උතුරු පළාතේ වෙළෙඳ ව්‍යාපාරිකයෝ අද (28) සිය ව්‍යාපාරික ස්ථාන වසා දමා හර්තාලයක නිරත වී ඇත.
මේ හර්තාලය අරඹා ඇත්තේ මුලතිව්, කොක්කුතුඩුවායි ප්‍රදේශයෙන් අස්ථි කොටස් හමුවීම සම්බන්ධයෙන් ජාත්‍යන්තර පරීක්ෂණයකට ඉඩලබා දෙන ලෙස ඉල්ලා සිටිමිනි.
යාපනය , මුලතිව් , කිලිනොච්චිය , මන්නාරම හා වවුනියාව දිස්ත්‍රික්කයන් හි සියළු ව්‍යාපාරික ස්ථාන වසා දමා හර්තාලයට සහය පලකොට ඇතැයිද වාර්තා වේ.
කෙසේවුවද, අත්‍යවශ්‍ය සේවා සඳහා බාධා එල්ලවී ඇතැයි පැවසේ.
උතුරු පළාතේ ධාවනය වන පෞද්ගලික බස්රථ, ත්‍රීරෝද රථ සහ වෙනත් පොදු ප්‍රවාහන සේවා ද ධාවනයෙන් ඉවත්ව හර්තාලයට සහය පලකිිරීම හේතුවෙන් පාසල් අධ්‍යන කටයුතු සහ පාසල් වෙත ළමුන්ගේ පැමිණීම අඩුවීක් ද දක්නට ඇතැයි වාර්තා වේ.
ගමනා ගමන පහසුකම් නොමැතිවීමෙන් රාජ්‍ය ආයතනවලටද දැඩි බලපෑමක් ඒල්ලව ඇති බව මාධ්‍ය වාර්තා කර තිබේ.
කොක්කුතුඩුවායි ප්‍රදේශයේ ජනතාවට පානීය ජලය ලබාදීම සඳහා ජලසම්පාදන මණ්ඩලයේ සේවකයන් පිරිසක් පසුගිය ජුනි 29 වැනිදා බැකෝ යන්ත්‍රයකින් කාණු කපා ජල නළ එළීමේදී පොළව යට තිබී මිනිස් අස්ථි කොටස් හා හමුදා නිලඇඳුමකට සමාන ඇඳුම් කොටස් කිහිපයක් හමුවිය.
කෝකිලායි පොලිසිය මුලතිව් මහෙස්ත්‍රාත් අධිකරණ නියෝග යටතේ අදාළ ස්ථානයේ කැණීම් සිදුකළ අතර එහිදී මිනිස් අස්ථි කොටස් කිහිපයක් හා හමුදා නිල ඇඳුමකට සමාන ඇඳුම් කොටස් කිහිපයක් සොයාගෙන තිභිණි.
එය යුද සමයේ මියගිය එල්.ටි.ටි.ඊ. කාන්තා සෙබලියකගේ සිරුරක කොටස් බවට විමර්ශන නිලධාරීන් මේ වන විට හඳුනාගෙන තිබේ.
