අද (28) අලුයම කාලයේදී කටුනායක ගුවන් තොටුපොළේදී අත්අඩංගුවට ගත් නටාෂා එදිරිසූරිය ජුනි 07 දක්වා රක්ෂිත බන්ධනාගාරගත කර තිබේ.
ඇයව අද දිනයේදී කොළඹ කොටුව මහේස්ත්‍රාත්වරයා හමුවට ඉදිරිපත් කර තිබුණි.
පසුගියදා කොළඹ පැවති උත්සවයකදී බුදු දහමට එරෙහිව ආන්දෝලනාත්මක ප්‍රකාශ කිහිපයක් සිදුකිරීම සම්බන්ධයෙන් ඇයට චෝදනා එල්ල වී තිබේ.
——————-
(මුල් පුවත : පෙ.ව. 01:30 am 2023 මැයි 28)
නටාෂා ගුවන් තොටේදී අත්අඩංගුවට
පසුගියදා කොළඹ පැවති උත්සවයකදී බුදු දහමට එරෙහිව ආන්දෝලනාත්මක ප්‍රකාශ කිහිපයක් සිදුකළ නතාෂා එදිරිසූරිය අත්අඩංගුවට ගෙන තිබේ.
රටින් පිටවීමට උත්සාහ කිරීමේදී ඇය මීට සුළු මොහොතකට පෙර කටුනායක ගුවන් තොටුපොළේදී අත්අඩංගුවට ගත් බව පොලීසිය පවසයි.
අපරාධ පරීක්ෂණ දෙපාර්තමේන්තුව විසින් ඇය මෙලෙස අත්අඩංගුවට ගෙන ඇත.
