2024 මහ මැතිවරණයේ මැතිවරණ දිස්ත්‍රික්ක 22 ක් සඳහා කණ්ඩායම් 690 ක් තරඟ කිරීමට නියමිත බව මැතිවරණ කොමිසම පවසයි.
ප්‍රවෘත්ති සාකච්ඡාවකට එක්වෙමින් මැතිවරණ කොමසාරිස් ජනරාල් සමන් ශ්‍රී රත්නායක මහතා පැවසුවේ, මෙවර මහමැතිවරණය වෙනුවෙන් නාමයෝජනා පත්‍ර 764 ක් ලැබුනත් ඉන් නාමයෝජනා 74ක් ප්‍රතික්ෂේප වූ බවය.
නාමයෝජනා ප්‍රතික්ෂේපවීම සම්බන්ධයෙන් යම් අසාධාරණයක් වී ඇතැයි හැඟේ නම් එම කණ්ඩායම් වලට අධිකරණයට යා හැකි බවද රත්නායක මහතා මෙහිදී පෙන්වා දුන්නේය.
මෙවර මහමැතිවරණයේදී වැඩිම දේශපාලන කණ්ඩායම් ගණනක් තරග කරනු ලබන්නේ දිගාමඩුල්ල මැතිවරණ කොට්ඨාසය සඳහා වන අතර, එය කණ්ඩායම් 64ක් වේ.
අවම කණ්ඩායම් ගණනක් තරග කරනු ලබන්නේ මොණරාගල සහ පොළොන්නරුව මැතිවරණ දිස්ත්‍රික්ක සඳහා වන අතර ඒ සඳහා කණ්ඩායම් 15 බැගින් තරග කරනු ලබයි.
මැතිවරණ කොමිසම පවසන්නේ මනාප අංක ඉදිරියේදී ලබාදීමට නියමිත බවය.
2024 මහ මැතිවරණය සඳහා නාමයෝජනා භාරදීම අද (11) දහවල් 12ට අවසන් විය.
අනතුරුව දහවල් 1.30 වන තෙක් විරෝධතා ගොනු කිරීම සඳහාද කාලය ලබාදී තිබුණි.
