පැරිස්, ඔලිම්පික් ගිනි සිළුව රැගෙන යාමේ අවස්ථාවට ඊයේ (15) දින තර්ෂන් සෙල්වරාජා එක් විය.
මෙය ඉතා සුවිශේෂ අවස්ථාවක් බවයි ප්‍රංශයේ මෙරට තානාපති කාර්යාලය ට්විටර් සටහනක් තබමින් සඳහන් කර තිබේ.
එම අවස්ථාවට ලාංකීකයන් විශාල පිරිසක් එක්ව සිටියහ.
ප්‍රංශයේ මෙවර ඔලිම්පික් උළෙල පැවැත්වෙන වසර 100කට පසුවයි. ගිනි සිළුව ලබා ගන්නා ස්ථානය වන ‘ගැම්බත්තා’ ප්‍රදේශයට තර්ෂන් සෙල්වරාජා පැමිණියේ, රථ පෙරහැරකිනි.
මෙම ඔලිම්පික් සිළුව රැගෙන යාමේ අවස්ථාව 10,000කට අධික පිරිසකට හිමි විය.
තර්ෂන් සෙල්වරාජා ප්‍රංශයේ රජ මැදුරට වාර්ෂිකව තුනී පාන් විශේෂයක් වන ‘බැගැට්’ (baguette) ලබා දෙන්නා වන අතර ඔහුට මෙම අවස්ථාව හිමි වූයේ, ප්‍රංශයේ පැරිස් නුවර පැවැති ‘Grand Prix de la Baguette de Traditional Francaise de la Ville De Paris’ නම් මෙම තරගයෙන් ජය ගැනීම හේතුවෙනි.
ඔලිම්පික් ගිනි සිළුව සාමාන්‍ය පුරවැසියන්ගේ සිට ප්‍රභූවරුන් දක්වා 10,000කට පමණ පිරිසකට රට පුරා රැගෙන යාමට අවස්ථාව හිමි වන බව සඳහන් වේ.
මෙරට පැවැති යුද තත්ත්වය හේතුවෙන් 2006 වසරේ දී සරණාගතයෙකු ලෙස ප්‍රංශයට ගිය ඔහු එහි දී සූප ශාස්ත්‍රවේදය හදාරා තිබේ.
සබැඳි පුවත්
ඔලිම්පික් ගිනිසිළුව ශ්‍රී ලාංකිකයෙක් අතට
