Connect with us

පුවත්

අලුත් බාර් පර්මිට් 37න් 16ක්ම දීල තියෙන්නේ ඇමති නලින්ගේ ආයතනයකට!

Published

on

මෙම වසරේ මුල් මාස හතරේ දී සුපිරි වෙළෙඳසල්වලට ලබා දී තිබෙන නව මත්පැන් බලපත්‍ර 37න් 16ක් ම දී ඇත්තේ වෙළෙඳ වාණිජ හා ආහාර සුරක්ෂිතතා අමාත්‍ය නලින් ප්‍රනාන්දු මහතාගේ අමාත්‍යංශයට අයත් සතොස වෙළෙඳසල්වලට බව මුදල් රාජ්‍ය ඇමැති රංජිත් සියඹලාපිටිය පාර්ලිමේන්තුවේ දී ඊයේ (09) පැවසීය.

ජනගහණ අනුපාතය අනුව අලුතින් මත්පැන්හල් 474ක් සඳහා බලපත්‍ර ලබා දිය හැකි වුව ද පසුගිය වසරේ දී අලුතින් නිකුත් කර ඇත්තේ රා. බී. වර්ගයේ මත්පැන් බලපත්‍ර 58ක් පමණක් බවත් ඇමැතිවරයා කීවේය.

මුදල් රාජ්‍ය ඇමැතිවරයා මේ බව සඳහන් කළේ කළුතර දිස්ත්‍රීක් මන්ත්‍රි ජයන්ත සමරවීර විසින් වාචික පිළිතුරු අපේක්ෂාවෙන් විමසන ලද ප්‍රශ්නයකට පිළිතුරු දෙමිනි.

පසුගිය වසරේදී නව මත්පැන් බලපත්‍ර දෙසිය දාහතරක් දී තිබෙන බව ද ඉන් 147 ක් ම ලබා දී තිබෙන්නේ සංචාරක කර්මාන්තය සඳහා යැයි ද කී ඇමැතිවරයා ඒ අනුව පසුගිය වසරේ ජනවාරි පළමුවැනිදා 5516 ක් වූ මත්පැන් හල් සංඛ්‍යාව මෙම වසරේ ජනවාරි මස පළමු වැනිදා වන විට 5730 ක් දක්වා වැඩි වී තිබෙන බවත් කීවේය.

පසුගිය 2022 වසරට සාපේක්ෂව 2023 වන විට මත්පැන් පරිභෝජනය සියයට 19 කින් පහත වැටී ඇති බවත් එම කාලයේදී මත්පැන් නිෂ්පාදනය ද ලීටර් මිලියන 8.2 කින් අඩු වී ඇති බවත් සඳහන් කළ රාජ්‍ය ඇමැතිවරයා පහළ මධ්‍යම පන්තියේ සහ අඩු ආදායම් ලබන පන්තියේ ජනප්‍රියම මෙන්ම වැඩියෙන්ම අලෙවි වන බව කියන මිලි ලීටර් 180 කාලේ බෝතල් නිෂ්පාදනය 2023 වසරේ දී සියයට 14.5 කින් පහත වැටී තිබෙන බව ද පැවසීය.

පාර්ලිමේන්තු මන්ත්‍රිවරු සඳහා මත්පැන් බලපත්‍ර දීමක් සිදුවී තිබෙන බවට ප්‍රසිද්ධ වී ඇති බැවින් එලෙස නව බලපත්‍ර දුන් මන්ත්‍රිවරුන්ගේ නාම ලේඛනය හෙළි කරන්නැයි මන්ත්‍රිවරයා කළ ඉල්ලීමට ප්‍රතිචාර දක්වමින් මුදල් රාජ්‍ය ඇමැතිවරයා ප්‍රකාශ කළේ එවැනි දේශපාලන වැඩපිළිවෙළක් ක්‍රියාත්මක කර නැතැයි ද කියා සිටියේය.

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved