Connect with us

කලා

ප්‍රවීණ සාහිත්‍යවේදී ජයකොඩි සෙනෙවිරත්නයන් දැයෙන් සමු ගනී

Published

on

ශ්‍රී ලාංකේය ගත්කතුවර වංශකතාවේ නොමැකෙන නාමයක් තැබූ ප්‍රවීණ සාහිත්‍යවේදී ජයකොඩි සෙනෙවිරත්නයන් අභාවප්‍රාප්ත විය.

ඔහු මියයන විට 86 වැනි වියෙහි පසුවිය.

කෙටිකතාකරුවකු ලෙස ලේඛන දිවිය ඇරඹි ඒ මහතා, ජනාදරය දිනූ නවකතා 68 ක් සහ තවත් කෘතීන් ගණනාවක් පමණ මෙරට සාහිත්‍ය ක්ෂේත්‍රයට දායාද කළේය.

ඔහුගේ පළමු කෘතිය වූ “ආදර ගඟ ගලන දෑස” නවකතාව 1968 වසරේදී පළ වූ අතර ඔහු සිය ලේඛන දිවියේ 70 වසරක් තුළ ලියූ නවකතා ගණන 68 කි.

‘සිත්තරෙකුට පෙම් බැඳ’, ‘දෙමස්සිනෝ’, ‘මිහිඳුම් සළු’, ‘රන තිසරු’, ‘නොමැරෙන මිනිස්සු’, ‘සොල්දර ගෙදර’, ‘අග මෙහෙසිය’, ‘කුමාරිහාමි’, ‘වක්කලම’, ‘පටලැවිල්ල’, ‘වජිරපාණි’, ‘රූමතිය’, ‘බකිනි මල’, ‘රන් තරුව’, ‘පංචකල්‍යාණි’, ‘සුන්දර සහ දේවින්ද’, ‘පිනි පලස’, ‘ස්වරණ වර්ණ’, ‘උරචක්‍රමාලය’, යන කෘතීන් ඔහු විසින් රචනා කළ කෘතීන් අතර වේ.

“කුමාරි හාමි”නව කතාව සඳහා 1984 වසරේ රාජ්‍ය සාහිත්‍ය සම්මානය ද හිමිවූ අතර කුමාරි හාමි ටෙලි නාට්‍යයට පාදක වූයේද මෙම නවකතාවයි.

ඒ වගේම නොමැරෙන මිනිස්සු, කස්තිරස, නිකිණි වැස්ස, දහස්ගව්දුර(සහෝදරයෙක්) ටෙලි නාට්‍යයට නැගූ ඔහුගේ නවකතාවන්ය.

1936 වසරේ මාර්තු මස 20 වැනිදා ඔහු උපත ලැබූ ඔහු කලුතර රජයේ පාසැලේ මූලික අධ්‍යාපනය ලබා ඉන්පසු බෝඹුවල බෞද්ධ මිශ්‍ර පාසලෙන් 5 ශ්‍රේණිය ශිෂ්‍යත්ව විභාගය සමත්ව කලුතර තිස්ස මධ්‍යමහා විද්‍යාලයට ඇතුළත්ව විය.

ජයකොඩි සෙනෙවිරත්නයන්ගේ දේහය ගම්පහ කිරිදිවැල නිවසේ තැන්පත් කිරීමට නියමිත අතර අවසන් කටයුතු කිරිදිවැල පොදු සුසාන භූමියේදී සෙනසුරාදා (24) සවස සිදුකිරීමට නියමිතයි.

කලා

ඇන්ටන් ගැන කුසල් කියන කතාව ජුනි 17දා එළිදකී

Published

on

By

නිදහස් වෙළෙඳකලාප හා පොදු සේවක සංගමයේ සම ලේකම් – ඇන්ටන් මාකස් මහතාගේ පනස් වසරක  වෘත්තිය සමිති දිවිය විවිරණය කරමින් ‘සීමා මායිම් නැති මානවවාදියා’ නමින් කෘතියක් ලබන සතියේදී එළිදැක්වීමට නියමිතය.

