මේ වන විට බලාත්මක වී ඇති විෂ මත්ද්‍රව්‍ය පනත අනුව අයිස් මත්ද්‍රව්‍ය ග්‍රෑම් 5ක් සන්තකයේ තබා ගන්නා ඕනෑම අයෙකුට මරණ දණ්ඩනය නියම කිරීමට අවස්ථාව ඇති බව රාජ්‍ය අමාත්‍ය අනුරාධ ජයරත්න මහතා පැවැසීය.
“විෂ, විෂවර්ග, අබිං හා අන්තරාදායක ඖෂධ සංශෝධන පනත් කෙටුම්පතට කථානායක අත්සන යෙදීම මගින් එය ක්‍රියාත්මක වෙනවා. මේ අනුව අයිස් මත්ද්‍රව්‍ය ග්‍රෑම් 5කට වඩා සන්තකයේ තබා ගන්නා අයෙකුට මරණීය දණ්ඩනය ලබාදීමට ශ්‍රේෂ්ඨාධිකරණයට අවස්ථාව තිබෙනවා.
මේ අයිස් මත්ද්‍රව්‍ය කොතරම් හානිකර වුවත් නීතිය ක්‍රියාත්මක වුණේ හෙරොයින් වලට පමණයි. මේ පනත අනුව ශ්‍රේෂ්ඨාධිකරණයට බලය තිබෙනවා මරණීය දණ්ඩනය පනවන්න.
දරුණු විදිහට බෙදා හැරීම් කරලා මේවට ළමයි ඇබ්බැහි වෙලා තිබෙනවා. ඒ නිදා කවුද කින්ද මන්ද කියන එක, පාසල් දරුවන්ද කියලා වැදගත් නෑ. ඔවුන් වරදකරු වුණොත් මරණීය දණ්ඩනය නියම කළ හැකියි”
(අද)
