නව ජනාධිපති අනුර කුමාර දිසානායක මහතා විසින් අමාත්‍යවරුන් සිව් දෙනෙකුගෙන් යුත් කැබිනට් මණ්ඩලයක් පත් කරනු ඇති බව පාර්ලිමේන්තු මන්ත්‍රී ආචාර්ය හරිනි අමරසූරිය මහත්මිය පවසයි.
ඇය මේ බව ප්‍රකාශ කළේ, ජනාධිපතිවරයාගේ දිවුරුම්දීමේ උත්සවයෙන් අනතුරුව මාධ්‍ය වෙත අදහස් පළ කරමිනි.
අදාළ පත්කිරීම අද (23) සිදු නොකරනු ඇති බව ද ඇය අවධාරණය කළාය.
“තත්ත්වය හොඳයි. අනුර සහෝදරයා දිවුරුම් දුන්නා. අපි වැඩ පටන් ගන්නවා ඉතාමත් ඉක්මණින්. අද මොකුත් වෙන්නේ නැහැ. පුළුවන් තරම් ඉක්මනට සිද්ධ කරගෙන යනවා.
මාධ්‍යවේදීයා – ඔබතුමියට අගමැතිධුරය හම්බවෙනවා කියන කතාව ඇත්ත ද.?
හරිනි – නෑ.. අද කැබිනට් තනතුරු මොකක්දවත් වෙන්නේ නෑ
මාධ්‍යවේදීයා – ඔබතුමිය ද අගමැතිධුරය සඳහා සුදුසුකම් ලබලා තියෙන්නේ.?
හරිනි – තාමත් අපි හරි තීරණයක් අරන් නැහැ. හිටපු අගමැති අයින් වෙලා පුරප්පාඩුව පුරවන්න ඔනේ. ඒ ක්‍රියාවලිය සිද්ධ වුණායින් පස්සේ තමා අපේ කැබිනට් එක පත් කරගන්නේ.
මාධ්‍යවේදීයා – නව කැබිනට් මණ්ඩලය තීරණය කරලා ඉවරයි ද.? කොහොමද තුන් දෙනෙකුගෙන් අමාත්‍ය මණ්ඩලය පත් කරන්නේ.?
හරිනි – හතර දෙනෙක්.
මාධ්‍යවේදීයා – කොහොමද අමාත්‍යධුර දෙන්නේ.?
හරිනි – අපිට ඒක තාම කියන්න බැහැ. අපි හෙට ඒ ටික කතා කරමු.”