දේශපාලන විචාරක හා විශ්ලේෂක කුසල් පෙරේරා මහතා විසින් රචිත මෙම කෘතියේ ඉංග්‍රීසි අනුවාදය ‘Humanist Without Borders’ නමින්ද එළිදකිනු ඇත.

මෙම කෘති ද්විත්වය එළිදැක්වීමේ උළෙල ජුනි 17 වැනිදා ප.ව. 3.30 සිට කොළඹ ශ්‍රී ලංකා පදනම් ආයතනයේදී පැවැත්වීමට නියමිතය.

ගෞරවලාභී මහාචාර්ය ජයදේව උයන්ගොඩ මහතා හා නවසීලන්තයේ ‘ෆස්ට් යුනියන්’ හි හිටපු සභාපති හා ප්‍රධාන ලේකම් වන රොබට් රීඩ් මහතා විසින් මෙහිදී ආරාධිත දේශන පවත්වනු ඇත.

මේ එළිදැක්වීම සම්බන්ධයෙන් ‘ශ්‍රී ලංකා මිරර්’ වෙත අදහස් දක්වමින් කුසල් පෙරේරා මහතා පැවසුවේ :

“ඇන්ටන් ගෙ අවුරුදු 50ක වෘත්තීය සමිති ජීවිතය මම මේ පොතේ පැල කරන්නෙ අපේ රටේ දේශපාලන වර්ධනය තුලයි. හේතුව ඇන්ටන් පක්ෂ දේශපාලනයක් නෙකරුවාට, අදේශපාලන සත්වයෙක් නෙවෙයි. ඒ නිසා මං උත්සාහ කෙරුවෙ ආණ්ඩුක්‍රම ව්‍යවස්ථාවේ, ජාත්‍යන්තර සම්මුතිවල තිබුණට, සේවා ගරුත්වයක්, සේවක අයිතිවාසිකම්, සාධාරණත්වයක්  වෙනුවෙන් ඇන්ටන් ඔහුගෙ ජීවිතය කැප කෙරුවට, එය මොන නමකින් හැදින්වුවත් ජාවාරම් කාරයින් එක්ක ලේසි පහසු නැහැ කියලා ඇන්ටන් ගෙ අත්දැකීම් මගින්ම කියන්න.”

Continue Reading

කලා

කංගනාට ගුවන්තොටුපොළේ දී කම්මුල් පහරක්

Published

on

By

භාරතීය ජනතා පක්ෂය නියෝජනය කරමින් ඉන්දීය පාර්ලිමේන්තුවට තේරී පත්වූ බොලිවුඩ් රංගන ශිලිපිනි කන්ගනා රනාවුත්ට ආරක්ෂක නිලධාරිනියක් කම්මුල් ප්‍රහාරයක් එල්ල කර තිබේ.

ඒ චන්දිගාර් ගුවන්තොටුපොළ තුළදීය.

ඇයට මෙලෙස  පහර දී තිබුණේ ගුවන්තොටුපොළේ සේවයේ නියුතු කුල්වින්දර් කෝර් නම් මධ්‍යම කාර්මික මර්මස්ථාන ආරක්ෂක බළකායේ නිලධාරිනියක් විසිනි.

කන්ගනා රනාවුත්ට ඇය පහරදී ඇත්තේ ඉන්දියාවේ පැවති ගොවි විරෝධතාවලදී කන්ගන් සිදුකළ ප්‍රකාහයකට විරෝධය පළකරමිනි.

මෙම පහරදීම සම්බන්ධයෙන් කන්ගනා රනාවුත් පැමිණිල්ලක් ගොනුකර ඇති අතර කුල්වින්දර් කෝර් වැඩතහනමකට ලක්කර ඇයට එරෙහිව විමර්ශනයක් ආරම්භ කර ඇති බව වාර්තා වෙයි.

Continue Reading

කලා

“රවී – සිනමා අඩසියවසක ආත්මභාෂණය” එළිදකී

Published

on

By

ප්‍රවීණ රංගනවේදී රවින්ද්‍ර රන්දෙණිය මහතා දශක 5ක් පුරා ශ්‍රී ලාංකේය සිනමාව උදෙසා සිදු කළ විශිෂ්ට සේවාව අගයමින් “රවී – සිනමා අඩසියවසක ආත්මභාෂණය” උපහාර උළෙල ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ (05) කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී පැවැත්විණි.

