මාස තුනකට කලින් ගෙන්වන ලඳ මින්ස් පරිභෝජනයට නුසුදුසු ලොකු ලූනු කන්ටේනර් තුනක් සීදූව, ලියනගේමුල්ල සෙන්තෝමස් පාරේ පිහිටි භාණ්ඩ රදවා තැබීමේ ගුඳමේදී සොයා ගැනීමෙන් අනතුරුව ඒ්වාට සීල් තබා කන්ටේනර් බාරව සිටි නිලධාරියා අත්අඩංගුවට ගෙන තිබේ.
කටුනායක සීදූව නගර සභාවේ ප්‍රධාන මහජන සෞඛ්‍ය පරීක්ෂක එච්.පී.පී.මනිල් සෝමතිලක මහතාට ලැබුණ තොරතුරකට අනුව ඒ මහතා ඇතුලු මහජන සෞඛ්‍ය පරීක්ෂක කණ්ඩායම අද (13) පස්වරුවේ එලෙස ලොකු ලූනු කිලෝ 20,000ක් පමණ මෙම කන්ටේනර් සොයාගෙන තිබේ.
ලැබුණ තෙරතුරු අනුව කණ්ඩායම විසින් ස්ථානීය පරීක්ෂණයක් සිදුකිරීමේදී කන්ටේනර් තුනක බහාලූ නරක්වී, පැලවී ඇති, ගඳගහන ලොකු ලූනූ සේවකයින් යොදවා පිරිසිදු කරමින් පැල වූ ලූනු කපා ඉවත්කර නැවත අලෙවිය සඳහා තේරීමක් සිදුකරමින් පැවැති බවද එම නිලධාරීහු කියති.
විශය භාර අමාත්‍ය නලින් ප්‍රනාන්දු මහතා විසින් වෙළඳුන් විසින් කෘතිම මිල වැඩිකිරීමට භාණ්ඩ සගවාගෙන සිටින බවත්, ඒ්වා සම්බන්ධයෙන් වැලීම් කරන ලෙස පාරිභෝගික අධිකාරියේ නිලධාරීන් දැනුවත් කර තිබූ බවද පසුගිය දිනවල මාධ්‍ය වාර්තා කර තිබිණි.
සබැඳි පුවත්
බිත්තර හැංගුවේ මිල නැග්ගුවේ ඇමති හා ඥාතියාද?
