍යවේදියෙකු වන රාජ්පාල් අබේනායක මහතා විසින් නැගූ චෝදනාවට එම කෘතියේ කර්තෘ ශෙහාන් කරුණාතිලක මහතා පිළිතුරු ලබාදී තිබේ.
එම කතා සැකැස්ම ඔහු විසින් 2011 වසරේදී කතෘ සටහනක් ලබාගැනීම සඳහා කරුණාතිලක මහතා වෙත එවූ පිටු 56කින් යුතු නමක් රහිත ‘නොවෙලාවෙන්‘ හොරකම් කර ඇති බවට අබේනායක මහතා චෝදනා කර ඇත.
කෙසේවෙතත්, මෙම චෝදනාව පදනම් විරහිත සේම නින්දා සහගත එකක් බව නිවේදනයක් නිකුත් කරමින් කරුණාතිලක මහතා පවසයි.
මෙම පදනම් විරහිත චෝදනා ගැන විමසන ඕනෑම මාධ්‍යවේදියෙකුගෙන් අදාළ ලේඛනය කියවා බලන ලෙස තමා ඉල්ලා සිටින බවද එම නිවේදනයේ දැක්වේ.
මෙවැනි ප්‍රකාශයක් කරන්නට සිදුවීම පිළිබඳව දුකට සහ කණගාටුවට පත්වන බවත් මෙය ශ්‍රී ලංකාව සහ එහි ලේඛකයන්ට සැමරුම් අවස්ථාවක් විය යුතු බවත්, ඔහු වැඩිදුරටත් පවසා සිටියි.
ඉංග්‍රීසි බසින් පළ කර ඇති සම්පූර්ණ නිවේදනය මෙසේය :