සිනමා විචාරක ගාමිණී වේරගොඩ මහතා සිංහල බසින් හා උදිත දේවප්‍රිය මහතා ඉංග්‍රීසි බසින් රචිත රවින්ද්‍ර රන්දෙණිය චරිතාපදානය ග්‍රන්ථ ද්විත්වය එළිදැක්වීම ද මෙහිදී සිදු කෙරුණු අතර රවින්ද්‍ර රන්දෙණිය මහතා විසින් එහි පළමු පිටපත ජනාධිපතිවරයා වෙත පිළිගැන්වීය.

රවින්ද්‍ර රන්දෙණිය මහතා වෙත සිය උණුසුම් සුබපැතුම් පළ කළ ජනාධිපති රනිල් වික්‍රමසිංහ මහතා සඳහන් කළේ එතුමා ක්ෂේත්‍ර ගණනාවකට දායකත්වය ලබා දිය හැකි දක්ෂ රංගධරයෙක් බවයි.

1974 වසරේදී තිරගත කෙරුණු ‘තරංගා’ සිනමා පටයෙන් සිනමාවට එක්වන රවීන්ද්‍ර රන්දෙණිය නම් වූ රංගන ශිල්පියා පසුගිය දශක 5 පුරාවට ශ්‍රී ලාංකේය සිනමා ප්‍රේක්ෂක හදවත් තුළ සදා නොමැකෙන මතක සටහන් රැසක් තබන්නට සමත් විය.

දුහුලු මලක්, පොඩි මල්ලි, වීරපුරන් අප්පු, ජනේලය, මායා, ආරාධනා, දඩයම, මංගල තෑග්ග, සාගර ජලය, සෛලම, සිරිමැදුර, අනන්ත රාත්‍රිය, කළුදිය දහර ඇතුළු සිනමාපට 100කට අධික ප්‍රමාණයකට තම රංගන ප්‍රතිභාව මුසු කරමින් ප්‍රේක්ෂකයා සිනමාශාලාව තුළට කැඳවා ගනිමින් සිංහල සිනමා කර්මාන්තය ඉහළට ඔසවා තැබීමට විශාල දායකත්වයක් ලබා දුන් ඔහු ශ්‍රී ලංකාව තුළ පැවති සරසවිය, ජනාධිපති, ස්වර්ණ සංඛ ඕ.සී.අයි.සී. සහ විචාරක සම්මාන උළෙල රැසකදී පහළොස්වතාවකට වැඩි අවස්ථා ගණනාවකදී හොඳම නළුවාගේ සම්මානයෙන් පිදුම් ලැබූ අතර ජීවිතයට එක්වතාවක් පමණක් ලැබෙන Life time Achievements Awards සම්මාන 07කින් ද හොඳම සහාය නළුවා හා ඇගැයීම සම්මාන රැසකින් ද පිදුම් ලබා ඇත. ඔහු සිනමාව උදෙසා කළ සේවාව වෙනුවෙන් සෞන්දර්යය කලා විශ්වවිද්‍යාලයෙන් පිරිනැමෙන දර්ශන සූරී සම්මාන උපාධියෙන් ද පිදුම් ලබා ඇත. මීට අමතරව ජාත්‍යන්තර සිනමාපට රැසකට තම රංගන දායකත්වය ලබාදුන් මේ ප්‍රතිභා පූර්ණ රංගන ශිල්පියා Street Child (ප්‍රධාන චරිතය), Mother Thresa, Jungle Heat, Sandokan හා තිරගත වීමට නියමිත Distant Tear Drop සිනමාපටයේ (ප්‍රධාන චරිතය) ඇතුළු සිනමාපට රැසකට රංගන දායකත්ව ලබා දී ඇත.

Continue Reading

Trending

Copyright © 2023 Sri Lanka Mirror. All Rights Reserved