පුවත්
ටෙලිකොම් ගන්න ඉන්න අලි රාජා ජනපතිව ලන්ඩනයේදී මුණගැහෙයි!
එංගලන්තයේ සංචාරයක නිරත ජනපති රනිල් වික්‍රමසිංහ මහතා හා ලයිකා මොබයිල් හිමිකරු සුභාෂ්කරන් අලි රාජා මහතා අතර හමුවක් ලන්ඩනයේ හිල්ටන් හෝටලයේදී සිදුව තිබේ.
එම හමුවට ලයිකා මොබයිල් හි උප සභාපති ප්‍රේම් සිවසාමි මහතා ද එක්ව සිටි බව පැවසේ.
මේ අතර, ලයිකා මොබයිල් විසින් නඩත්තු කරනු ලබන බව පැවසෙන අතිර්වු වෙබ් අඩවිය වාර්තා කර ඇත්තේ ජනපතිවරයා විසින් සුභාෂ්කරන් මහතාට සියලු දෙමළ සිරකරුවන් නිදහස් කරන බවට පොරොන්දුවක් දී ඇති බවයි.
අදාළ වෙබ් අඩවියේ ජනපතිවරයා හා සුභාෂ්කරන් මහතා ගේ හමුවේ ඡායාරූපයක්ද පලකර තිබේ.
මේ අතර, සුභාෂ්කරන් මහතා මෙරට දේශපාලනයට සම්බන්ධවීමට යන බවට ද වාර්තා පැතිර තිබේ.
කෙසේවුවද, මේ හමුවට පෙර වාර්තා වූයේ ජනපතිවරයා අලිරාජා මහතා හමුවීම මගහරිමින් සිටින බවයි.
අදාළ හමුව ජනපතිවරයාගේ ඥාතියකුගේ මැදිහත්වීමෙන් සිදුව ඇති බවද පැවසේ.ලංකාවේ ගුවන් විදුලි හා රූපවාහිනී නාලිකා ජාල තුනක සම්පූර්ණ අවසන් හිමිකරු බවට පත්ව සිටින සුභාෂ්කරන් අලි රාජා මහතා ශ්‍රී ලංකා ටෙලිකොම් පීඑල්සී සහ ලංකා හොස්පිට්ල් පීඑල්සී යන සමාගම්වල රජය සතු කොටස්වල හිමිකාරීත්වය ලබා ගැනීමට සැලැසුම් කරමින් සිටින බව ප්‍රසිද්ධ රහසකි.
අතිර්වු වෙබ් අඩවියේ සටහන පහත දැක්වේ.
සබැදි පුවත්
ටෙලිකොම් ඉඩම් පැවරීම් වල ගැටලුවක්; අලිරාජා ජනපති අල්ලන්න වලිකයි!
ටීවී, රේඩියෝ අල්ලාගත් අලිරාජා ටෙලිකොම් හා ලංකා රෝහලත් ගිලියි!